+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

QR Prezıdenti – Joǵarǵy Bas qolbasshy «Otpantaý-2021» áskerı oqý-jattyǵý jıynyna bardy

2021 jylǵy 23 qyrkúıek 16:07
Bólisińiz:
QR Prezıdenti – Joǵarǵy Bas qolbasshy «Otpantaý-2021» áskerı oqý-jattyǵý jıynyna bardy

NUR-SULTAN. QazAqparat - Memleket basshysy Mańǵystaý oblysyna jumys sapary barysynda «Oımasha» polıgonynda ótken «Otpantaý-2021» shuǵyl-strategııalyq komandalyq-shtabtyq áskerı oqý-jattyǵý jıynyna bardy.

Uqsas jańalyqtar
Áýe qorǵanysy kúshteriniń áskerı qyzmetshileri qorytyndy tekserýdi jańa úlgide tapsyrdy Jyl basynan beri tirkelgen 30 eńbek daýynyń 28-i Mańǵystaý oblysynda bolǵan Mańǵystaý atom energetıkalyq kombınatynda vaktsına almaǵan 7 adam ǵana jumystan shettetildi

Bul týraly QazAqparat Aqordanyń resmı saıtyna silteme jasap habarlaıdy.

Joǵarǵy Bas qolbasshy Bas shtabtyń aldyńǵy sheptegi pýnktin aralap kórip, Qorǵanys mınıstriniń, áýe qorǵanysy, qurlyq áskeri, áskerı-teńiz jáne desant-shabýyldaýshy áskerler kúshteri basshylarynyń, sondaı-aq Qaraǵandy oblysy ákiminiń baıandamasyn tyńdady. Qasym-Jomart Toqaev arnaýly maqsattaǵy bólimderdiń daıyndyǵyn tekserip, qarý-jaraqtar men tehnıkalardyń zamanaýı túrlerin kórdi, sondaı-aq Aqtaýdaǵy áskerı gospıtal men Mańǵystaý oblysyndaǵy avıatsııalyq ınfraqurylymnyń qurylystaryna qatysty prezentatsııamen tanysty.

Sodan keıin Qasym-Jomart Toqaev belsendi júrgizilgen áskerı ádis-tásilderdiń kórsetilimin bıik minberden tamashalady.

Oqý-jattyǵý jıynynyń tártibi boıynsha ártúrli ásker toptarynyń shartty qarsylastaryna qarsy júrgizgen áskerı is-qımyldarynyń qazirgi qarýly qaqtyǵystardyń tájirıbesine negizdelgen jańa ádis-tásilderi is-júzinde kórsetildi. Ásker toptarynyń is-qımyldary barysynda áýedegi jáne jerdegi barlaý áreketteri júzege asyryldy. Onyń nátıjeleri ushqyshsyz basqarylatyn apparattar men aralas avıatsııa bólimderine týra soqqy jasalatyn nysandardy kórsetip otyrǵan basqarý pýnktine berilip otyrdy.

Sonymen qatar shartty qarsylastardyń ushqyshsyz basqarylatyn apparattaryna qarsy kúres uıymdastyrylyp, kontrbatareıaly soǵystyń zamanaýı ádisteri qoldanyldy. Oqý-jattyǵý jıyny barysynda áskerlerdiń utqyrlyq deńgeıiniń joǵary bolýyn qamtamasyz etýge nazar aýdaryldy.

Budan bólek Prezıdentke Qarýly Kúshterdiń, vedomstvoaralyq bólimderdiń, sondaı-aq elimizdiń ártúrli óńirlerindegi jergilikti atqarýshy organdar men ortalyq memlekettik organdardyń aýmaqtyq bólimsheleriniń júrgizgen is-qımyldary onlaın rejımde kórsetildi. Atap aıtqanda, Kaspıı teńizi aıdynynda áskerı teńiz kúshteriniń avıatsııa men arnaıy operatsııalar kúshteriniń qoldaýymen elimizdiń ekonomıkalyq nysandaryn qorǵaýǵa baǵyttalǵan is-qımyldary júrgizildi. Osyndaı áskerı oqý-jattyǵý jıyndary Qaraǵandy oblysyndaǵy «Saryshaǵan», «Spassk» jáne Almaty oblysyndaǵy «Kóktal» polıgondarynda ótti.

Ádis-tásilder kórsetilimi aıaqtalǵannan keıin áskerı qyzmetshiler aldynda sóz sóılegen Joǵarǵy Bas qolbasshy «Oımasha» polıgonynda ótkizilgen oqý-jattyǵý jıynynyń mańyzy zor ekenin aıtty.

– Bul tarıhı meken – eldik pen erliktiń, birlik pen tutastyqtyń sımvoly. El shetine jaý tıgende babalarymyz osy taýdyń basyna «Uran otyn» jaqqan. Jaýapty sátte bir týdyń astyna jınalǵan. Sondyqtan jurtymyz ony «Birliktiń oty» dep ataǵan. Erlerimiz týǵan jerdi qorǵaý úshin joryqqa Otpantaýdyń baýyrynan attanǵan. Osy jerde ult taǵdyryn sheshetin mańyzdy jıyndar ótken. Bul ıgi dástúr qazirgi kúnge deıin jetip otyr. Biz batyrlarymyzdyń rýhyna taǵzym etemiz. Sonymen birge dástúr sabaqtastyǵyn saqtaımyz. Eń bastysy, baıtaq dalany urpaǵyna mıras etken babalar amanatyna adal bolyp, Otanymyzdy qorǵaımyz, – dedi Memleket basshysy.

Prezıdent áskerı oqý-jattyǵý jıyndarynda, sonyń ishinde halyqaralyq deńgeıde turaqty túrde jaqsy nátıje kórsetip kele jatqan elimizdiń Qarýly Kúshteriniń áskerı daıyndyǵynyń deńgeıi joǵary ekenin atap ótti. Sondaı-aq áskerimizdiń naqty soǵys jaǵdaıynda da bıikten kórinetinine senim bildirdi.

– Armııada únemi jańǵyrý úderisi júrgiziledi. Bul zamanaýı syn-qaterler men qaýipterge daıyndyǵymyzdy qamtamasyz etedi. Arnaıy operatsııalar júrgizetin kúshter, barlaý bólimderi men arnaýly maqsattaǵy bólimsheler qarqyndy damyp keledi. Dıversııalyq áreketterge qarsy is-qımyldar pysyqtalady. Týra soqqy jasaıtyn qarýlar men ushqyshsyz basqarylatyn quraldar keńinen qoldanyla bastady, – dedi Prezıdent.

Memleket basshysy áskerı qyzmetshiler aldynda sóılegen sózinde óńirdegi áskerı-saıası ahýaldyń kúrdelený jaǵdaıynda ótken búgingi keshendi oqý-jattyǵý jıyny kúshtik qurylymdar men jergilikti atqarýshy bıliktiń daǵdarys jaǵdaıyn aýyzdyqtaýǵa ázirligin kórsetkenin jetkizdi.

Joǵarǵy Bas qolbasshy oqý-jattyǵý jıyndary elimizdiń ártúrli óńirinde ornalasqan jeti oqý-jattyǵý polıgonynda jáne Kaspıı aıdynynda ótkenin atap ótti. Jalpy oqý-jattyǵý jıyndary shyǵystan batysqa qaraı úsh myń shaqyrym aýmaqty qamtydy.

– Jeke quram men tehnıkany óz júristerimen, temirjol jáne áýe qatynastary arqyly jyljytý jumystary pysyqtaldy. Bul Qarýly Kúshterdiń strategııalyq utqyrlyǵyn, qaýip tóndiretin negizgi baǵyttar boıynsha áskerı toptardy jedel qurý múmkindigin kórsetti. Shtabtardyń shuǵyl jaǵdaılar kezindegi úılesimdi jumysyn, joǵary tehnologııaly qarýlar men áskerı is-qımyldardy josparlaý ádistemeleriniń qoldanylýyn kórdik. Ákimdikterdiń de daıyndyq deńgeıiniń joǵarylaǵanyna kýá boldyq. Qazirgideı «stress-testileý» kezinde olardyń róli áskerı quramdardan kem túspeıdi, – dedi Qasym-Jomart Toqaev.

Prezıdent armııanyń memleket pen qoǵam tarapynan jiti baqylanatyn nysan ekenin atap ótti. Sondaı-aq Memleket basshysy áskerdi zamanaýı qarý-jaraqpen jáne tehnıkamen odan ári jabdyqtaýǵa negizdelgen Qarýly Kúshterdi jáne basqa da áskerler men áskerı quramdardy damytý tujyrymdamasynyń bekitilgenin eske saldy.

– Olardyń qatarynda áýe shabýylyna qarsy qorǵanys, ushqyshsyz basqarylatyn ushý apparattary, barlaý jáne radıoelektrondy kúres quraldary bar. Maıdan, áskerı jáne áskerı-kólik avıatsııa parkin jańartý jumystary jalǵasady. Áskerimiz sheteldik jáne otandyq óndiriste jasalǵan týra soqqy jasaıtyn zymyran keshenderimen jabdyqtalady. Jalpy Qarýly Kúshterdiń tehnıkalyq áleýeti qazaqstandyq armııanyń jańa kelbetin kórsetedi, – dedi Memleket basshysy.

Joǵarǵy Bas qolbasshy áskerı qyzmetshilerge keshendi áleýmettik qoldaý kórsetý máselelerine de toqtaldy.

– Qarjylandyrý máselesi kezeń-kezeńimen artyp keledi. Bıyldan bastap áskerı qyzmetshilerdiń laýazymdyq eńbekaqylary 35 paıyzǵa ósti. Aldaǵy eki jylda ortasha eseppen 60 paıyzǵa joǵarylaıdy. Barlyq sanattaǵy áskerı qyzmetshiler úshin turǵyn úı máselesi zańnamalyq turǵydan sheshilgen. TMD-nyń basqa elderine qaraǵanda qazaqstandyq áskerdiń áleýmettik toptamasy – básekege qabiletti. Áskerı qyzmetshilerdi áleýmettik qorǵaý máselesi árdaıym memleket basymdyq beretin salalardyń qatarynda bolady. Kúshti ásker – qýatty egemen Qazaqstannyń kepili, – dedi Prezıdent.

Qasym-Jomart Toqaev sóziniń sońynda minsiz qyzmetteri úshin áskerı qyzmetshilerge alǵys aıtyp, elimizdiń qaýipsizdigin berik qorǵaıtyndaryna senim bildirdi.

«Otpantaý-2021» jedel-strategııalyq áskerı-shtabtyń oqý-jattyǵý jıyny áskerimizdiń ázirligin tosynnan tekserýdiń sońǵy kezeńi boldy. Qarýly Kúshterdegi oqý-jattyǵý jıyndary bıylǵy qyrkúıek aıynyń basynan beri júrgizilip keledi. Tekseriske 9 myńǵa jýyq áskerı qyzmetshi qatysyp, 3 myńnan astam qarý-jaraq pen áskerı tehnıka, onyń ishinde 66 ushý apparaty men 8 keme jumyldyryldy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT