Qazaqstan «sary» aımaqqa ótse Úkimet tarapynan qandaı sharalar qolǵa alynady
2022 jylǵy 1 shilde 13:39

Qazaqstan «sary» aımaqqa ótse Úkimet tarapynan qandaı sharalar qolǵa alynady

NUR-SULTAN. QazAqparat - Búgin Premer-Mınıstrdiń orynbasary Eraly Toǵjanovtyń tóraǵalyǵymen Qazaqstan Respýblıkasynyń aýmaǵynda koronavırýs ınfektsııasy taralýynyń aldyn alý jónindegi vedomstvoaralyq komıssııanyń otyrysy ótti.

Komıssııa jumysyna ortalyq memlekettik organdardyń ókilderi, oblys ákimderi jáne «Atameken» UKP qyzmetkerleri qatysty, dep habarlaıdy QazAqparat Úkimettiń resmı saıtyna silteme jasap.

Densaýlyq saqtaý mınıstri Ajar Ǵınııat óz sózinde elimizde maýsym aıynyń ortasynan bastap koronavırýs ınfektsııasyn juqtyrǵanyndar sanynyń artqanyn atap ótti.

Máselen, ótken aptamen salystarǵanda vırýs juqtyrý jaǵdaılary 2,9 ese artqan, naýqastardyń 80%-na jýyǵy – indetke qarsy ekpe almaǵandar jáne sońǵy ekpeden keıin 6 aı ótip ketken adamdar.

Eldegi COVID-19 kórsetkishteriniń artýyn eskere otyryp, QR aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııa óńirler epıdemıologııalyq qaýip-qaterdiń sary aımaǵyna kóshken jaǵdaıda tómendegi qosymsha sharalardy qabyldaý kerektigi týraly sheshim qabyldady:

naýqaspen tyǵyz qarym-qatynasta bolǵandardy qashyqtan jumys isteý formatyna kóshirý;

COVID-19-ǵa qarsy ekpe saldyrýǵa bolmaıtyn qyzmetkerler men júkti áıelderdi qashyqtan jumys isteý formatyna aýystyrý;

jabyq jerler men qoǵamdyq kólikte mindetti túrde maska taǵý;

10-nan astam adam qatysatyn jınalystardy onlaın formatta ótkizýdi usyný.

Sondaı-aq aımaqtyń epıdemıologııalyq ahýalyna qaramastan, áýede, TJ kólikteri men halyqaralyq avtobýstarda maska taǵý usynylady.

Otyrys sońynda E. Toǵjanov oblys ákimderine koronavırýs ınfektsııasyna qarsy egý naýqanyn kúsheıtýdi, syrqattanǵandar kóbeıgen jaǵdaıda kadrlarmen, dári-dármek qory jáne tósek oryndarymen qamtamasyz etýdi erekshe baqylaýǵa alýdy tapsyrdy. Sondaı-aq halyq arasynda sapaly túsindirý jumystaryn kúsheıtý qajettigin eskertti.


Foto: primeminister.kz

Uqsas jańalyqtar
Seriktester jańalyqtary

Jańalyqtar

Úrdis

MURAǴAT