+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Qazaqstanda 130-ge jýyq qar barysy bar - Maǵzum Myrzaǵalıev

2020 jylǵy 23 qazan 10:48
Bólisińiz:
Qazaqstanda 130-ge jýyq qar  barysy bar -  Maǵzum Myrzaǵalıev

NUR-SULTAN. QazAqparat – Qazaqstanda búgingi tańda 120-130 qar barysy bar. Bul týraly Ekologııa, geologııa jáne tabıǵı resýrstar mınıstri Maǵzum Myrzaǵalıevtyń Twitter paraqshasynda jazdy, dep habarlaıdy QazAqparat.

«Búgin, ıaǵnı 23 qazan kúni Halyqaralyq qar barysy kúni atalyp ótýde. Qazaqstanda 120-130 bas ilbis bar desek, olardyń sany jyl saıyn azaıyp keledi. Barystyń fototuzaqqa túsip qalatyn sırek kadrlary jyrtqysh ańnyń popýlıatsııasyn zertteýde óte baǵaly. Mundaı ataýly kún qar barysy men onyń meken etý ortasyn saqtap qalý problemasyna qoǵam nazaryn kóbirek aýdarýǵa septigin tıgizetinine senemin», - dep jazdy mınıstr.

Qar barysy nemese ilbis Ortalyq Azııanyń taýlarynda, Soltústik Úndistan, Pákistan, Baıkal, Tıbet óńirlerin mekendeıtin mysyq tuqymdas ańnyń túri. Túrki tildes jáne kóshpendi elder úshin, barys ulttyq tańba. Qazaq halqy ejelden barystyń tektiligin, batyldyǵyn, aılalylyǵyn pir tutqan. Dástúrli jyl sanaýymyzdyń úshinshi jyly Barys jyly. Barys Nur-Sultan men Almaty qalalarynyń tóltańbalarynda beınelengen.

Qar barysynyń barlyq jerde sany óte az. Tek basqa jerden qaraǵanda Almaty qoryǵynda jıirek kezdesedi. Іle Alataýynda 30-35, Teriskeı Alataýynda 2-3, Ketpende – 2-3 barys tirshilik etedi. XX ǵasyrdyń 60-80 jyldary Kúngeı Alataýynda onyń izderi jıi kezdesetin. Sol jyldary Jońǵar Alataýynda 50 barys tirshilik etti, al Saýyrda izderi ǵana kórindi. Batys Tıan-Shanda sırek, Aqsý-Jabaǵyly qoryǵynda 2-3 barys ómir súredi. XX ǵasyrdyń 70-80 jyldary Qazaqstanda barlyǵy 180-200-deı barys bar ekendigi anyqtaldy. Al qazirde bul kórsetkish 130-daı ǵana. Qar barysynyń taralý aımaǵy tarylyp, sany kemip bara jatyr.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT