+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Qazaqstan sportshylary Olımpıada sherýinde júrip ótti

2021 jylǵy 23 shilde 18:07
Bólisińiz:
Qazaqstan sportshylary Olımpıada sherýinde júrip ótti

NUR-CULTAN. QazAqparat - Dál qazir Qazaqstan sportshylary Tokıodaǵy XXXII jazǵy Olımpıada sherýinde júrip ótti, dep habarlaıdy QazAqparat tilshisi.

Uqsas jańalyqtar
Japonııa COVID-19-ǵa qarsy úshinshi ekpeni engizýdi bastaýy múmkin Japonııada 100 jastan asqandar sany rekordtyq 86510 adamǵa jetti Japonııada Pfizer vaktsınasynyń tıimdiligi 85-96% dep baǵalandy

Ashylý saltanatynda aldymen Grekııadan kelgen sportshylar top bastap shyqty. Bul tuńǵysh Olımpıada ótken el retinde dástúrge aınalǵan. Odan keıin álemniń ár qıyrynda shashyrap júrgen adamdardan jınalǵan bosqyndar quramasy shyqty.

Qazaqstandyq 97 sańlaq kúnshyǵys elinde sporttyń 28 túrinen baq synaıdy.

Tokıo tórinde Qazaqstan jalaýyn boksshy Qamshybek Qońqabaev pen jeńil atlet Olga Rypakova ustap shyqty. Bıylǵy Olımpıadanyń bir ereksheligi - árbir memlekettiń týyn ustap shyǵý mártebesi eki sportshyǵa júkteledi.

Qazaqstan Ulttyq olımpıadalyq komıteti aıtýly alamanǵa baratyn tizimdi naqtylaý maqsatynda irikteý jáne reıtıngtik jarystary aıaqtalǵannan keıin qorytyndy shyǵardy.

Qazaqstan táýelsiz memleket retinde bıyl jetinshi Olımpıadaǵa attandy. Qazaqstan qurama sapynan 96 sportshy alǵash ret 1994 jyly Jazǵy Olımpıadada baq synaýǵa múmkindik alǵan edi. Sol joly otandastarymyz 3 altyn, 4 kúmis, 4 qolaǵa qol jetkizip, jalpy komandalyq esepte 24-orynǵa taban tiredi.

2000 jyly Avstralııanyń Sıdneı qalasyndaǵy dúbirli dodaǵa 130 qazaqstandyq sportshy bar. Qorjynǵa túskeni - 3 altyn, 4 kúmis. Jalpy komandalyq esepte - 22 oryn.

Grekııanyń Afıny qalasynda ótken 2004 jylǵy Jazǵy Olımpıadada 119 sportshymyz qorjynǵa 8 medal túsirdi. Onyń ishinde 1 altyn, 4 kúmis, 3 qola bar. Jalpy esepte 40 oryn buıyrdy.

Al 2008 jylǵy Qytaı astanasy Beıjiń qalasyndaǵy dúbirli dodada 132 qazaqstandyq sportshy baq synady. Sańlaqtarymyz 2 3 altyn, 4 kúmis, 9 qola medal alyp qaıtty. Jalpy komandalyq esepte 37- oryn buıyrdy.

Anglııanyń London qalasyndaǵy 2012 jylǵy Olımpıadada elimizdiń atynan 115 sportshy jarys jolyna shyqty. Olar 3 altyn, 1 kúmis, 7 qola medal aldy. Komandalyq esepte 24-orynǵa qol jetkizdi.

2016 jyly Brazılııanyń Rıo-de-Janeıro qalasynda qazaqstandyq 104 sportshy 18 medal (3 altyn, 5 kúmis, 10 qola) oljalady. Jalpy komandalyq esepte 22- orynǵa taban tiredi.

Eske sala ketsek, budan burynǵy Jazǵy Olımpıadalarda Qazaqstan týyn qandaı sportshylar alyp shyqqanyn habarlaǵan edik.


Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT