+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Qazaqstan TúrkPA-ǵa tóraǵalyqty qabyldap aldy

2021 jylǵy 28 qyrkúıek 10:51
Bólisińiz:
Qazaqstan TúrkPA-ǵa tóraǵalyqty qabyldap aldy

NUR-SULTAN. QazAqparat - Túrki eliniń atajurty, qasıetti qarashańyraq, kıeli Túrkistan qalasynda Túrkitildes elder Parlamenttik Assambleıasy Keńesiniń otyrysy ótti. Onda Qazaqstan TúrkPA-ǵa tóraǵalyq etýdi Ázerbaıjan elinen qabyldap aldy, dep habarlaıdy QR Parlamenti Májilisiniń baspasóz qyzmeti.

Májilis Spıkeri Nurlan Nyǵmatýlın halyqaralyq uıymǵa tóraǵalyq etýdi erekshe qurmetpen qabyldap alyp, bul bizdiń el úshin úlken mártebe jáne zor jaýapkershilik ekenin alǵa tartty. Osy oraıda Palata Spıkeri baýyrlas ázirbaıjan halqyna shyn júrekten alǵysyn bildirdi.

- Túrki Keńesiniń otyrysynda Qazaqstannyń Tuńǵysh Prezıdenti, Elbasy, TúrkPA-nyń negizin qalaýshy, túrki Keńesiniń Qurmetti Tóraǵasy Nursultan Nazarbaev osy Keńesti tolyqtaı halyqaralyq uıymǵa ózgertý týraly bastama kótergen bolatyn, - dedi Májilis Tóraǵasy.

Palata Spıkeriniń aıtýynsha aldymyzda qarasha aıynda Ystambýlda ótetin Túrki Keńesiniń kezekti otyrysynda Memleket basshylary tıisti sheshim qabyldaıdy dep kútilýde. Sonymen qatar, eger sondaı sheshim qabyldansa, Assambleıanyń ataýyn Túrki memleketteriniń Parlamenttik Assambleıasy dep ózgertýdi usynatynyna toqtaldy.

- Aldaǵy bir jyl ishinde biz qalyptasqan muragerlikti saqtaı otyryp, elderimizdiń arasyndaǵy baılanysty odan ári tereńdetý, parlamentaralyq yntymaqtastyqty nyǵaıtý, Assambleıa aıasyn keńeıtý jáne halyqaralyq bedelin arttyrý jolynda birlese eńbek etetin bolamyz, - dedi Nurlan Nyǵmatýlın.

Aıta ketý kerek, uıym qurylǵan kúnnen bastap, ózara is-qımyldy kúsheıtýge, memleketaralyq baılanysty nyǵaıtýǵa, elderimizdiń halyqaralyq bedelin arttyrýǵa, aımaqtyq qaýipsizdikti qamtamasyz etýge úlken úles qosyp keledi.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT