+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Qazaqstan - Ortalyq Azııada NATO-nyń aıryqsha belsendi ári senimdi áriptesi - NATO Bas hatshysynyń OA jónindegi Arnaıy ókili Djeıms Appatýraı

2013 jylǵy 9 qarasha 08:01
Bólisińiz:
Qazaqstan - Ortalyq Azııada NATO-nyń aıryqsha belsendi ári senimdi áriptesi - NATO Bas hatshysynyń OA jónindegi Arnaıy ókili Djeıms Appatýraı

BRıÝSSELЬ. 9 qarasha. QazAqparat - Qazaqstan NATO-nyń Ortalyq Azııadaǵy senimdi áriptesteriniń biri bolyp tabylady jáne Soltústik atlantıka alıansy Aýǵanstandaǵy ahýaldy budan ary qaraı turaqtandyrý, lańkestikpen, esirtki tasymalymen kúres, sondaı-aq halyqaralyq qaýipsizdik pen turaqtylyqty qamtamasyz etý baǵytynda Qazaqstanmen ózara is-qımyldyń qarqynyn saqtaýǵa nıetti.

NATO Bas hatshysynyń Kavkaz jáne Ortalyq Azııa jónindegi Arnaıy ókili Djeıms Appatýraımen aradaǵy suhbat Qazaqstan men NATO yntymaqtastyǵynyń búgingi tańdaǵy jaǵdaıy men bolashaǵy jaıynda. - Appatýraı myrza, búginde Qazaqstan men NATO-nyń yntymaqtastyǵy qalaı damyp kele jatyr? - NATO men Qazaqstan arasyndaǵy yntymaqtastyq óte jaqsy deńgeıde damýda. Shynynda ózara qarym-qatynas árqashan da aıtarlyqtaı joǵary deńgeıde boldy. Qazaqstan Ortalyq Azııadaǵy NATO-nyń erekshe belsendi áriptesi. Osy el Josparlaý jáne saraptaý úderisine qosyldy, sondaı-aq NATO-men áriptestik is-qımylynyń jeke josparyn iske asyrýda. Sondyqtan da bizde aıtarlyqtaı damyǵan ekijaqty yntymaqtastyq ornaǵan dep senimmen aıtýǵa bolady. Sonymen qatar Qazaqstan NATO-nyń Aýǵanstandaǵy operatsııasy aıasynda tasymaldanatyn júkterdiń tranzıti salasynda bizben belsendi qarym-qatynasta. Osy turǵyda biz qazaqstandyq bılikke óte rızamyz. Qazaqstan óte senimdi áriptes jáne Aýǵanstandaǵy ahýaldy turaqtandyrý baǵytynda bizde ózara qyzyǵýshylyq bar. Atap aıtqanda biz yntymaqtastyqty damytýǵa múddelimiz. Munymen qosa, Qazaqstan Aýǵanstan boıynsha «Ystambul úderisinde» úlken ról oınaýda. Bıyl Almatyda «Azııa júregi» formatynda Aýǵanstan boıynsha «Ystambul úderisi» elderiniń syrtqy ister mınıstrleriniń ІІІ konferentsııasy ótkeni málim. Osy oraıda jalpy bizdiń áriptestik belsendi ekenin eskersek, biz ózara is-qımyldyń qarqynyn saqtap qalýǵa úmittimiz. - 2014 jyly Aýǵanstannan negizgi halyqaralyq kúshter shyǵarylǵannan keıin NATO men Qazaqstan yntamaqtastyǵynyń baǵyty ózgere me? - Meniń oıymsha, Aýǵanstan bizdiń yntamaqtastyqtyń ortasynda qala bermek. 2014 jyldan keıin Aýǵanstanda áskerlerdiń qatysýyn NATO saqtaıtyn bolady. Bul kúshter aýǵan qaýipsizdik kúshterin jattyqtyrý men oqytý sharalarymen aınalysyp, jaýyngerlik qımyldarǵa qatyspaıdy. Osyǵan baılanysty júk tranzıtinde NATO-nyń qajettilikteri týyndaıdy jáne biz osy salada Qazaqstanmen yntymaqtastyqty saqtaýǵa nıettimiz. Bizde halyqaralyq qaýipsizdik pen turaqtylyqty qamtamasyz etý, lańkestikpen jáne esirtki tasymalymen kúres, sondaı-aq shekarany bekitý boıynsha ózara qyzyǵýshylyq bar. Meniń bilýimshe, Qazaqstan BUU-nyń bitimgerlik operatsııalaryna qatysý múmkindigin qarastyrýda. NATO bitimgerlik operatsııalarda sheteldik bólimshelerdiń birlesip jumys isteýge daıyndyǵy turǵysynda tıisti saraptamany júrgizý múmkindigine ıe. Sondyqtan biz osy tektes saraptamany Qazaqstanda da júrgize alamyz degen oıdamyn. Jalpy alǵanda, bizde bolashaqta birlesip jumys isteý úshin kóptegen múmkindikter bar ekenin atap ótkim keledi. - Qazaqstannyń álemdegi ahýaldy, ásirese, Aýǵanstandaǵy jaǵdaıdy turaqtandyrýdaǵy rólin qalaı baǵalar edińiz? - Dál osy másele boıynsha biz birlesip jumys isteýimiz kerek. Men bilemin, Qazaqstan Nursultan Nazarbaevtyń basshylyǵymen halyqaralyq alańda belsendi ról oınaýǵa umtylýda. Álemdegi jaǵdaıdy turaqtandyrýda Qazaqstannyń atqaryp otyrǵan róliniń tek keıbir ǵana aspektilerin atap óteıin. Máselen, Qazaqstan óziniń aýmaǵy arqyly júkterdi tasymaldaý múmkindigin usyna otyryp, Aýǵanstandaǵy operatsııalarda NATO-ny qoldaýda. Sizderdiń elderińiz esirtki tasymaly boıynsha halyqaralyq kúreske belsendi túrde járdemdesýde. Buǵan qosa, Qazaqstan ıadrolyq qarýdan bas tartý arqyly óte mańyzdy sheshimdi qabyldady. Respýblıka «Ystambul úderisine», sondaı-aq óńirdegi ahýaldy qalypqa keltirýge belsendi qatysýda. Meniń kózqarasym boıynsha Aýǵanstandaǵy turaqtylyq pen qaýipsizdik, osy ıslam memleketiniń kórshiles eldermen jaqsy qarym-qatynastardy ornatýyna, tyǵyz ekonomıkalyq baılanystarǵa, tartylatyn ınvestıtsııalarǵa tikeleı qatysty. Sondyqtan «Ystambul úderisi» aıasyndaǵy kúsh-jiger Aýǵanstandaǵy uzaqmerzimdi turaqtylyq úshin óte mańyzdy. Bul turǵyda Qazaqstan aldyńǵy qatarly róldi oınap otyr. - Qazaqstan NATO elderimen ózara árekettesýde bizdiń áskerdiń jaýyngerlik daıyndyǵy deńgeıin kóterýge múmkindik beretin «Dala qyrany» halyqaralyq bitimgerlik jattyǵýyn turaqty ótkizedi. QR Qarýly Kúshterin damytýda NATO taǵy qandaı úles qosa alady? - «Dala qyrany» óte paıdaly oqý-jattyǵý. Ózderińiz bilesizder, osy sharaǵa kóptegen natolyq elder qatysady. Osy tektes jattyǵýlardy turaqty túrde ótkizgeni úshin QR Úkimetine alǵysymdy aıtqym keledi. Biz qazaqstandyq Qarýly Kúshterdi damytýǵa qoldaý jasaý baǵytyna erekshe nazar aýdarýdamyz. Qazaqstan BUU-nyń bitimgerlik operatsııalaryna paıdalanýǵa nıetti «Qazbattyń» damýyn qoldaımyz. Sonymen qatar Qazaqstan Josparlaý jáne saraptaý úderisiniń qatysýshysy bolyp tabylady. Bul baǵdarlama arqyly NATO áriptes elderdiń shaqyrýy boıynsha olardyń Qarýly kúshterin jaqsartý joldaryn anyqtaýǵa kómek beredi. Biz bul jumysty Qazaqstanmen júıeli túrde iske asyrýdamyz. Osy sharalar qazaqstandyq áskerdi damytýǵa bizdiń járdemdesý salasynda aıtarlyqtaı mańyzdy element bolyp tabylady. -Táýelsizdik jyldarynda Qazaqstan áskeri qandaı salalarda jetistikterge qol jetkizdi dep oılaısyz? - Bizdiń sarapshylardyń paıymynsha, qazaqstandyq ásker únemi jetildirilý ústinde. Qýatty Qarýly kúshterdi qurý - kez kelgen memleket úshin úlken jetistik. Bul baǵytta eleýli kúsh-jiger qajet, onyń ishinde áskerlerdi oqytý, olardyń ınfraqurylymy men logıstıkasyn jáne basqa da salalaryn damytý máseleleri bar. Atap aıtqanda, Qazaqstan osy jumystardyń barlyǵyn júzege asyrdy. Bizdiń kózqarasymyz boıynsha búginde qazaqstandyq áskerdi damytýda erekshe baıqalatyn eki kórsetkishti atap ótýge bolady. Bular - «Dala qyrany» jattyǵýyn ótkizý sharalary men «Qazbatty» damytý jumystary. Qazaqstan bıliginiń «Qazbatty» BUU-nyń bitimgerlik operatsııalaryna paıdalaný nıetinde qazaqstandyq ásker óziniń damýynda qalyptasý kezeńinen ótip, endi basqalarǵa kómek kórsetýge daıyn ekenin baıqaýǵa bolady. Biz bul úderiste Qazaqstanǵa járdemdeskimiz keledi. - Suhbatyńyzǵa rahmet!

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT