+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Qazaqstan - Reseı: Birinshi taım boıynsha qonaqtar alda kele jatyr

2019 jylǵy 24 naýryz 20:53
Bólisińiz:
Qazaqstan - Reseı: Birinshi taım boıynsha qonaqtar alda kele jatyr

NUR-SULTAN. QazAqparat - Elordada fýtboldan Qazaqstan quramasy Reseı quramasymen oınap jatyr. Alǵashqy taımda qonaqtar 0:2 esebimen alǵa shyqty, dep habarlaıdy QazAqparat tilshisi.

Qazaqstan quramasynyń qaqpasyna 12-mınýtta bir gol kire jazdady. Aıyp dobynyń oryndalýy kezinde Artem Dzıýbanyń baspen urǵan doby qaqpadan sál ǵana bıik ótken. Alaıda reseılikter 18-mınýtta báribir ulttyq quramanyń qaqpasynan sańylaý tapty. Sátti berilgen pasty Denıs Cheryshev múlt jibergen joq. Quramasyna alǵa shyǵardy.

Qos komanda úshin de birshama urymtal sátter bolǵanyn aıta ketý kerek. Tipti Reseı quramasynyń fýtbolshylary bir ýaqytta qatarynan úsh márte buryshtama dobyn tepken. Abyroı bolǵanda, qonaqtar úsh múmkindikti de paıdalana alǵan joq.

Birinshi taımnyń aıaqtalaryna bar-joǵy 30 sekýnd qalǵanda qazaqstandyq fýtbolshylar taǵy da qatelikke jol berdi. Bul sátti utymdy paıdalanǵan reseılik Denıs Cheryshev ekinshi golyn salyp úlgerdi.

Aıta ketsek, 2020 jylǵy Eýropa chempıonaty irikteý kezeńiniń ekinshi týr oıynynyń fınaldyq kezeńine 24 qurama joldama alady. Qazaqstan men Reseı quramalary I tobynda synǵa túsedi. Qarsylastary - Belgııa, Shotlandııa, Kıpr jáne San Marıno. Eki qurama da 21 naýryzda alǵashqy týr oıyndaryn ótkizip úlgerdi. Qazaqstan óz alańynda Shotlandııany 3:0 esebimen oısyrata jeńdi. Reseı syrt alańda Belgııaǵa 1:3 esebimen jol bergen.

Qos qurama buǵan deıin eki márte joldastyq kezdesý ótkizdi. Alǵashqy oıyn 2008 jyldyń 23 mamyrynda boldy. Bul joly Reseı sapynan Pavel Pogrebnıak, Vladımır Bystrov, Konstantın Zyrıanov, Dınııar Bılıaletdınov, Dmıtrıı Torbınskıı jáne Dmıtrıı Sychev gol soqty. Qazir atalmysh quramadan ıÝrıı Jırkov qana bar. Kelesi kezdesý 2015 jyldyń 31 mamyrynda oınaldy. Reseı astanasy - Máskeý qalasynda bolǵan kezdesýde esep ashylǵan joq.

Aıta ketsek, atalmysh oıyndy Prezıdent Qasym-Jomart Toqaev, Premer-mınıstr Asqar Mamın, Prezıdenti Ákimshiliginiń basshysy Baqytjan Saǵyntaev tamashalap otyr.

Bizdiń kanalymyzǵa jazylyńyz:

Basty sózder: Nur-Sultan, Sport, Reseı,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT