Jańalyqtar  >
Qazaqstanda «7-20-25» ornyna jańa ıpotekalyq baǵdarlama iske qosylmaq
2022 jylǵy 5 shilde 11:11

Qazaqstanda «7-20-25» ornyna jańa ıpotekalyq baǵdarlama iske qosylmaq

NUR-SULTAN. QazAqparat – Qazaqstan turǵyn úı kompanııasynyń kepildigimen ıpotekanyń jańa túri iske qosylýy múmkin, dep habarlaıdy QazAqparat tilshisi.

Bul týraly «Báıterek» ulttyq basqarý holdınginiń basqarma tóraǵasy Qanat Shalapaev aıtty.

«Zeınetaqy jınaqtarynyń turǵyn úıge jumsaýǵa bolatyn shekti mólsheriniń ósýine jáne kelesi jyly «7-20-25» baǵdarlamasynyń aıaqtalýyna baılanysty 500 mlrd teńge ıpotekaǵa nemese 35 myń páterge degen suranystyń tómen bolýy boljanýda.Jeke qurylys salýshylardyń kommertsııalyq turǵyn úıdi satý jyldamdyǵy aıtarlyqtaı tómendeýi múmkin.Suranystyń ótelmeýine jol bermeý maqsatynda halyq úshin Ekinshi deńgeıli bankterdiń naryqtyq ıpotekasy boıynsha syıaqy mólsherlemesin sýbsıdııalaý tetigin iske qosý usynylady», - dedi ol Úkimet otyrysynda.

Aıtýynsha, Qazaqstan Qarjygerler qaýymdastyǵymen júrgizilgen kelissózder nátıjesinde mynadaı bazalyq sharttar usynylyp otyr. Ol usynystar mynadaı:

- bastapqy jarna 20 paıyzdan bastalatyn;

- kredıt berý merzimi 20 jylǵa deıin bolatyn;

- qaryzdyń eń joǵarǵy somasy 35 mln teńgege deıin jetetin;

- tólem qabilettiligin mindetti túrde rastaýdy qajet etetin ıpotekany iske qosý usynylýda.

«Ulttyq banktiń bazalyq mólsherlemesiniń deńgeıinen 5%-dan aspaıtyn ıpoteka boıynsha syıaqy mólsherlemesiniń 7% sýbsıdııalanady. Ekinshi deńgeıli bankter óz qarajaty esebinen qurylys salýshylardyń bastapqy turǵyn úıine jáne Qazaqstan turǵyn úı kompanııasynyń kepildigimen qamtamasyz etilgen salynyp jatqan turǵyn úıge qaryz bere alady. Osy baǵdarlamany iske qosý úshin zańnamalyq ózgerister qajet emes. Qazirgi ýaqytta bıýdjettik ótinim Qarjy mınıstrliginiń qaraýynda. Bıýdjet maquldanǵannan keıin, Qazaqstandyq turǵyn úı kompanııasy osy baǵdarlamany dereý iske qosýǵa daıyn»,-dedi Qanat Shalapaev.

Aıta keteıik, Úkimet otyrysynda Premer-Mınıstr arendalyq turǵyn úıdi satyp alýdaǵy zańnama qaıshylyǵyn sheshýdi tapsyrdy.

Ashyq kózderden alynǵan foto


Uqsas jańalyqtar
Seriktester jańalyqtary

Jańalyqtar

Úrdis

MURAǴAT