Qazaqstan rezıdenti emes tulǵalarǵa beriletin jeńildikter kúshin joıady– mınıstr
2022 jylǵy 28 maýsym 18:48

Qazaqstan rezıdenti emes tulǵalarǵa beriletin jeńildikter kúshin joıady– mınıstr

NUR-SULTAN. QazAqparat – QR Premer-Mınıstriniń orynbasary- Qarjy mınıstri Erulan Jamaýbaev salyq saıasatyndaǵy jańashyldyqtar týraly málimet berdi ,dep habarlaıdy QazAqparat tilshisi.

«AMANAT» partııasy fraktsııasynyń keńeıtilgen jıynynda sóz sóılegen Qarjy mınıstri ótken aptada Parlament paıdaly qazbalardy ıgerý salyǵynyń mólsherin kóbeıtý máselesin qaraǵanyn eske saldy.

«Bul jylyna bıýdjetke 200 mlrdteńgege deıin qosymsha túsim alýǵa múmkindik beredi. Negizi bul máseleni biz bıznespen, taýken kásiporyndarymen talqylap bastaǵan kezde 300 mlrd teńgeniń mejesi qoıylǵan edi. Biraq uzaq talqylaýlardan keıin ortaq bir toqtamǵa keldik. Biraq kelesi jyly ken ıgerýshiler paıdaly qazbalardy ıgerý salyǵynan bosatylady. Ondaı kásiporyndar 5 jyldyń ishinde 15% tıimdilikke qol jetkizýi kerek», -dedi Erulan Jamaýbaev.

Qarjy mınıstri elden qarajatty syrtqa jylystatýdy yntalandyrmaý úshin Qazaqstan rezıdenti emes tulǵalarǵa usynylatyn jeńildikterdiń kúshin joıylatynyn atap ótti.

«Qazaqstan rezıdenti emesterdi elden shyǵarý úshin 30 myń AEK kóleminde shek qoıylady. Bul shamamen 95 mln teńge. Udaıy saýda júrgizetin bırjalyq aktsııalar bosatylady. Materıaldyq emes qyzmetterboınysha rezıdent emesterge qatysty shegerim salyq salynýǵa tıis kiristiń 3%-y kóleminde bekitiledi. Sonymen qatar temeki buıymdaryna salynatyn mólsherlemelerdi kezeń-kezeńmen kóterý, maııngke salyq salý máseleleri boıynsha da mańyzdy túzetýler kózdelip otyr», - dedi mınıstr.


Uqsas jańalyqtar

Jańalyqtar

Úrdis

MURAǴAT