+7 (701) 759 90 19
USD 429.75 EUR 507.45
RUB 5.61 CNY 63.93
Jańalyqtar

Qazaqstan Syrtqy ister mınıstri AQSh Ákimshiligi ókilderimen kezdesti

2019 jylǵy 24 qyrkúıek 10:34
Bólisińiz:
Qazaqstan Syrtqy ister mınıstri AQSh Ákimshiligi ókilderimen kezdesti

NЬıÝ-IORK. QazAqparat - Qazaqstannyń Syrtqy ister mınıstri Muhtar Tileýberdi AQSh Ákimshiliginiń ókilderi - AQSh Prezıdenti kómekshisiniń orynbasary jáne Ulttyq qaýipsizdik keńesiniń Ońtústik jáne Ortalyq Azııa boıynsha aǵa dırektory Lıza Kertıs jáne AQSh Memlekettik hatshysynyń Ekonomıkalyq ósý, energetıka jáne qorshaǵan orta jónindegi orynbasary Kıt Krakpen jeke-jeke kezdesti, dep habarlaıdy QazAqparat.

Mınıstrliktiń baspasóz qyzmetiniń málimetinshe, Lıza Kertıspen kezdesý barysynda taraptar ekijaqty yntymaqtastyqtyń damý qarqynyna qanaǵattanýshylyq bildirdi. QR Tuńǵysh Prezıdenti – Elbasy Nursultan Nazarbaevtyń 2018 jyldyń qańtar aıyndaǵy Vashıngtonǵa saparynyń qorytyndysy boıynsha qol jetkizilgen ýaǵdalastyqtardy is júzinde iske asyrý jáne QR men AQSh arasyndaǵy keńeıtilgen strategııalyq áriptestikti odan ári ilgeriletý máseleleri talqylandy. M. Tileýberdi Qazaqstan kópvektorly syrtqy saıasattyń sabaqtastyǵy men rettiligin jalǵastyratynyn jáne kóptegen máseleler boıynsha AQSh-pen strategııalyq áriptestikti nyǵaıtýǵa nıetti ekenin atap ótti. Oǵan qosa ol respýblıkamyzda bolyp jatqan qazirgi demokratııalyq ózgerister týraly keńinen tanystyryp ótti.

L. Kertıs óz kezeginde AQSh Qazaqstannyń Aýǵanstandy qoldaý men damytýǵa qosqan úlesin joǵary baǵalaıtynyn atap ótti. Qazaqstannyń halyqaralyq jáne óńirlik qaýipsizdikke, sonyń ishinde óz azamattaryn Sırııadaǵy áskerı is-qımyl aımaqtarynan qaıtarý arqyly qosqan úlesin týraly erekshe aıtyldy.

K. Krakpen kezdesýde saýda-ekonomıkalyq jáne ınvestıtsııalyq yntymaqtastyqtyń ózekti máselelerine basa nazar aýdaryldy. SІM basshysy Prezıdent Q. Toqaevtyń «Syndarly qoǵamdyq dıalog - Qazaqstannyń turaqtylyǵy men órkendeýiniń negizi» atty halyqqa Joldaýynda aıtylǵan Qazaqstannyń ekonomıkasy men áleýmettik salasyn ári qaraı damytý jónindegi mindetter týraly habardar etti.

Amerıkalyq dıplomat QR Úkimetiniń eldegi ınvestıtsııalyq ahýaldy jaqsartý, onyń ishinde zańnyń ústemdigin qamtamasyz etý, sybaılas jemqorlyqqa qarsy kúresti kúsheıtý jáne t. b. arqyly kúsh-jigerin qoldady.

Mınıstr Qazaqstandaǵy iri ınvestorlardyń biri AQSh ekenin atap ótip, QR ekonomıkasyndaǵy amerıkalyq kapıtal salymdaryn ártaraptandyrý qajettiligine nazar aýdardy.

Sol kúni QR Syrtqy saıası vedomstvosynyń basshysy óziniń aýstrııalyq áriptesi – Eýropa, ıntegratsııa jáne syrtqy ister federaldyq mınıstri Aleksandr Shallenbergpen kelissózder ótkizdi. Taraptar ekijaqty saıası, ekonomıkalyq jáne mádenı-gýmanıtarlyq yntymaqtastyqtyń keń aýqymdy máselelerin talqylady. Taraptar ekijaqty qarym-qatynastardy odan ári damytýǵa joǵary deńgeıde ózara saparlar beretimen kelisti.

Aýstrııalyq mınıstr Qazaqstanmen jańartylatyn energııa men tsıfrlandyrý salalaryn qosa alǵanda, túrli salalarda ózara tıimdi yntymaqtastyqty damytýǵa óz eliniń múddeliligin bildirdi.

Kezdesý sońynda taraptar ekijaqty jáne kópjaqty formattaǵy ózara tıimdi yntymaqtastyqty odan ári keńeıtýge ózara beıildiligin rastady.


Bizdiń kanalymyzǵa jazylyńyz:

#AQSh   #QR SІM  
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059

MURAǴAT