+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Qazaqstanda 13,1 mln sharshy metr baspana paıdalanýǵa berildi

2020 jylǵy 13 qańtar 20:12
Bólisińiz:
Qazaqstanda 13,1 mln sharshy metr baspana paıdalanýǵa berildi

NUR-SULTAN. QazAqparat – Byltyr Qazaqstanda 13,1 mln sharshy metr baspana paıdalanýǵa berildi. Bul týraly Indýstrııa jáne ınfraqurylymdyq damý mınıstrliginen málim etti, dep habarlaıdy QazAqparat.

Uqsas jańalyqtar
SQO-da bıyl ońtústikten qonys aýdarǵandarǵa 700-den astam turǵyn úı salynady Qazaqstanda ıpotekalyq tólemder úsh aı toqtatyla turady Atyraýda súrilgen kottedj ıesine 91 mln teńge ótemaqy berildi

«Halyq úshin turǵyn úıdiń qoljetimdiligin qamtamasyz etýdi maqsat etetin «Nurly jer» memlekettik baǵdarlamasy aıasynda 2019 jyldyń qorytyndysynda respýblıka boıynsha barlyǵy 13,1 mln sharshy metr baspana paıdalanýǵa berildi. Bul degenimiz 115 800 páter. 2018 jylmen salystyrǵanda atalǵan kórsetkish 104,9 paıyzdy qurady. Endi bárin tarqatyp aıtsaq, ótken jyldyń 12 aıy ishinde satyp alý quqyǵynsyz 14,5 myń jalǵa beriletin páter salyndy. Onyń ishinde 6 266 páter áleýmettik jaǵynan az qamtylǵan azamattarǵa berildi. Óńirler arasynda bul turǵydan Túrkistan (1532 páter), Atyraý (600 páter) jáne Qyzylorda (521 páter) oblystary alda keledi», - delingen mınıstrlik málimetinde.

Munymen qosa, 5 597 páter kópbalaly otbasylardyń ıgiligine berildi. Túrkistan oblysy (841 páter) bul jaǵynan da kósh basynda. Odan keıingi oryndarda Almaty oblysy (686 páter) jáne Nur-Sultan qalasy (549 páter) tur.

«Sondaı-aq, satyp alý quqyǵynsyz beriletin páterlerge jastar da ıe boldy. Onyń ishinde Nur-Sultan qalasynda 1050 páter, Shymkentte 904 páter jáne Almaty qalasynda 576 páter kilti jumys isteıtin jastarǵa tabys etildi», - dep naqtylady vedomstvo mamandary.

Sonymen qatar, jergilikti atqarýshy organdar tarapynan 10 600 páter, «Samuryq-Qazyna jyljymaıtyn múlik qory» AQ qarjylandyrýy esebinen 643 páter, jeke salýshylar esebinen 2 748 páter salyndy.

Osy oraıda 2018 jyly Qazaqstanda 12,5 mln sharshy metr baspana paıdalanýǵa berilgenin aıta ketý kerek.

Elimizde turǵyn úı qurylysy salasyndaǵy jumystar endi 2020-2025 jyldarǵa arnalǵan «Nurly jer» jańa memlekettik baǵdarlamasy aıasynda jalǵasyn tabady. Jańa baǵdarlamada turǵyn úı qurylysy, azamattardy baspanamen qamtamasyz etý, turǵyn úı kommýnaldyq sharýashylyq júıesin damytý salasyndaǵy memlekettik qoldaýdyń barlyq sharalary úılestirilgen.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT