Qazaqstan Ystyqkóldegi kún elektr stantsııasy qurylysyna kapıtal salmaq
2022 jylǵy 26 mamyr 15:40

Qazaqstan Ystyqkóldegi kún elektr stantsııasy qurylysyna kapıtal salmaq

BІShKEK. QazAqparat - Qazaqstan barlyq mindettemelerin tolyq oryndaýǵa jáne mańyzdy jobalardy birlese iske asyrýǵa daıyn. Bul týraly Qazaqstan men Qyrǵyzstan Prezıdentteriniń buqaralyq aqparat quraldary úshin ótken brıfıngi barysynda Qasym-Jomart Toqaev aıtty, dep habarlaıdy QazAqparat Aqordaǵa silteme jasap.

Jobanyń quny – 300 mln dollar. Qasym-Jomart Toqaev sý-energetıka salasyndaǵy qarym-qatynasty úılestirýdi mańyzdy baǵyt retinde atady.

«Biz transshekaralyq sý resýrstary - ortaq baılyq ekenin taǵy bir márte atap kórsettik. Sý tapshylyǵy máselesi jyldan-jylǵa kúrdelenip keledi. Bedeldi halyqaralyq ekologııalyq uıymdar osyndaı boljam jasap otyr. Sý keleshekte kóp bolmaıdy, tapshy bolady. Bul – anyq nárse. Sondyqtan, Ortalyq Azııa memleketteri birlesken jumystardy qolǵa alýy qajet. Eki elge ortaq ózender árdaıym jurtty jaqyndastyra túsýge dáneker bolýy kerek. Qazaqstan barlyq mindettemelerin tolyq oryndaýǵa jáne mańyzdy jobalardy birlese iske asyrýǵa daıyn», – dedi Memleket basshysy.

Buǵan deıin habarlaǵanymyzdaı, Qasym-Jomart Toqaev resmı saparmen Qyrǵyzstanǵa bardy.

Qyrǵyzstan Prezıdenti «Aq keme» mármár shatyrynda Qasym-Jomart Toqaevty resmı qarsy aldy.

Qazaqstan men Qyrǵyzstan Prezıdentteri shaǵyn quramda kelissóz júrgizdi.

Shaǵyn formatta ótken kezdesýden keıin eki memlekettiń resmı delegatsııalarynyń qatysýymen keńeıtilgen quramda kelissóz júrgizdi.

Qazaqstan Prezıdentiniń Qyrǵyzstanǵa sapary barysynda birqatar qujatqa qol qoıyldy.

Qasym-Jomart Toqaev pen Sadyr Japarov BAQ ókilderi úshin brıfıng ótkizdi.


Uqsas jańalyqtar

Jańalyqtar

MURAǴAT