+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Qazaqstanda 82 myń bala úıirme men sport sektsııasyna tegin qatysa alady

2021 jylǵy 16 maýsym 18:15
Bólisińiz:
Qazaqstanda 82 myń bala úıirme men sport sektsııasyna tegin qatysa alady

NUR-SULTAN. QazAqparat – Qazaqstanda balalardyń shyǵarmashylyq úıirmeler men sport sektsııalaryna barýyn jan basyna qarjylandyrý qaǵıdasy qabyldandy. Bul týraly QR Mádenıet jáne sport vıtse-mınıstri Erlan Qojaǵapanov aıtyp berdi, dep habarlaıdy QazAqparat tilshisi.

«Memleket basshysy 2020 jylǵy «Jańa jaǵdaıdaǵy Qazaqstan: is-qımyl kezeńi» Qazaqstan halqyna Joldaýynda balalardyń sporttyq jáne shyǵarmashylyq áleýetin damytýǵa erekshe nazar aýdardy. Osy tapsyrmany oryndaý úshin QR Mádenıet jáne sport mınıstrligi birqatar keshendi strategııalyq sharalardy qabyldady. 2020 jylǵy 30 jeltoqsanda «QR keıbir zańnamalyq aktilerine mádenıet, dene shynyqtyrý jáne sport máseleleri boıynsha ózgerister men tolyqtyrýlar engizý týraly» QR Zańy qabyldandy. Onyń aıasynda alǵash ret balalar men jasóspirimderge arnalǵan memlekettik shyǵarmashylyq jáne sporttyq tapsyrys tetigi engizildi», - dedi vıtse-mınıstr Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, tıisti normatıvtik-quqyqtyq aktiler – jan basyna qarjylandyrý ádistemesi men erejeleri, memlekettik shyǵarmashylyq jáne sporttyq tapsyrystardy ornalastyrý erejesi jáne shyǵarmashylyq úıirmeler men sport sektsııalarynyń reıtıngin anyqtaý erejesi qabyldandy.

Atalǵan qujattar QR Ádilet mınıstrliginde memlekettik tirkeýden ótti jáne QR Mádenıet jáne sport mınıstriniń buıryǵymen bekitildi.

«Memlekettik shyǵarmashylyq jáne sport tapsyrysyn júzege asyrý bıylǵy 1 mamyrda iske qosyldy. Qarjylandyrý jergilikti bıýdjet esebinen qamtamasyz etildi. Memlekettik tapsyrysty engizý 4-18 jastaǵy 82 241 bala men jasóspirimniń aqysyz negizde qosymshaǵa barýyn, onyń ishinde úıirmemen – 30 172 adamdy, sport sektsııasymen – 52 069 adamdy qamtýǵa múmkindik beredi», - dedi E. Qojaǵapanov.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT