Qazaqstan serıaldaryn Sıngapýr, Reseı, Túrkııa, Ózbekstan, Qyrǵyzstan syndy elder satyp aldy
2022 jylǵy 28 maýsym 09:50

Qazaqstan serıaldaryn Sıngapýr, Reseı, Túrkııa, Ózbekstan, Qyrǵyzstan syndy elder satyp aldy

NUR-SULTAN. QazAqparat – 5 jylda memlekettiń qoldaýymen 250-ge jýyq serıal túsirildi. Bul týraly Úkimet otyrysynda QR Aqparat jáne qoǵamdyq damý mınıstri Asqar Omarov aıtty, dep habarlaıdy QazAqparat tilshisi.

«2021 jyly 166 telearnanyń TOP-10-na 6 qazaqstandyq telearna, onyń ishinde 3 memlekettik telearna kirdi. Sońǵy 5 jylda memlekettiń qoldaýymen 3500-den astam serııadan turatyn 250-ge jýyq serıal túsirildi. Olardyń 50-den astamy Sıngapýr, Reseı, Túrkııa, Ózbekstan, Qyrǵyzstan jáne taǵy basqa elderge satyldy», - dedi mınıstr.

Onyń atap ótýinshe, memlekettik telearnalar áleýmettik jelilerde aqparatty ilgeriletý boıynsha da belsendi jumys júrgizip jatyr.

«Máselen, qazir «Habar» jáne «Qazaqstan» telearnalarynyń YouTube arnalary oqyrman sany mıllıonnan asqan kezde beriletin «altyn batyrma» marapatynyń ıegerleri», - dedi Asqar Omarov.


Jańalyqtar

Úrdis

MURAǴAT