Qazaqstan ShYU-daǵy yntymaqtastyqty tereńdetýge qatysty usynystar ázirlep jatyr
2022 jylǵy 1 shilde 13:50

Qazaqstan ShYU-daǵy yntymaqtastyqty tereńdetýge qatysty usynystar ázirlep jatyr

NUR-SULTAN. QazAqparat – Ortalyq Azııa elderi HHІ ǵasyrda aımaqty damytý maqsatynda dostyq, tatý kórshilik jáne yntymaqtastyq týraly shartqa qol qoıady.

Bul týraly «Halyqaralyq qatynastardyń qazirgi zamanǵy júıesindegi Qazaqstan Respýblıkasy» atty halyqaralyq konferentsııa barysynda QR Syrtqy ister mınıstri Muhtar Tileýberdi aıtty, dep habarlaıdy QazAqparat tilshisi.

«Qytaı Azııadaǵy basty seriktesimiz bolyp qala beredi. Biz saýda yntymaqtastyǵy úshin úlken áleýet kórip otyrmyz jáne qazaqstandyq ónimderdiń eksportyn arttyrýǵa múddelimiz. Eýrazııalyq ıntegratsııa men «Beldeý jáne jol» bastamasyn túıindestirý ınfraqurylymdyq ózara baılanysty nyǵaıtýǵa jáne turaqty ósýdi qamtamasyz etýge septigin tıgizedi dep kútemiz», - dedi mınıstr.

Onyń atap ótýinshe, Qazaqstan Shanhaı yntymaqtastyq uıymyna múshe memleketter arasyndaǵy ózara is-qımyldyń barlyq salasyndaǵy yntymaqtastyqty tereńdetýge bekinip, 2023-2024 jyldardaǵy tóraǵalyǵy aıasynda tıisti usynystar daıyndap jatyr.

«Syrtqy saıasatymyzdyń eń mańyzdy basymdyǵy - Ortalyq Azııadaǵy óńirlik kooperatsııany tereńdetý. Qazaqstan aımaqtyń ekonomıkalyq, kóliktik-logıstıkalyq jáne ınvestıtsııalyq áleýetin ashý úshin birqatar bastama kóterip otyr. Qazaqstan dıplomatııasy kúsh-jigeriniń arqasynda ózara is-qımyldyń negizgi baǵyttaryn qamtıtyn HHІ ǵasyrda Ortalyq Azııany damytý maqsatynda dostyq, tatý kórshilik jáne yntymaqtastyq týraly shartqa qol qoıý týraly kelisimge qol jetkizildi», - dedi Muhtar Tileýberdi.


Foto: news.milli.az
Uqsas jańalyqtar
Seriktester jańalyqtary

Jańalyqtar

Úrdis

MURAǴAT