Qazaqstanda «5-20-25» baǵdarlamasy bastalady

NUR-SULTAN. QazAqparat - Tabysy tómen azamattar «5-20-25» baǵdarlamasymen baspana alý múmkindigi bar. Bul týraly búgin Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.
Mınıstr qazirgi ýaqytta 2020-2025 jyldarǵa arnalǵan «Nurly jer» turǵyn úı-kommýnaldyq damýynyń memlekettik baǵdarlamasyn ázirlengenin, onyń naqty 5 mindeti bar ekendigin aıtty.
«Biryńǵaı turǵyn úı saıasatyn iske asyrý» atty birinshi mindettiń aıasynda turǵyn úıge qoljetimdilik satysy engiziledi. Aıqyndaýshy faktor – halyqtyń tabysy. Otbasy múshesine shaqqanda bir eń tómen kúnkóris deńgeıine deıingi tabysy bar azamattarǵa (29,7 myń teńge) satyp alýsyz jalǵa beriletin turǵyn úı usynylady (jetim balalar, 1 jáne 2-toptaǵy múgedekter, zeınetkerler jáne t.b.). «Baqytty otbasy» baǵdarlamasy burynǵysynsha 2 eń tómen kúnkóris deńgeıine deıingi tabysy bar azamattarǵa (59,4 myń teńge) qoljetimdi bolady (kópbalaly, tolyq emes jáne múgedek balalary bar otbasylar)», - dedi mınıstr.
Onyń atap ótýinshe, 3,1 eń tómen kúnkóris deńgeıine deıingi tabysy bar azamattarǵa (92 myń teńge) «5-20-25» baǵdarlamasy boıynsha ákimdikterdiń kredıttik turǵyn úılerin alý múmkindigi beriledi. Tabysy 3,1 eń tómen kúnkóris deńgeıinen asatyn azamattarǵa «7-20-25» baǵdarlamasy usynylady. Tabysy 5 kúnkóris deńgeıinen asatyn adamdar (148,5 myń teńge) bastapqy jáne keıingi naryqtan turǵyn úı satyp alý úshin qoldanystaǵy Ulttyq banktiń «Baspana-hıt», Qazaqstan Ipotekalyq kompanııasynyń «Orda», Turǵynúıqurylysjınaqbankiniń «Óz úıim» sııaqty naryq ónimderin paıdalana alady.
«Baspana alýdyń ashyqtyǵy men biryńǵaı júıelik esepke alýdy qamtamasyz etý úshin Kezekte turǵandardyń biryńǵaı respýblıkalyq bazasy engizilýde. Atalǵan bazanyń derekteri kezekte turǵan adamdar arasynda turǵyn úıdiń qoljetimdiligin anyqtaý úshin paıdalanylatyn bolady, bul memlekettik qoldaýdyń naqty adamǵa berilýi men memlekettik qarajatty paıdalanýdyń tıimdiligin qamtamasyz etedi», - dedi Beıbit Atamqulov.
- Qısaıǵan úı súriletin bolsa, turǵyndardyń jaǵdaıy ne bolmaq
- Baqytjan Saǵyntaev jastardyń Almatydan nege ketkisi kelmeıtinin aıtty
- Qyzylordada 240 otbasy jańa baspananyń kiltin aldy
- Almatylyq jastar qonys toıyn toılady
-
Myńdaǵan elordalyq jastar páter kiltin aldy
-
Elordada «Invataksı» qyzmeti jańa 10 jańa avtokólikpen tolyǵady
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam