Qazaqstan «Jibek joly» kemesin jalǵa alǵan reseılik kompanııamen kelisimshartty buzýy múmkin – mınıstr
2022 jylǵy 5 shilde 10:29

Qazaqstan «Jibek joly» kemesin jalǵa alǵan reseılik kompanııamen kelisimshartty buzýy múmkin – mınıstr

NUR-SULTAN. QazAqparat –Indýstrııa jáne ınfraqurylymdyq damý mınıstri Qaıyrbek Óskenbaev Úkimet kýlýarynda Qazaqstan «Jibek joly» kemesin jalǵa alǵan reseılik kompanııamen kelisimshartty buzýy múmkin ekenin aıtty, dep habarlaıdy QazAqparat tilshisi.

«Eger keme Qazaqstanda jáne halyqaralyq deńgeıde qabyldanǵan quqyqtyq normalarǵa sáıkes kelmeıtin qyzmetpen (tasymaldaýmen) aınalyssa, árıne, ondaı kelisimshart buzylyp, keme keri qaıtaryp alynady», - dedi Óskenbaev.

Eske salsaq, Túrkııadaǵy Ýkraına elshisi Vasılıı Bodnar qazaqstandyq «Jibek joly» kemesimen tasymaldanǵan astyq jóninde jergilikti bılikke júgingeni habarlanǵan bolatyn.

«Qazaqstan temir joly» ulttyq kompanııasy qazaqstandyq «Jibek joly» kemesimen Ýkraınadan astyq eksporttalyp jatqanyna qatysty pikir bildirdi.

Sonymen birge QTJ kemeni jalǵa alýshydan mán-jaıdy jedel ári egjeı-tegjeıli túsindirýdi surady.


Seriktester jańalyqtary

Jańalyqtar

Úrdis

MURAǴAT