+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Qazaqstan polıtsııasy servıstik modelge kóship jatyr

2020 jylǵy 23 qyrkúıek 13:12
Bólisińiz:
Qazaqstan polıtsııasy servıstik modelge kóship jatyr

ALMATY. QazAqparat - Qazaqstan polıtsııasy servıstik modelge kóshý ústinde, dep habarlaıdy QazAqparat Іshki ister mınıstrligiinń baspasóz qyzmetine silteme jasap.

Uqsas jańalyqtar
Qaraǵandyda polıtsııa kıimin kıip, toı qonaqtaryn qorqytqan asaba jazalanady

«Halyqaralyq tájirıbede servıstik polıtsııanyń kelesi tujyrymdamasy qabyldandy: servıstik polıtsııa – polıtsııa qyzmetindegi qoǵamdyq baǵdarlanǵan tásil – basqarý stıli, máseleni sheshýge jáne qoǵammen seriktestikke baǵyttalǵan uıymdastyrýshylyq strategııa. Osy strategııa sheńberinde polıtsııa qoǵammen tyǵyz ózara is-qımyl jasaýǵa, polıtsııa qyzmetiniń tıimdiligi jáne naqty aýmaqta turatyn turǵyndardyń qaýipsizdigi máseleleriniń basymdylyǵy týraly halyqtyń pikirin eskere otyryp, qaýipsizdik máselelerin birlesip sheshýge baǵyttalǵan belsendi jumys modeline baǵdarlanady. Qyzmetke baǵyttalǵan polıtsııa qyzmeti – polıtsııa men qoǵamǵa qylmysty ashýda, quqyq qorǵaý jáne qaýipsizdik máselelerin sheshýde yntymaqtastyqtyń jańa ádisterin qoldanýǵa múmkindik beretin model. Ol eki negizgi quramdas bólikke negizdelgen: polıtsııanyń ádisteri men tájirıbesin ózgertý jáne polıtsııa men qoǵam arasynda syndarly qarym-qatynas ornatý úshin shara qabyldaý» delingen ІІM habarlamasynda.

Bul modeldiń máni - qoǵam músheleriniń qaýipsizdik máselelerin anyqtaý protsesine belsendi qatysýy. Azamattardy tartý aıasynda quqyq buzýdyń aldyn alý jáne qylmysqa qarsy kúres boıynsha keńeıtilgen kózqaras oryn alady, bul búkil polıtsııa qyzmetine tereń ózgerister engizýge ákep soǵady.

Tıimdilikke qol jetkizetin bul tásil barlyq polıtsııa qyzmetteri tarapynan da, ózara is-qımyl men osy protsestegi óz úlesiniń nátıjesin baıqaı alatyn jurtshylyq tarapynan da maqsatty qoldaýdy kózdeıdi.

«Polıtsııanyń servıstik modeliniń» negizin sıpattaýǵa bolatyn negizgi qaǵıdat: Polıtsııa – bul halyq, al halyq – polıtsııa.

«Qazir Qazaqstanda ulttyq model qurý protsesi júrip jatyr. Biz polıtsııany azamattardyń problemalaryn sheshetin jáne kómektesetin qyzmet dep sanaımyz. Qoǵamdyq qaýipsizdikti qamtamasyz etýdiń «servıstik» formatyna kóshý úshin ótken jyly Qaraǵandy oblysynda pılottyq joba bastaldy. Onyń maqsaty – qoǵamdyq qaýipsizdikti qamtamasyz etý máselelerinde jergilikti qaýymdastyqpen áriptestik qatynas ornatý. Jaqyn arada osyndaı joba elordada jumys isteı bastaıdy», - dep atap ótti ІІM kadr saıasaty departamentiniń bastyǵy Aıdar Saıtbekov Almaty ІІM akademııasy bazasynda ótken jańa jaǵdaıdaǵy polıtsııa máselesin talqylaý barysynda.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT