+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Qazaqstan Syrtqy ister mınıstriniń Ázerbaıjanǵa resmı sapary qalaı ótti

2021 jylǵy 22 maýsym 12:10
Bólisińiz:
Qazaqstan Syrtqy ister mınıstriniń Ázerbaıjanǵa resmı sapary qalaı ótti

NUR-SULTAN. QazAqparat - Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi Baký qalasyna resmı saparmen baryp keldi, dep habarlaıdy QazAqparat vedomstvonyń resmı saıtyna silteme jasap.

Uqsas jańalyqtar
Qazaqstan Elshisi Japonııa ımperatoryna senim gramotalaryn tabystady

Muhtar Tileýberdi Ázerbaıjan Respýblıkasynyń Prezıdenti Ilham Álıevpen jáne Premer-Mınıstr Alı Asadovpen kezdesti, sondaı-aq Syrtqy ister mınıstri Djeıhýn Baıramovpen kelissóz ótkizdi.

M.Tileýberdi Ázerbaıjan Kóshbasshysyna Qazaqstan Prezıdenti Qasym-Jomart Toqaev pen Tuńǵysh Prezıdent – Elbasy Nursultan Nazarbaevtyń jyly lebizderi men tilekterin jetkizdi.

Ol halyqaralyq quqyq pen BUU Qaýipsizdik Keńesiniń qararlary negizinde eldiń aýmaqtyq tutastyǵyn qalpyna keltirýimen quttyqtap, joǵary deńgeıdegi ýaǵdalastyqtardyń iske asyrylýyn talqylady.


Óz kezeginde Prezıdent I.Álıev Qazaqstan men Ázerbaıjandy burynnan kele jatqan senimdi qarym-qatynastar baılanystyratynyn atap ótti.

«Bul dostyqtyń negizin Nursultan Nazarbaev pen Geıdar Álıev qalady, al búginde bul baǵytty eki eldiń prezıdentteri jalǵastyrýda», - dedi AR Prezıdenti. Ol Prezıdent Q.Toqaevtyń Ázerbaıjanǵa josparlanǵan sapary QR men AR yntymaqtastyǵyna qosymsha serpin beretinine senim bildirdi.

Taraptar saýda-ekonomıkalyq baılanystardy odan ári nyǵaıtý jáne tranzıt-kóliktik áleýetin damytý jónindegi kúsh-jigerdi úılestirý qajettigine kelisti.

AR Premer-Mınıstri Alı Asadovpen kezdesý barysynda ekijaqty yntymaqtastyqtyń, atap aıtqanda ınvestıtsııalyq, saýda-ekonomıkalyq, tranzıt-kóliktik jáne energetıka salalaryndaǵy keń aýqymdy máseleleri qaraldy.

Qazaqstan SІM basshysy Ázerbaıjan bıznesiniń ókilderine QR aýmaǵynda kóterme-taratý ortalyqtary jelisin qurýǵa qatysýdy usyndy.

AR Úkimetiniń basshysy saýda qatynastaryn, ásirese Qazaqstannyń batys óńirlerine Ázerbaıjan ónimderin jetkizýdegi áleýetti atap ótti.

Qazaqstandyq kompanııalardy Taýly Qarabaqty qalpyna keltirýge belsendi qatysýǵa shaqyrdy, bul búgingi tańda Ázerbaıjan qoǵamy úshin basymdyq bolyp tabylady.

Ázerbaıjannyń Syrtqy ister mınıstri D.Baıramovpen kelissózderde taraptar ekijaqty yntymaqtastyqtyń, óńirlik jáne halyqaralyq kún tártibiniń, onyń ishinde Kaspıı problematıkasy men BUU, EQYU, TMD, AÓSShK, Túrki keńesi jáne basqa da kópjaqty uıymdar sheńberindegi ózara is-qımyldyń keń aýqymdy máseleleri boıynsha «saǵattardy teńesterdi».



M.Tileýberdi Ázerbaıjan, Armenııa jáne Reseı arasyndaǵy 2020 jylǵy 10 qarashadaǵy jáne 2021 jylǵy 11 qańtardaǵy qol jetkizilgen úshjaqty ýaǵdalastyqtardy quptady.

Qarabaq tóńiregindegi jaǵdaıdyń turaqtanýy Ońtústik Kavkazdyń Qazaqstanmen jáne Ortalyq Azııa elderimen neǵurlym aýqymdy transóńirlik ıntegratsııasy, óńirdegi kólik baılanystarynyń qaıta ashylýyn eskere otyryp, eki eldiń Kaspıı porty ınfraqurylymynyń ósip kele jatqan áleýetin ashyp kórsetý úshin jańa jaǵdaılar týǵyzatynyna senim bildirdi.


Óz kezeginde D.Baıramov Ońtústik Kavkaz óńirindegi aǵymdaǵy jaǵdaı, Ázerbaıjannyń qabyldanǵan úshjaqty ýaǵdalastyqtardy iske asyrý boıynsha qolǵa alynǵan qadamdary týraly habardar etti.

Taraptar Saýda-ekonomıkalyq yntymaqtastyq jónindegi úkimetaralyq komıssııanyń kezekti 17-shi otyrysyn ótkizý, Transkaspıı halyqaralyq kólik baǵyty sheńberindegi jobalardy iske asyrý boıynsha josparlardy belgiledi, qazaqstandyq kompanııalardyń Qarabaqtyń bosatylǵan aýmaqtarynyń azamattyq ınfraqurylymyn qalpyna keltirýge qatysý perspektıvalaryn qarady.


Qazaqstan SІM basshysy qazaqstandyq júk elektrovozdary men astyqty Ázerbaıjan naryǵyna jetkizýdi, Kaspıı teńiziniń túbi boıynsha talshyqty-optıkalyq baılanys jelisin (TOBJ) ótkizý jónindegi birlesken jobany júzege asyrýdy qanaǵattanýshylyqpen atap ótti.

Bul bizdiń elderimizdiń telekommýnıkatsııa salasyndaǵy tranzıttik áleýetin keńeıtedi.

2022 jyly Qazaqstan men Ázerbaıjan arasyndaǵy dıplomatııalyq qatynastardyń ornaǵanyna 30 jyl tolýyna oraı taraptar osy mereıtoı kúnin merekeleýge muqııat daıyndalý qajettigi týraly kelisti.

Sapar aıasynda qazaqstandyq delegatsııa Ázerbaıjan halqynyń jalpyulttyq kóshbasshysy Geıdar Álıevtiń beıitine jáne Shehıdter alleıasyndaǵy Máńgilik alaý monýmentine gúl shoqtaryn qoıý rásimine qatysty.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT