Qazaqstan-Reseıdiń 3 mlrd dollar bolatyn 9 iri jobasy iske asyrylýda - Úkimet
2022 jylǵy 4 shilde 18:36

Qazaqstan-Reseıdiń 3 mlrd dollar bolatyn 9 iri jobasy iske asyrylýda - Úkimet

NUR-SULTAN. QazAqparat - Premer-Mınıstr Álıhan Smaıylov XII «INNOPROM» halyqaralyq ónerkásiptik kórmesiniń ekspozıtsııasymen tanysyp, ashylýyna qatysty, dep habarlaıdy QazAqparat vedomstvonyń Telegram-arnasyna silteme jasap.

«Ónerkásiptik aýysý: syn-qaterlerden jańa múmkindikterge» taqyrybyndaǵy kórme Ekaterınbýrg qalasynda 4-7 shilde aralyǵynda ótedi.
QR Úkimetiniń basshysy Qazaqstannan kelgen delegattar úshin osy alańda kezdesip, ónerkásipti damytý perspektıvalaryn talqylaý, syndarly usynystar men pikir almasý, kóptegen máseleler boıynsha ózara qolaıly sheshimderge qol jetkizý ıgi dástúrge aınalǵanyn atap ótti.
«Elderimiz arasyndaǵy ónerkásiptik kooperatsııa salasyndaǵy yntymaqtastyqtyń joǵary qarqynyn erekshe atap ótkim keledi. Buǵan Qazaqstan-Reseı óndiristik kooperatsııasy salasyndaǵy Birlesken is-qımyl baǵdarlamasyn iske asyrý aıtarlyqtaı serpin berdi» , - dedi Álıhan Smaıylov.
Osylaısha, jeńil avtomobılder, elektrovozdar men traktorlar óndirisin qosa alǵanda, $450 mln-ǵa jýyq somaǵa 13 iri joba birlesip iske asyryldy. Jalpy quny $3 mlrd bolatyn taǵy 9 iri birlesken joba iske asyrylý satysynda.
Álıhan Smaıylov Qazaqstan men Reseı ǵylymı-tehnıkalyq, ınnovatsııalyq jáne óndiristik salalardaǵy kooperatsııaǵa baǵyttalǵan jańartylǵan tehnologııalyq bazany qurý boıynsha ózara is-qımyl jasaı bastaǵanyn eske saldy.
Úkimet basshysynyń aıtýynsha, bul úshin Qazaqstanda ónerkásiptiń ósýin yntalandyrý boıynsha qajetti quqyqtyq jáne ınstıtýtsıonaldyq negiz, onyń ishinde shıkizattyń jetkilikti kólemimen qamtamasyz etý tetigi men uzaq merzimdi sharttardyń quraly bar.

Uqsas jańalyqtar

Jańalyqtar

Úrdis

MURAǴAT