Qazaqstan Prezıdenti «Al Nowais Investments» kompanııasynyń Basqarma tóraǵasymen kezdesti

ÁBÝ DABI. QazAqparat - Qazaqstan Prezıdenti Qasym-Jomart Toqaev «Al Nowais Investments» kompanııasynyń Basqarma tóraǵasy Hýsseın Ál Noveıspen kezdesti, dep habarlaıdy QazAqparat Aqordanyń baspasóz qyzmetine silteme jasap.

Uqsas jańalyqtar

Mıýnhen konferentsııasynda Qazaqstan men AQSh-tyń yntymaqtastyǵy talqylandy

Qasym-Jomart Toqaev: Innovatsııalar men tsıfrlandyrýǵa basa mán beriledi Qazaqstan Prezıdenti kórshi eldermen tıimdi qatynas týraly aıtty Mıýnhende Qasym-Jomart Toqaev mańyzdy ustanymyn bildirdi - Rıchard Haas

Qazaqstan Prezıdenti «Al Nowais Investments» kompanııasynyń Basqarma tóraǵasy Hýsseın Ál Noveıspen kezdesti.

Birikken Arab Ámirlikterinde ǵana emes, Taıaý Shyǵys aımaǵyndaǵy eń iri ınvestıtsııalyq uıym sanalatyn «Al Nowais Investments» kópsalaly bıznes júrgizip otyrǵan kompanııa. Onyń jyldyq aınalymy 1 mıllıard dollardan asady.

Hýsseın Ál Noveıs Qasym-Jomart Toqaevqa ónerkásip, energetıka, ınfraqurylym, densaýlyq saqtaý jáne taǵy da basqa salalar boıynsha atqaryp jatqan jumystary jaıly maǵlumat berdi.

Memleket basshysy Qazaqstannyń jańartylǵan energııa kózderine ınvestıtsııa salyp, atalǵan salany ilgeriletý úshin 2013 jyldan beri eldi jasyl ekonomıkaǵa ótkizý Tujyrymdamasy júzege asyrylyp jatqany týraly aıtty. Sondaı-aq elimizde memlekettik-jekemenshik áriptestik boıynsha kóptegen jobalardyń qolǵa alynǵanyn, 2025 jylǵa deıin Densaýlyq saqtaý salasyn damytý baǵdarlamasynyń qabyldanyp, iske asyrylyp jatqanyn atap ótti.