+7 (701) 759 90 19
USD 432.94 EUR 513.68
RUB 5.62 CNY 66.1
Jańalyqtar

Qazaqstanda ákimshilikti isterdi sotqa elektrondy túrde jiberý tetigi ázirlenip jatyr

2021 jylǵy 19 aqpan 14:12
Bólisińiz:
Qazaqstanda ákimshilikti isterdi sotqa elektrondy túrde jiberý tetigi ázirlenip jatyr

NUR-SULTAN. QazAqparat – Qazaqstanda ákimshilikti isterdi sotqa elektrondy túrde jiberý tetigi ázirlenip jatyr. Bul týraly QR Bas prokýratýrasynan málim etti, dep habarlaıdy QazAqparat tilshisi.

Vedomstvo málimetinshe, ákimshilik quqyq buzýshylyq týraly hattamany qysqa ýaqytta ári tez ázirleýge múmkindik beretin mobıldi qosymsha daıyndaldy. Respýblıka boıynsha Іshki ister organdarynyń 14 myńnan astam qyzmetkerine elektrondy hattama toltyrý úshin planshet berilgen. Nur-Sultan, Almaty, Shymkent, Qostanaı, Óskemen, Taldyqorǵan, Aqtóbe, Pavlodar, Atyraý, Taraz, Qaraǵandy, Petropavl, Aqtaý, Kókshetaý, Qyzylorda, Oral, Túrkistan qalalary boıynsha foto, beıne-tirkeý júıelerimen ıntegratsııalaý júrgizildi.

«Quqyq buzýshylarǵa aıyppuldar boıynsha nusqamalardy ýaqtyly jetkizý maqsatynda «Qazposhta» AQ gıbrıdti elektrondyq poshtasy jáne SMS habarlama qyzmeti paıdalanylady. Aıyppuldardy avtomatty túrde óteý boıynsha «Qazposhta» AQ jáne ekinshi deńgeıdegi 19 jetekshi bankpen ıntegratsııa júrgizildi. Bul azamatqa aıyppuldy quqyq buzýshylyq jasalǵan jerde bank kartasymen nemese atalǵan bankterdiń kassa bólimshelerinde, termınaldarda, sonymen qatar mobıldi qosymshalar arqyly jáne «qamqor.gov.kz» saıtynda tóleýge múmkindik beredi. Júıedegi aıyppul avtomatty túrde óteledi. Bul ony qaıta tóleý múmkindigin boldyrmaıdy»,- dedi Bas prokýratýradan.

Qazirgi ýaqytta Bas prokýratýranyń Quqyqtyq statıstıka jáne arnaıy esepke alý komıteti materıaldardy sotqa elektrondy formatta jiberý boıynsha qyzmetti iske qosý boıynsha jumys istep jatyr. Budan basqa, sheteldik nómiri bar avtokólik ıelerine qatysty foto-beınetirkeý qurylǵylarymen anyqtalǵan quqyq buzýshylyqtar boıynsha nusqamalar jasaý múmkindigi qarastyrylýda.

«2020 jyly elimizde ishki ister organdary ákimshilik quqyq buzýshylyq týraly 3 394 855 hattama toltyrdy. Onyń ishinde elektrondy formatta – 2 792 444. Bul jalpy sannyń 82,3 paıyzyn quraıdy. Jol qozǵalysy erejelerin buzǵany úshin 2 189 402 hattama jasaldy. Onyń ishinde elektrondyq formatta – 2 001 844. Bul jalpy sannyń 91,4 paıyzyna teń», - dedi vedomstvodan.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT