Qazaqstan Prezıdenti Shveıtsarııanyń Federaldyq Prezıdenti Gı Parmelanmen kelissóz júrgizedi
2021 jylǵy 29 qarasha 09:21

Qazaqstan Prezıdenti Shveıtsarııanyń Federaldyq Prezıdenti Gı Parmelanmen kelissóz júrgizedi

JENEVA. QazAqparat - Jenevada Qasym-Jomart Toqaev Shveıtsarııanyń Federaldyq Prezıdenti Gı Parmelanmen kelissóz júrgizedi. Bul týraly Memleket basshysynyń baspasóz hatshysy Berik Ýálı málim etti, dep habarlaıdy QazAqparat.

«Jenevada Qasym-Jomart Toqaev Shveıtsarııanyń Federaldyq Prezıdenti Gı Parmelanmen kelissóz júrgizedi. Onyń qorytyndysy boıynsha birqatar úkimetaralyq jáne kommertsııalyq kelisimge qol qoıylmaq. Sapar baǵdarlamasy boıynsha Memleket basshysy Dúnıejúzilik densaýlyq saqtaý assambleıasynyń arnaýly sessııasynda sóz sóıleıdi, BUU-nyń jáne basqa da birqatar halyqaralyq uıymnyń basshylyǵymen kelissóz júrgizedi, ınvestıtsııalyq dóńgelek ústelge qatysady jáne eýropalyq bıznes kapıtandarymen kezdesedi dep josparlanyp otyr», - dep jazdy B.Ýálı Facebook-te.

Aıta keteıik, buǵan deıin Qazaqstan Prezıdenti resmı saparmen Shveıtsarııa konfederatsııasyna barǵanyn habarlaǵan edik.


Jańalyqtar

MURAǴAT