Qazaqstan Olımpıada oıyndaryna taǵy eki joldama aldy

ÝHANЬ. QazAqparat - Qytaıdyń Ýhan qalasynda ótip jatqan qazirgi bessaıystan lıtsenzııalyq Azııa chempıonatynda eki qazaqstandyq Olımpıadaǵa joldama aldy, dep habarlaıdy QazAqparat.

QR Ulttyq Olımpıadalyq komıtetiniń aqparatyna sáıkes , qurlyq dodasynda erler men áıelder arasyndaǵy jekeleı syn aıaqtaldy. Jarys nátıjesi boıynsha, Qazaqstan komandasynyń músheleri Elena Potapenko men Pavel Ilıashenko Olımpıada joldamasyna qol jetkizdi.

«Elena Potapenko Azııa chempıonatynan 12-shi oryn ıelenip, Olımpıadaǵa joldama aldy. Olımpıadaǵa irikteý týrnıriniń erejesine sáıkes, qurlyq básekesinde 5 joldama sarapqa salyndy. Ár elden tek bir sportshy ǵana lıtsenzııaǵa úmitker bola alady. Potapenkonyń aldynda Ońtústik Koreıanyń – tórt, Japonııa men Qytaıdyń – úsh, Ózbekstannyń bir sportshysy bar. Osylaısha, Elena Potapenko #teamKZ qorjynynan 24-shi joldamany saldy. Erler arasynda Pavel Ilıashenko tórtinshi oryn ıelenip, Tokıo oıyndaryna qatysý múmkindigin aldy», - delingen komıtet málimetinde.

Aıta keteıik, búgingi deıin Qazaqstan qorjynynda Tokıo Olımpıadasyna 25 lıtsenzııa bar. Atap aıtsaq, ıÝrıı ıÝrkov (nysana kózdeý), Sársenkúl Rysbekova (stend atý), Rıshat Haıbýllın (sporttyq quzǵa órmeleý), Dmıtrıı Balandın (100, 200 metrge brass ádisimen júzý), Olga Rypakova, Georgıı Sheıko (jeńil atletıka), Evgenıı Gıdıch (velosport, lıtsenııa komandaǵa beriledi), sadaq atýdan Qazaqstan erler komandasy (Denıs Gankın, Ilfat Abdýllın, Sanjan Musaev; komandalyq jáne jekeleı syn), Vıtalıı Hýdıakov (ashyq sýda júzý), Ekaterına jáne Aleksandra Nemıch (sınhrondy júzý), Mılad Karımı (sporttyq gımnastıka), Valentına Islamova, Elmıra Syzdyqova (áıelder kúresi), Ashat Dilmuhamedov, Meırambek Aınaǵulov (grek-rım kúresi), Nurıslam Sanaev, Dáýlet Nııazbekov, Danııar Qaısanov, Álisher Erǵalı (erkin kúres) joldama alǵan bolatyn.