+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Qazaqstan tutynýshy elden óndirýshi elge aınalýdy tezdetýi kerek - Meıram Janádilov

2017 jylǵy 1 aqpan 18:37
Bólisińiz:
Qazaqstan tutynýshy elden óndirýshi elge aınalýdy tezdetýi kerek - Meıram Janádilov

TALDYQORǴAN. QazAqparat - Qazaqstan tutynýshy elden óndirýshi elge aınalýdy tezdetýi kerek. Elbasynyń jaqynda jarııalaǵan «Qazaqstannyń Úshinshi jańǵyrýy: jahandyq básekege qabilettilik» atty Joldaýyna qatysty Qazaqstannyń qurmetti jýrnalısi Meıram Janádilov osyndaı pikir bildirdi, dep habarlaıdy QazAqparat tilshisi.

«Elbasy halyqqa arnaǵan Joldaýynda egemendiktiń alǵashqy jyldaryndaǵy qıyndyqty kórsete otyryp, ekonomıkadaǵy ózgeristerdiń sátti bolǵanyn aıtady. Táýelsizdiktiń alǵashqy jyldaryndaǵy daǵdarystar Qazaqstannyń birinshi jańǵyrýymen tikeleı baılanysty. Bul kezeńde Qazaqstanda josparly ekonomıkadan naryqtyq ekonomıkaǵa ótý máselesi bastaldy. Elbasy ekinshi jańǵyrýǵa «Qazaqstan 2030» Strategııasynyń qurylǵanyn jatqyzady. Endigi mindet úshinshi jańǵyrýdy sátimen júzege asyrý», - deıdi Meıram Bazaruly.

Onyń paıymynsha, Elbasy saıası reformamen qatar ekonomıkalyq ózgeristerge basymdyq berý arqyly halyqtyń ál-aýqatyn kóterýdi maquldap otyr. Bundaı baǵdar árbir qarapaıym qazaqstandyq úshin de asa mańyzdy.

«Jalpy ár jylǵy Joldaýynda Nursultan Ábishuly ónerkásiptiń esh ákimshilik kedergisiz jumys isteýine jol ashý qajettigin alǵa tartady. Osy joly da Prezıdent óndiris oryndarynyń esebinen ósip otyrǵan ekonomıkaǵa jańa model qurýdy usynady. Sol arqyly 2050 jylǵa deıin tolyq júzege asatyn Strategııalyq jospar ret-retimen oryndalmaq. Sonymen qatar, Joldaýda ekonomıkany tehnologııalyq turǵyda jańǵyrtýǵa jiti mán berildi. Shıkizattyq emes taýarlardyń eksportyn arttyrýǵa, qazaqstandyq sapaly ónimniń ataǵyn shyǵarýǵa nazar burdy. Bizdiń el, ókinishke qaraı, áli kúnge tutynýshy retinde ómir súrip keledi. Biraq biz bolashaǵymyzdy oılasaq, tutynýshylyqtan óndiristi elge aınalýdy tezdetýimiz kerek», - deıdi Janádilov.

Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Janıbek Amangeldı
Janıbek Amangeldı
954-059

MURAǴAT