+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qazaqstan Ulttyq banki zertteý jumystaryn júrgizýge baıqaý jarııalaıdy

2021 jylǵy 10 tamyz 16:29
Bólisińiz:
Qazaqstan Ulttyq banki zertteý jumystaryn júrgizýge baıqaý jarııalaıdy

NUR-SULTAN. QazAqparat - Qazaqstan Ulttyq banki zertteý júrgizýshilerge granttar usyný úshin izdenýshilerdiń baıqaý negizinde irikteletinin habarlaıdy.

Uqsas jańalyqtar
Ulttyq bank teńgeniń rýblge qatysty álsireýi týraly túsinik berdi

Maqsat – ekonomıkalyq zertteýlerdi damytý, aqsha-kredıt saıasaty men qarjy turaqtylyǵy salasynda akademııalyq qoǵamdastyqtyń ǵylymı áleýetin jumyldyrý, aqsha-kredıt saıasaty, qarjy turaqtylyǵy jáne Ulttyq Bank qyzmetiniń basqa da baǵyttary máselelerinde jurtshylyqtyń habardar bolýyn qamtamasyz etý, dep habarlaıdy QazAqparat.

Granttardy usyný tártibi Qazaqstan Respýblıkasynyń Ulttyq Banki basqarmasynyń 2021 jylǵy 19 sáýirdegi №47 qaýlysymen bekitilgen Granttar usyný qaǵıdalarynda belgilengen.

Konkýrstyq irikteýge:

- joǵary jáne joǵary oqý ornynan keıingi bilim berý baǵdarlamasyn iske asyrý jónindegi qyzmetti, zertteý qyzmetin, ǵylymı qyzmetti nemese saýalnama júrgizip, derekterdi biriktirý arqyly málimet jınaý, saqtaý jáne kompılıatsııalaý jónindegi qyzmetti júzege asyratyn;

- jabylý aldynda nemese bankrottyq protseste bolmaǵan zańdy tulǵalar (budan ári – izdenýshiler) qatysa alady.

Іzdenýshilerdi baıqaý negizinde irikteý kelesi zertteý taqyryptary aıasynda ótedi:

Ortalyq banktiń táýelsizdigi jáne ınflıatsııa boıynsha maqsatqa jetý;

Fıskaldy saıasatqa negizdemelik kózqaras;

Bıýdjet shyǵysy: tsıkldik kútilmegen ózgerister men fıskaldy mýltıplıkatorlar;

Ótimdilikti shuǵyl usyný tetikteri;

Importty almastyrý jáne ártaraptandyrý jónindegi sharalardyń nátıjeliligin taldaý

«Jandy baǵalar»: qyzmet ınflıatsııasy monıtorınginiń balamaly ádisteri;

Úı sharýashylyqtarynyń boryshy, geterogendik jáne qarjylyq turaqtylyq;

Segmenttelgen eńbek naryǵy: biliktilikke suranystyń tsıkldik ıkemdiligi;

Týyndy qarjy quraldarynyń naryǵy: damý boıynsha kedergiler men sharalar;

Qazaqstandaǵy jeke kapıtal naryǵy, onyń damý perspektıvalary;

Baǵaly qaǵazdar naryǵynda bilikti jáne biliktiligi joq ınvestorlardy qorǵaý tetikteri, ınvestordyń táýekel beıini men biliktiligin baǵalaýǵa qoıylatyn qaǵıdattardy, ádisterdi jáne talaptardy qosa alǵanda, Eýroodaq zańnamasynyń tájirıbesi;

Qor naryǵynyń ótimdiligi men tereńdigin arttyrý tetikteri: halyqaralyq tájirıbe jáne Qazaqstan jaǵdaıyndaǵy ımplementatsııa;

Reversıvti annýıtetter egde jastaǵy adamǵa uzaq merzimdi kútip-baǵý boıynsha ómir boıǵy tólemderdiń kózi retinde; Qazaqstan Respýblıkasynyń jaǵdaılary úshin ekonomıkalyq-matematıkalyq modeldi qurý;

Solvency II táýekelge baǵdarlanǵan modeliniń eýropalyq tujyrymdamasyn jáne C-ROSS táýekelderin baǵalaýdyń qytaılyq modelin salystyrmaly taldaý, sondaı-aq olardy Qazaqstannyń saqtandyrý naryǵyna zertteýdiń matematıkalyq ımplementatsııasy;

Usynylatyn granttardyń jalpy somasy 150 mln teńgeni quraıdy. Bul qarajat ótinimderdiń sapasy men mazmunyna qaraı bólinedi.

Konkýrstyq qujattamada habarlandyrýdyń tolyq mátini, onyń ishinde zertteý taqyryptarynyń tizimi, zertteýlerge qoıylatyn talaptary, izdenýshilerdi irikteýden ótkizý sharttary, Ulttyq Bank bólimsheleriniń jaýapty tulǵalarynyń baılanys derekteri berilgen.

Іzdenýshiniń ótinimi Ulttyq Bankke izdenýshiniń birinshi basshysynyń nemese izdenýshi ókiliniń senimhaty negizinde ýákiletti organnyń elektrondyq tsıfrlyq qoltańbasymen rastalǵan elektrondyq úlgide Qazaqstan Ulttyq Bankiniń Portaly arqyly beriledi.

Ótinimderdi qabyldaý – 2021 jyly 10 tamyzda bastalady. Ótinimder 2021 jyldyń 24 qyrkúıegi (qosa alǵanda) saǵat 18.00-ge deıin qabyldanady.

Áleýeti zor izdenýshiler men BAQ úshin qosymsha aqparat berý maqsatynda 2021 jyldyń 13 tamyzynda onlaın-kezdesý ótedi. Ol sharaǵa qatysý úshin kelesi siltemege ótip tirkelýge bolady.

Bizdiń kanalymyzǵa jazylyńyz:

#Bankter  
Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT