+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Qazaqstan shekarasyn bekitýge atsalysqan tulǵalardy dáripteýimiz kerek – Aqqalı Ahmet

2020 jylǵy 25 tamyz 16:49
Bólisińiz:
Qazaqstan shekarasyn bekitýge atsalysqan tulǵalardy dáripteýimiz kerek – Aqqalı Ahmet

NUR-SULTAN. QazAqparat - Qazaqstan shekarasyn belgileýge atsalysqan tulǵalarǵa Atyraý, Oral, Shymkent, Almaty, Nur-Sultannan kóshe ataýyn berý kerek. Bul týraly «Aq jol» demokratııalyq partııasy «Alash» ınstıtýtymen birge uıymdastyrǵan «Qazaq Respýblıkasynyń 100 jyldyǵy jáne onyń qurylýyna «Alash» qaıratkerleriniń úlesi» taqyrybynda ótken onlaın konferentsııada aıtyldy, dep habarlaıdy QazAqparat tilshisi.

Tarıh ǵylymdarynyń doktory, professory Aqqalı Ahmet Qazaqstan shekarasyn bekitýge atsalysqan málim, ári beımálim tulǵalar týraly aıtty.

«Mustafa Kókebaevtyń Qazaq Respýblıkasyn qurý jolyndaǵy eńbegi týraly Rahmet Imanǵalıev aǵamyzdyń jazǵan eńbegi bar. Ol 1964-1970 jyldary Mustafa Kókebaevtyń qasynda erip júrgen azamattardyń esteligin jazyp qalǵan. Mustafa Kókebaev 1920 jyly Jer komıtetiniń tóraǵasy, gýbernııalyq atqarý komıtetiniń jaýapty hatshysy bolyp, jańadan irgetasy qalanyp jatqan Qazaq Respýblıkasynyń jarııalanýy úshin qyzmet atqarǵan. Barlyq qujattardy daıyndaý, málimetterdi qaǵaz betine túsirý Mustafa sııaqty eki tildi de birdeı meńgergen saýatty adamǵa tapsyrylǵan», - deıdi tarıh ǵylymdarynyń doktory, professory Aqqalı Ahmet.

Onyń aıtýynsha, Qazaqstan shekarasyn belgileýdiń ózine tán erekshelikteri bolǵan.

«Shekaranyń mátindik sıpattaýy, kartografııalyq materıaldar is júzinde múldem bolǵan joq. 1920 jyly Qazaq Respýblıkasy qurylǵan kezden bastap Qazaqstan men Reseı shekarasy birinshi ret ózgeriske túskeni belgili. Mustafa Kókebaev sol kezde Qazaqstannyń batys shekarasynyń bir bóligin naqtylap, qaı aýmaq bizdiń shekara aýmaǵyna kirý kerek ekenin túıemen júrip kartaǵa túsirtken. Ol eldiń shekarasyn belgileýge erekshe eńbegi sińgen azamat. Ol 1937 jyly Shymkentte pedagogıkalyq ınsttıtýtta sabaq bergen eken. Ulty úshin aıanbaı eńbek etken, Qazaqstan shekarasyn belgileýge atsalysqan tulǵaǵa Atyraý, Oral, Shymkent, Almaty, Nur-Sultannan bir kóshe ataýyn berse – eskerýsiz qalǵan tulǵany qurmettegenimiz bolǵan edi», - deıdi ol.

Ol el shekarasyn bekitýde erekshe eńbegi sińgen taǵy bir tulǵa – Ýálıhan Tanashev ekenin aıtty.

«Ýálıhan Tanashev týraly Qazaqstannyń ulttyq entsıklopedııasynda qysqasha ǵana málimet bar. Onyń týǵan jeri – qazirgi Atyraý oblysy, Qurmanǵazy aýdany, Maqash aýyly. Ol balyq óndirisi ıesiniń otbasynda dúnıege kelgen. Keıin onyń otbasynyń adal jolmen tapqan eńbegi kánpeskelenedi. Ýálıhan Tanashev Qazaq Respýblıkasyn qurýmen aınalysqan birden bir tulǵa. Ókinishke qaraı, onyń atynda elimizde ne durys kóshe, ne eskertkish joq. Qazaq shekarasyn bekitýge úles qosqan tulǵalardy árdaıym nasıhattaýymyz kerek», - deıdi ol.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Kanat Tokabaev
Kanat Tokabaev
954-059

MURAǴAT