+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazaqstan óńirlerinde volonterlikti qoldaýǵa arnalǵan ortalyqtar ashylady

2019 jylǵy 12 jeltoqsan 21:33
Bólisińiz:
Qazaqstan óńirlerinde volonterlikti qoldaýǵa arnalǵan ortalyqtar ashylady

NUR-SULTAN. QazAqparat – Jańa ortalyqtar jaıly «Ashyq dıalog» baǵdarlamasynda QR Aqparat jáne qoǵamdyq damý mınıstri Dáýren Abaev aıtyp berdi, dep habarlaıdy QazAqparat tilshisi.

«Volonterler qozǵalysynyń damýy – Qazaqstannyń ǵana qolǵa alyp jatqan isi emes, búkil álemdegi trend. Volonterlik – muqtaj adamǵa kómektesý tilegi ǵana emes, bul – azamattyq pozıtsııany bildirýdiń amaly, qoǵamdy damytýǵa qosylǵan úles ispetti. Osyndaı bastamalar Qazaqstanda barshylyq. Bizdiń volonterlik qozǵalysqa qazirgi tańda 50 myńǵa tarta adam tartylǵan. Biz álbette, bul sandy barynsha arttyra berýimiz kerek», - dedi Dáýren Abaev «Ashyq dıalog» baǵdarlamasynda.

Mınıstrdiń aıtýyna qaraǵanda, memleket volonterlar qozǵalysyn qoldaýǵa nıet bildirip otyr.

«Álbette, volonterliktiń tartymdylyǵy men mańyzyn arttyramyz. Atap aıtqanda, bul jumystyń mańyzdylyǵyn túsindire otyryp qarqyndy jumys júrgiziledi. Bul jerde áńgime tek jastar týrasynda aıtylyp otyrǵan joq. Bizdiń maqsat – korporatıvti jáne «kúmis» volonterlikke serpin berý. Bul degenińiz iske úlken jastaǵy azamattardy tartý degendi bildiredi. Aımaqtarda volonterlik isti qoldaýǵa arnalǵan ortalyqtardy kózdeımiz. Olar iri jeti baǵyt boıynsha jumys júrgizedi. Osynaý baǵyttardyń bárin kelesi jyldyń basynda tanystyramyz», - dedi ol.

Dese de, mınıstr baǵyttardyń qandaı bolatynyn shamamen tuspaldap aıtyp ótti.

«Máselen, bilim salasynda mynadaı baǵyt bolady: aýyl mektepterinde 11 synypty bitirgen balany UBT-ǵa daıyndap, aǵylshyn tilin oqytyp, kompıýterlik bilimin arttyrý úshin volonterlik kómek kórsetiledi. Sonymen birge, volonterler balabaqshadaǵy balalarǵa kómek qolyn sozady. Sonymen qatar, medıtsınalyq volonterlikti de damytqymyz keledi», - dedi Dáýren Abaev.

Eske sala ketsek, Jastar jylynyń jabylý jáne Volonter jylynyń ashylý saltanatynda Memleket basshysy Qasym-Jomart Toqaev volonterlik jumystardyń negizgi baǵyttaryn ataǵan bolatyn.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT