+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Qazaqstan Prezıdenti BUU Bas hatshysymen kelissóz ótkizdi

2021 jylǵy 4 maýsym 14:08
Bólisińiz:
Qazaqstan Prezıdenti BUU Bas hatshysymen kelissóz ótkizdi

NUR-SULTAN. QazAqparat - Memleket basshysy Qasym-Jomart Toqaev vıdeo konferentsııa rejıminde BUU Bas hatshysy Antonıý Gýterrıshpen kezdesý ótkizdi, dep habarlaıdy QazAqparat Aqordanyń baspasóz qyzmetine silteme jasap.

Uqsas jańalyqtar
Memleket basshysynyń Ońtústik Koreıaǵa sapary jaıly jańa derekti fılm shyqty QR Prezıdentiniń BUU Azyq-túlik júıeleri sammıtinde sóılegen sóziniń tolyq mátini Qazaqstan jylyna 7 mıllıon tonnaǵa deıin bıdaı eksporttaıdy – Toqaev

Kelissóz barysynda Qazaqstannyń Birikken Ulttar Uıymymen aradaǵy yntymaqtastyǵynyń basym baǵyttary talqylandy. Pandemııaǵa jáne klımattyń ózgerýine qarsy kúreske, sondaı-aq, óńirlik qaýipsizdik pen turaqtylyqty qamtamasyz etý úshin kúsh jumyldyrýǵa erekshe nazar aýdaryldy.

Qasym-Jomart Toqaev Antonıý Gýterrıshtiń BUU basshysy laýazymyna ekinshi merzimge usynǵan kandıdatýrasyn Qazaqstannyń qoldaıtynyn naqtylady.

Taraptar Aýǵanstandaǵy ahýalǵa baılanysty óńirlik qaýipsizdik pen turaqtylyqty qamtamasyz etý máselesin jan-jaqty qarastyrdy. Memleket basshysy Aýǵanstanǵa kórsetiletin kómekti jalǵastyrýǵa daıyn ekenin jáne sol eldegi turaqtylyqty qalpyna keltirýge baǵyttalǵan halyqaralyq is-qımyldarǵa atsalysatynyn aıtty. Bul rette, BUU Bas hatshysy atalǵan úderisti ilgeriletýdegi Ortalyq Azııa memleketteriniń, sonyń ishinde Qazaqstannyń aıryqsha rólin atap ótti.

Qasym-Jomart Toqaev BUU Bas hatshysyna koronavırýsqa qarsy kúres jóninde qabyldanyp jatqan sharalar, onyń ishinde, QazVac otandyq vaktsınasynyń ázirlemesi týraly málimet berdi. Sondaı-aq osy jyldyń sońyna deıin halyqtyń 55 paıyzyna ekpe salý josparyn jetkizdi. Antonıý Gýterrısh koronavırýs indetine qarsy qazaqstandyq vaktsınanyń ázirlemesin jáne jappaı ekpe salý naýqanynyń tabysty júrgizilip jatqanyn quptady.

BUU Bas hatshysy teńizge shyǵatyn joly joq damýshy elder tobyna kiretin memleketterdiń múddesin qorǵaýǵa baǵyttalǵan Qazaqstannyń bastamasyn quptady. Bul, ásirese, pandemııa saldarynan týyndaǵan daǵdarys kezinde ózekti bolyp otyr.

Qazaqstan Prezıdenti bıylǵy qarasha aıynda Glazgoda ótetin SOR26 dúnıejúzilik klımat konferentsııasyna qatysýǵa nıetti ekenin jetkizdi. Atalǵan jıyn barysynda 2060 jylǵa qaraı Qazaqstannyń kómirteginen ada el bolýǵa qol jetkizý jónindegi jańartylǵan ulttyq sharalary jarııalanady.

Antonıý Gýterrısh Qazaqstannyń ıadrolyq qarýǵa qarsy jahandyq máseleni ilgeriletýdegi kóshbasshylyǵyn joǵary baǵalady. Memleket basshysy BUU Bas hatshysyn Semeı polıgonynyń jabylǵanyna 30 jyl tolýyna oraı tamyz aıynda elimizde ótkiziletin halyqaralyq konferentsııaǵa shaqyrdy.

Áńgimelesý sońynda taraptar ortaq múddeni kózdeıtin aýqymdy máseleler boıynsha jasalatyn tyǵyz baılanystardy jalǵastyrý jóninde ýaǵdalastyqqa qol jetkizdi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT