+7 (701) 759 90 19
USD 414.13 EUR 451.40
RUB 5.80 CNY 58.03
Jańalyqtar

Qazaqstan sportshylary elordanyń jalǵyzbasty qarttaryna ystyq tamaq jetkizýdi qolǵa aldy

2020 jylǵy 4 sáýir 16:30
Bólisińiz:
Qazaqstan sportshylary elordanyń jalǵyzbasty qarttaryna ystyq tamaq  jetkizýdi  qolǵa aldy

NUR-SULTAN. QazAqparat - Almaty qalasynda jáne basqa da birqatar óńirde bastalǵan karantın kezeńinde jalǵyzbasty qarııalarǵa ystyq tamaq jetkizý týraly Qazaqstan sportshylarynyń #Bizbirgemiz aktsııasy Nur-Sultan qalasynda qoldaý tapty, dep habarlaıdy QazAqparat.

Bul bastama bıznes pen buqarany halyqqa kómek kórsetýge shaqyrǵan Elbasy Nursultan Nazarbaev pen Memleket Basshysy Qasym-Jomart Toqaevtyń úndeýin qoldaý maqsatynda júzege asyrylýda.


Búgin «NurOtan» partııasy Nomad MMA respýblıkalyq federatsııasymen birlesip, Qazaqstandyq aralas jekpe-jek federatsııasynyń, Qazaqstannyń «PenchakSılat» áskerı óner qaýymdastyǵynyń qoldaýymen, elordada turatyn jalǵyzbasty qarııalarǵa ystyq tamaq jetkizýdi bastady. Bul aktsııamen barlyǵy 200-den astam jalǵyzbasty adam qamtylady.


Aktsııanyń bastamashysy — Nomad MMA federatsııasynyń prezıdenti Gadjı Gadjıev.

«Osynaý qıyn kezeńde biz halyqtan syrt qala almaımyz. Qazirgi karantın kezeńi ásirese jalǵyzbasty qarııalarǵa aýyr tıip jatyr. Olardyń kóbisi ózderine tamaq daıyndaı almaıtyn jaǵdaıda. Biz olarǵa qamqorlyq jasaýymyz kerek. Eger aımaqtardaǵy bıznes-qaýymdastyq bizdiń aktsııamyzdy qoldap, qarttarymyzdyń qamqorlyqsyz, kómeksiz qaldyrmaı, qoldarynan kelgen barlyq múmkindikti jasaıtyn bolsa, biz oǵan qýanamyz», - dedi N. Gadjıev.

Jumysqa tartylyp otyrǵan kýrerler sanıtarlyq norma-erejelerge sáıkes, qorǵanysh kostıýmderimen jáne basqa da quraldarmen qamtamasyz etilgen.

Esterińizge sala keteıik, «NurOtan» partııasynyń Almaty qalalyq fılıaly, qala ákimdigi jáne Nomad MMA federatsııasy 27 naýryzdan bastap jalǵyzbasty qarttarǵa tegin ystyq tamaq jetkizýdi uıymdastyrǵan bolatyn. Almatyda bastalǵan aktsııa Qaraǵandy, Atyraý, Kókshetaý jáne Qulsary (Atyraý oblysy) qalalarynda qoldaý tapty. Búgingi tańda karantın kezeńinde 1500 myńnan astam qarııa ystyq tamaqpen qamtamasyz etilýde.



Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT