+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Qazaqstan ıadrolyq qarýǵa tyıym salý týraly qujatty BUU tapsyrdy

2019 jylǵy 30 tamyz 15:51
Bólisińiz:
Qazaqstan ıadrolyq qarýǵa tyıym salý týraly qujatty BUU tapsyrdy

NUR-SULTAN. QazAqparat – Qazaqstan ıadrolyq qarýǵa tyıym salý týraly shartty ratıfıkatsııalaǵany jóninde resmı qujatyn Birikken Ulttar Uıymynyń hatshylyǵyna tapsyrdy. Bul týraly QazAqparat SІM silteme jasap habarlaıdy.

Uqsas jańalyqtar
Taılandta Semeı polıgonynyń qasireti týraly fılm kórsetildi Ankarada ıAdrolyq synaqtarǵa qarsy halyqaralyq kún atap ótildi Elbasy álemdik derjavalardyń basshylaryn Qazaqstanǵa shaqyrdy

Qujatty tapsyrý rásimi BUU qoǵamdastyǵynda onynshy ret atalyp otyrǵan ıadrolyq synaqtarǵa qarsy is-qımyldardyń halyqaralyq kúnine oraılastyryldy.

Іs-sharaǵa BUU jáne 103 eldiń 500-den astam úkimettik emes uıymdarynyń koalıtsııasyn quraǵan «ICAN» ıadrolyq qarýǵa qarsy halyqaralyq qozǵalysynyń ókilderi qatysty. Olar Qazaqstanǵa ıadrolyq qarýsyzdaný isindegi beriktigi men kóshbasshylyǵy úshin alǵystaryn bildirdi.

Qujatty depozıtarııge tapsyra otyryp, Qazaqstan Respýblıkasynyń BUU janyndaǵy Turaqty ókili Qaırat Omarov bul oqıǵa Qazaqstannyń ıadrolyq qarýdan azat álem qurýdaǵy jahandyq kúsh-jigerlerge qosqan taǵy bir mańyzdy praktıkalyq úlesi ekenin atap ótti.

Osydan 70 jyl buryn keńestik atom bombasy alǵash ret synaqtan ótkizilgen el búginde ratıfıkatsııalaý qujatyn tapsyrý arqyly 26-shy memleket bolyp ıadrolyq qarýǵa zańdy túrde tyıym salatyn alǵashqy tarıhı sharttyń kúshine ený perspektıvasyn jaqyndata tústi.

Sharttyń mátinin ázirleýge jáne onyń qabyldanýyna Qazaqstan belsendi túrde qatysyp kelgeni belgili. Qujattyń negizgi erejeleri álemdegi tórtinshi eń iri ıadrolyq arsenal ıesinen ıadrolyq qarýsyzdaný men taratpaý salasyndaǵy kóshbasshy memleketke aınalýdyń ónegeli jolyn kórsetken Qazaqstannyń qaǵıdatty ustanymyna jaýap beredi.

Qazaqstannyń ıadrolyq qarýǵa qarsy júrgizip jatqan kúsh-jigerleri eldiń Tuńǵysh Prezıdenti Nursultan Nazarbaevtyń 2045 jylǵa qaraı BUU-nyń 100 jyldyq mereıtoıyna deıin ıadrolyq qarýdan azat álemge qol jetkizý jónindegi bastamasyn basshylyqqa alýda. ıAdrolyq qarýǵa tyıym salý týraly sharttyń qabyldanýy bul qarý túrin joıý úshin kúres jolyndaǵy tarıhı mańyzdy kezeń bolmaq.

Sharttyń kúshine enýi úshin 50 memlekettiń ratıfıkatsııasy qajet. Osy oraıda qazaqstandyq ókildik basshysy: «Eger Bolıvııa qajetti ratıfıkatsııalar sanynyń birinshi jartysyna 6 tamyz kúni - Hırosımany bombalaý kúni jetkizse, Qazaqstan ekinshi jartysynyń tusaýyn Halyqaralyq ıadrolyq synaqtarǵa qarsy kúnine oraılastyryp ashyp otyr. Osylaısha elimiz búkil adamzattyń qaýipsiz bolashaǵyn oılaýshylardy osyndaı áreketterge barýǵa shabyttandyra túspek» - dep málimdedi.

Rásim barysynda qatysýshylar barlyq ıadrolyq synaqtardyń qurbandaryn bir mınýt únsizdikpen eske aldy.

«Bizdiń áreketimiz, sonymen qatar, ıadrolyq qarýdy qoldaný saldarynan zardap shekkenderdiń barlyǵyna degen qurmetimiz bolyp tabylady. Ortaq mindetimiz - osyndaı qaıǵyly jaǵdaılardyń qaıtalanýyn boldyrmaý», - dep atap ótti Q.Omarov.

Aıta ketsek, ıadrolyq qarýǵa tyıym salý týraly sharty qol qoıý úshin Nıý-Iork qalasynda 2017 jylǵy 20 qyrkúıekte BUU Bas Assambleıasynyń 72-sessııasy aıasynda ashyldy jáne 50-shi ratıfıkatsııalaý gramotasy saqtaýǵa tapsyrylǵannan bastap 90 kúnnen keıin kúshine enedi. Búgingi tańda 70 memleket Shartqa qol qoıyp, onyń 26-sy osy qujatty ratıfıkatsııalaǵan.

Qazaqstan bul qujatqa 57-shi memleket retinde 2018 jylǵy 2 naýryzda qol qoıdy, al 2019 jylǵy 29 tamyzda ony ratıfıkatsııalaǵany jóninde resmı qujatyn 26-shy memleket bolyp tapsyrdy.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT