+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstan jastarynyń 60% astamy jańalyqty áleýmettik jelilerden biledi – Aqparat mınıstri

2021 jylǵy 7 maýsym 22:40
Bólisińiz:
Qazaqstan jastarynyń 60% astamy jańalyqty áleýmettik jelilerden biledi – Aqparat mınıstri

NUR-SULTAN. QazAqparat – Qazaqstan jastarynyń 60% astamy jańalyqtar men oqıǵalardy áleýmettik jeliler men blogtardan biledi. Bul týraly QR Aqparat jáne qoǵamdyq damý mınıstri Aıda Balaeva aıtyp berdi, dep habarlaıdy QazAqparat.

Uqsas jańalyqtar
Táýelsizdiktiń  30 jyldyǵyna oraı 1149 is-shara ótkizildi - BQO Nur Otan astanalyq «Qazaqaýyl» yqshamaýdany turǵyndaryna gaz tartý máselesinde kómek berdi Eńbek mınıstrligi álemdegi jumyssyzdyq deńgeıine boljam jasady

Mınıstr jyl saıyn «Qazaqstan jastary» ulttyq baıandamasyn ázirleıtinderin atap ótti. Onda túrli saladaǵy jastardyń jaǵdaıyna taldaý, jastar saıasaty salasyndaǵy zertteýler qorytyndysy jáne memlekettik organdar men azamattyq qoǵam ınstıtýttaryna arnalǵan usynystar qamtylady.

«Internettiń keńinen taralýy aqparattyń balamaly arnalarynyń damýyna yqpal etedi. Bir qyzyǵy bul jaǵynan áleýmettik jeliler men blogtar qatty tanymal: jastardyń 60%-ten astamy Qazaqstandaǵy jańalyqtar men oqıǵalar jaıly sodan biledi eken. 33,3%-i qazaqstandyq ınternet resýrstardy, 39,1% - qazaqstandyq respýblıkalyq arnalardy, 11,3 % - óńirlik kanaldardy qaraıdy. Osylaısha, eldegi oqıǵalardan habardar bolyp otyrady, aqparattyq keńistikte ınternettiń, ásirese áleýmettik jeliler men blogtardyń mańyzy zor», - dedi mınıstr «Sputnik Qazaqstan» portalyndaǵy suhbatynda.

Sonymen birge Aqparat mınıstri jastardyń resmı derekkózderden mańyzdy ári durys aqparat alýy úshin qandaı sharalar atqarylǵanyn aıtyp berdi.

«Bul biz úshin óte ózekti másele jáne ol jastarǵa ǵana emes, barsha halyqqa qatysty. Ótken jyly jazdyń sońynda resmı aqparatty jetkizýge baǵyttalǵan úsh jobany iske qostyq: jalǵan aqparatty resmı túrde jedel joqqa shyǵarý, memlekettik baǵdarlamalar týraly málimet berý jáne memlekettiń qoǵamnyń áljýaz toptaryna, jastarǵa kórsetetin qoldaýy men jeńildikterin, memlekettik saıasatty túsindirý», - deıdi vedomstvo basshysy.

Birinshi másele boıynsha stopfake.kz saıty ashyldy, onyń kómegimen resmı organdar 1300-den astam feıkti teriske shyǵardy.

Ekinshi baǵyt boıynsha – gosprogram.kz memlekettik baǵdarlamalar portaly iske qosylǵan. Onda barlyq memlekettik baǵdarlamanyń máni qysqa ári nusqa, ınfografıka túrinde túsindirilip, oǵan qatysý, kredıt alý, memlekettik baǵdarlama aıasynda oqý sharttary jaıly grafıkalyq, mátindik, aýdıo jáne vıdeonusqaýlyqtar da usynylady.

Memlekettik jáne jergilikti aqparattyq organdardyń jumysy týraly resmı aqparatty, Prezıdent joldaýyn, resmı málimdemeler men baspasóz habarlamalaryn túsindirý úshin gossmi.kz – Memlekettik BAQ portaly jumys isteıdi.

«Alaıda bul – resmı aqparat alýǵa bolatyn aqparattyq resýrstar ǵana, munda áleýmettik jelilerde otyrý faktory da óte qajet. Búginde kóptegen vedomstvo men olardyń birinshi basshylarynda, tipti memleket basshysynda áleýmettik jelilerde belsendi paraqshalary bar. Sonyń arqasynda halyq resmı aqparatty birinshi basshynyń óz aýzynan estıdi, anonımdi pablıkter men basqa da kúmándi derekkózderge erip ketpeıdi. Bul turǵyda birinshi basshylardyń qarapaıym halyqqa ashyq bolýy óte mańyzdy jáne saıası ısteblıshmenttiń jańa býynyn tárbıeleýge ózderi úlgi etip kórsetýi kerek», - deıdi Aıda Balaeva.

Buǵan deıin Aqparat jáne qoǵamdyq damý mınıstri Aıda Balaeva jýrnalısterdiń biliktiligin arttyrý úshin qandaı sharalar jasalǵanyn baıandaǵan edi.

Sondaı-aq mınıstr memlekettik aqparattyq tapsyrystyń mańyzy men jańa ádisteri týraly aıtyp berdi.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT