Qazaqstanda 300 myńǵa jýyq frılanser jumys isteıdi – birinshi vıtse-mınıstr
2022 jylǵy 25 mamyr 10:28

Qazaqstanda 300 myńǵa jýyq frılanser jumys isteıdi – birinshi vıtse-mınıstr

NUR-SULTAN. QazAqparat - Qazaqstanda búginde 300 myńǵa jýyq frılanser jumys isteıdi. Bul týraly Eńbek jáne halyqty áleýmettik qorǵaý birinshi vıtse-mınıstri Aqmádı Sarbasov aıtty, dep habarlaıdy QazAqparat.

Ol Ózbekstanda ótip jatqan «Ortalyq Azııadaǵy ekonomıkalyq damý úshin tıimdi basqarý» halyqaralyq konferentsııasy barysynda jumyspen qamtýdyń standartty emes túrleriniń kóbeıýi baıqalǵanyn atap ótken.

Birinshi vıtse-mınıstrdiń málimetinshe, 10 jyl ishinde álemde tsıfrlyq eńbek platformalarynyń sany 5 ese ósti. Platformalyq jumyspen qamtý kóptegen adam úshin aqsha tabýdyń jáne kásibı damýdyń naqty ádisine aınalýda.

«Jahandyq kompanııalardyń 40%-y óz jumysynda frılanserler sanyn arttyrýdy josparlap otyr. Al Qazaqstanda, bizdiń baǵalaýymyz boıynsha, búginde 300 myńǵa jýyq frılanser jumys isteıdi», – dedi Aqmádı Sarbasov.

Spıker birqatar jańa strategııalyq bastamalardy da usyndy. Ol halyqtyń tabysyn 2025 jylǵa qaraı 27%-ǵa arttyrý jónindegi mindetterdi sheshýge kómektesýi tıis. Jalpy bastamalar 4 baǵytta iske asyrylady:

– oqytý jáne qaıta daıarlaý arqyly jumys kúshiniń sapasyn arttyrý;

– zańnamalyq retteý arqyly eńbek naryǵyn yryqtandyrý jáne jumystyń ıkemdi túrlerimen qamtylǵan qyzmetkerlerdi áleýmettik qorǵaýdy qamtamasyz etý;

– halyqqa kórsetiletin qyzmetterdiń sapasyn arttyrý úshin eńbek naryǵynyń ınfraqurylymyn damytý;

– eńbek naryǵynyń tsıfrlyq ekojúıesin qurý arqyly qyzmetterdi aýqymdy tsıfrlandyrý.

Aıta keteıik, buǵan deıin elimizde aldaǵy 5-10 jylda 240-qa jýyq kásip paıda bolýy múmkin ekenin habarlaǵan bolatynbyz.



Uqsas jańalyqtar

Jańalyqtar

MURAǴAT