Jańalyqtar  >
  Sport
Qazaqstan sportshylary Islamıadany besinshi orynmen aıaqtady
2022 jylǵy 19 tamyz 01:50

Qazaqstan sportshylary Islamıadany besinshi orynmen aıaqtady

NUR-SULTAN. QazAqparat - Túrkııanyń Konıa qalasynda Islam yntymaqtastyǵy oıyndary máresine jetti, dep habarlaıdy QazAqparat tilshisi.

Bıylǵy dodaǵa 55 elden sportshylar keldi. Oıyndar 8 tamyzda bastalyp, 18 tamyzda aıaqtaldy.

Besinshi márte jalaýyn jelbiretken dúbirli dodada qazaqstandyq sportshylar 89 medal enshiledi. Onyń ishinde 27-i altyn, 23-i kúmis, 39-y qola.

Jalpy komandalyq esepte Túrkııa, Ózbekstan, Iran jáne Ázerbaıjan quramalary alǵashqy tórt oryndy ózara bólisti.

Islam yntymaqtastyǵy oıyndary 2005 jyldan beri turaqty ótkizilip keledi. Bıyl besinshi márte jalaýyn jelbiretti.

Aıta ketsek, jarystyń sońǵy kúninde kıkboksıngten Berik Ysqaqov (63,5 keli) «altyn» aldy.

Oǵan qosa Batyrhan Qýandyqov (63,5 keli), Nurdáýlet Qalshora (57 keli), Shara Hamzına (60 keli) qola júldeger atandy.

Al karate-dodan Sofııa Bezrýltseva chempıon atandy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT