+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazaqstan toǵyzynshy ret Aza tutý kúnin jarııalady – saıasattanýshy

2020 jylǵy 9 shilde 01:49
Bólisińiz:
Qazaqstan toǵyzynshy ret Aza tutý kúnin jarııalady – saıasattanýshy

NUR-SULTAN. QazAqparat – QR Prezıdenti janyndaǵy Qazaqstan strategııalyq zertteýler ınstıtýtynyń bólim basshysy Alýa Joldybalına Memleket basshysynyń elimizdegi ahýalǵa baılanysty úndeýine pikir bildirdi, dep habarlaıdy QazAqparat tilshisi.

Uqsas jańalyqtar
Qazaqstanda 1,8 myń adam koronavırýstan emdeldi Elimizde 476 adam koronavırýs juqtyrdy Qyzylordada naýqastardyń 80 paıyzy koronavırýs dertinen aıyqty

«Memleket basshysy Qasym-Jomart Toqaev elimizde ahýalǵa baılanysty halyqqa úndeý joldap, qaıta kúsheıtilgen karantın tártibiniń asa qajetti sheshim ekenin erekshe atap ótti. Prezıdent óz málimdemesinde osy ýaqytqa deıin karantındik sharalardy jappaı saqtamaǵandyqtan, Densaýlyq saqtaý mınıstrliginiń burynǵy basshylyǵynyń júıeli qatelikterinen, ákimderdiń álsizdiginen pnevmonııanyń kúrt ósip, koronavırýstyń ekinshi tolqyny bastalǵanyna nazar aýdardy. Eń bastysy, Memleket basshysy COVID-19 indeti men pnevmonııa saldarynan dúnıe salǵan azamattarymyzdyń jaqyndaryna kóńil aıtyp, osyǵan oraı 13 shildeni Ulttyq aza tutý kúni dep jarııalady», - deıdi sarapshy.

Buǵan deıin 4 sáýirden Qytaı, 22 mamyrdan bastap 3 kúnge – AQSh, 27 mamyrdan bastap 10 kúnge – Ispanııa sekildi elder aza tutý kúnin jarııalaǵan bolatyn. Óıtkeni osy memleketterde atalǵan aýrýdan edáýir adam shyǵyny boldy.

Qazaqstan da 2019 jyldyń 28 jeltoqsanynda jarııalanǵan jalpyulttyq Aza tutý kúninen keıin araǵa jarty jyl ýaqyt salyp, koronovırýs indetinen adamdardyń qaza bolýyna baılanysty qaraly kún jarııalady. Jalpy táýelsizdik alǵannan bastap, ıaǵnı 1991 jyldan beri Qazaqstanda Aza tutý kúni toǵyzynshy ret jarııalandy.

«Prezıdent aıtyp ótkendeı, «kemshilikterdi biz kórip otyrmyz. Odan tıisti sabaq alyp, qajetti sharalardy qabyldaımyz», ıaǵnı ustanymy bıik el retinde biz de pandemııa jaǵdaıynan óz sabaǵymyzdy alyp, «búkil kúsh-jigerimizdi jınap, indetpen kúrese berýimiz» kerek. Árıne, Prezıdent Q.Toqaev óz úndeýinde toqtalǵan mańyzdy máselelerdiń basym bóligi sońǵy ýaqytta kópshilikti tolǵandyryp júrgen edi. Ásirese, áleýmettik jelilerde jáne birqatar BAQ-ta koronavırýspen kúreske qatysty bıliktiń áreketteri synǵa alynyp, ótkir problemalar retinde talqylandy. Memleket basshysy densaýlyq salasynyń jáne jekelegen óńirlerdiń indetpen kúrestegi qatelikterin ashyp aıtyp, eshkimniń de kómeksiz qalmaıtynyn atap kórsetti», - dedi A. Joldybalına.

Aıta keteıik, keshe QR Prezıdenti Qasym-Jomart Toqaev respýblıkalyq telearnalar arqyly elimizde qalyptasqan ahýalǵa baılanysty úndeý jasady.

Prezıdent 13 shildeni Ulttyq aza tutý kúni dep jarııalady.



Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT