+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

Qazaqstan ózbek taýarlaryna qatysty qandaı saýda sharasyn qoldanbaq

2020 jylǵy 21 aqpan 10:17
Bólisińiz:
Qazaqstan ózbek taýarlaryna qatysty qandaı saýda sharasyn qoldanbaq

NUR-SULTAN. QazAqparat - Ózbek taýarlaryna qatysty saýda sharalaryn qoldaný ózbek tarapymen kelissózder protsesine teris áser etýi múmkin.

Bul jaıynda QR Premer-Mınıstri Asqar Mamınniń Senat depýtattarynyń resmı saýalyna bergen jaýabynda aıtylǵan, dep habarlaıdy QazAqparat tilshisi.

Aıta keteıik, Senat depýtattary Ózbekstan Respýblıkasynan kilemder men kilem buıymdary ımportyna aktsızdik alym engizý nemese ÓR-den ákelý kezinde qazaqstandyq kilemder men kilem buıymdary úshin aktsızdik salyqty tómendetý boıynsha «qarsy» sharalardy qabyldaýǵa qatysty Úkimet basshysyna saýal joldaǵan bolatyn.

«Kedendik statıstıkanyń resmı derekterine sáıkes ózbek kilemderiniń ımporty (SEQ TN kodtary 5701-5705) 2019 jylǵy qańtar-qarashada 3,9 mln. AQSh dollaryn qurady. Bul Qazaqstanǵa osy taýardyń jalpy ımportynyń 9,2%, ıaǵnı bul Qazaqstan zańnamasyna sáıkes otandyq ónimdi qorǵaý úshin ózbek ımportyna aktsızdik alym engizý sharasyn qoldaný úshin jetkiliksiz. QR men ÓR arasyndaǵy saýda-ekonomıkalyq qatynastar aıtarlyqtaı jaqsy, sondaı-aq ózbek tarapynyń aktsızderdi alý jónindegi kelissózder protsesindegi oń serpindi eskere otyryp, ózbek taýarlaryna qatysty saýda sharalaryn qoldaný ózbek tarapymen kelissózder protsesine keri áser etýi múmkin. Sonymen qatar, otandyq óndirýshilerdiń múddelerin qorǵaý maqsatynda Qazaqstan Úkimeti aktsızderdi, onyń ishinde kilem buıymdarynyń aktsızin joıý máselesi boıynsha kelissózderdi jalǵastyrady», - dep atap ótedi Premer-Mınıstr depýtattardyń saýalyna oraı.

Onyń aıtýynsha, 2011 jylǵy 18 qazandaǵy TMD erkin saýda aımaǵy týraly shartqa qosylý aıasynda qabyldanǵan ÓR mindettemelerine sáıkes, 2021 jylǵy 1 qańtardan bastap nemese Dúnıejúzilik saýda uıymyna qosylǵan kúnnen bastap, osy kúnderdiń qaısysy buryn bastalǵanyna baılanysty, ÓR ımporttyq jáne óndiriletin jergilikti ónimge aktsız mólsherlemelerin teńestiredi.

«Qazirgi ýaqytta ÓR kilemderge aktsız salyǵyn qoldanbaıtynyn eskere otyryp, ótpeli kezeńniń qorytyndylary boıynsha uqsas ónimniń ımportyna aktsızdiń kúshin joıýdy kútýge bolady. Bul rette, ózbek tarapynyń ımporttyq ónimge aktsızdi qoldaný praktıkasyn toqtatý máselesi uzaq ýaqyt boıy ártúrli alańdarda, onyń ishinde eń joǵary deńgeıde kóterilýde. Sońǵy jyldary ÓR aktsızdik saıasaty aıtarlyqtaı yryqtandyrylǵanyn atap ótý kerek», - dedi Asqar Mamın.

Premer-Mınıstrdiń dereginshe, ÓR búgingi kúni syrtqy ekonomıkalyq qyzmettiń taýarlar nomenklatýrasynyń 10 belgisiniń 1071 taýar pozıtsııasyna qatysty aktsızderdi qoldanady. Onyń ishinde 508 taýar pozıtsııasy aýyl sharýashylyǵy, 563-i ónerkásip ónimderine jatady.

«2019 jyldyń 11 aıynyń qorytyndysy boıynsha aktsız salýǵa jatatyn qazaqstandyq ónimniń 104 ataýy ÓR-ge eksporttaldy. Bul rette atalǵan taýarlar eksportynyń kólemi 73,1 mln AQSh dollaryn qurady. Qazaqstan Respýblıkasynyń ulttyq zańnamasynda naqty elden jetkizilimder belgili bir taýar ımportynyń jalpy kóleminiń 30 paıyzdan astamyn alatyn ımport serpini oń bolǵan jaǵdaıda, shyqqan eli boıynsha aktsızderdi qoldaný quqyǵy kózdelgenin atap ótken jón. Bul rette mundaı aktsızderdi tek DSU-ǵa múshe emes elderge qatysty belgileýge bolady. Ózbekstan osy elderge jatady», - dedi Úkimet basshysy.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT