+7 (701) 759 90 19
USD 425.63 EUR 515.99
RUB 5.92 CNY 66.52
Jańalyqtar

Qazaqstan-Reseı ǵalymdary eki el tarıhyndaǵy aqtańdaqty birlesip joıady

2021 jylǵy 20 sáýir 15:52
Bólisińiz:
Qazaqstan-Reseı ǵalymdary eki el tarıhyndaǵy aqtańdaqty birlesip joıady

NUR-SULTAN. QazAqparat – Máskeýde «Qazaqstan jáne Reseı: strategııalyq áriptestik pen jan-jaqty yntymaqtastyqtyń 30 jyly» taqyrybynda halyqaralyq ǵylymı-tájirıbelik konferentsııa ótti. Osy is-sharaǵa oraı QR Prezıdenti janyndaǵy Qazaqstan strategııalyq zertteýler ınstıtýty dırektorynyń orynbasary Alýa Joldybalına pikir bildirdi, dep habarlaıdy QazAqparat tilshisi.

Uqsas jańalyqtar
Balqashta Qasym Amanjolovtyń 110 jyldyǵyna oraı ádebı aıaldama ornatyldy

«Bıyl Qazaqstan Táýelsizdiginiń 30 jyldyq mereıtoıyn atap ótedi. ıAǵnı, bul jyl qorytyndy shyǵarý men ótken joldy uǵynýdyń mańyzdy kezeńi ári shebi bolmaq. Osy oraıda jańa zaman tarıhy Qazaqstan-Reseı yntymaqtastyǵynyń qaryshty damýy men joǵary nátıjeliligi ózara qurmet, teń quqylyq jáne strategııalyq áriptestik qaǵıdattaryna negizdelgenin kórsetti. Bul eki eldiń kóshbasshylary, Qazaqstan Respýblıkasy men Reseı Federatsııasynyń birinshi Prezıdentteri N.Á.Nazarbaev pen B.N.Eltsın, QR jáne RF Prezıdentteri Q.K.Toqaev pen V.V.Pýtınniń, memlekettik jáne qoǵam qaıratkerleriniń, sondaı-aq ǵylymı-sarapshylyq qoǵamdastyqtyń zor eńbegi», - dedi ol.

Onyń atap ótýinshe, halyqaralyq ǵylymı-tájirıbelik konferentsııa jumysy eki sessııa aıasynda ótti. «Qazaqstan-Reseı qarym-qatynasy: tarıhtan búginge deıin» atty birinshi sessııasynyń aıasynda eki eldiń tatý kórshilik qatynastarynyń negizi retinde halyqtar arasyndaǵy tarıhı-mádenı baılanys máseleleri talqylandy. Sondaı-aq, Qazaq handyǵy men Reseı memleketi arasynda 16-17 ǵasyrlardaǵy qatynastardyń alǵashqy kezeńindegi dıplomatııalyq baılanystar tarıhyna qatystynyń máseleleri qozǵaldy. Al «HH ǵasyr jáne táýelsizdik. Qazaqstan men Reseı arasyndaǵy strategııalyq seriktestik pen odaqtastyqty damytý» taqyrybyndaǵy ekinshi sessııa jumysy XX ǵasyrdyń tarıhy men postkeńestik kezeńde ekijaqty qatynastardyń quqyqtyq negizderin nyǵaıtýdaǵy memleketaralyq ózara árekettesýdiń turaqtylyq pen qaýipsizdik kepili máselesine, qazirgi geosaıası protsester kontekstindegi Qazaqstan-Reseı qatynastaryn taldaý suraqtaryna arnaldy.

«Halyqaralyq konferentsııa qazaqstandyq jáne reseılik ǵalymdardyń tarıhı muranyń obektıvti jáne teńgerimdi baǵalanýyn ilgeriletýge ári táýelsiz damýdyń jańa kezeńinde ekijaqty qatynastardyń senimdi, tatý kórshilik negizderin nyǵaıtýǵa birlese atsalysý dástúrin jalǵastyrdy. Ǵylymı forým eki memleket arasyndaǵy qatynastar tarıhyndaǵy «aqtańdaqty» joıý boıynsha qazaqstandyq jáne reseılik tarıhshylardyń birlesken jumysynyń bastalýyna negiz bolady», - dedi Alýa Joldybalına.

Aıta keteıik, QR-nyń RF-daǵy Elshiliginiń qoldaýymen ótken konferentsııany QR Prezıdenti janyndaǵy Qazaqstan strategııalyq zertteýler ınstıtýty men Reseı ǵylym akademııasynyń Shyǵystaný ınstıtýty uıymdastyrdy. Ǵylymı forým jumysyna qazaqstandyq jáne reseılik tarıhshy-ǵalymdar, saıasattanýshylar, halyqaralyq qatynastar mamandary, QR jáne RF Parlamentteriniń depýtattary qatysty.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT