+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazaqstan ókpeni jasandy jeldetý apparatyn Túrkııa jáne Qytaımen birlesip shyǵarmaq

2020 jylǵy 19 maýsym 11:28
Bólisińiz:
Qazaqstan ókpeni jasandy jeldetý apparatyn Túrkııa jáne Qytaımen birlesip shyǵarmaq

NUR-SULTAN. QazAqparat - Qazaqstan túrik jáne qytaı seriktesterimen birge ókpeni jasandy jeldetý apparattaryn shyǵarýdy qolǵa almaq. Bul týraly búgin Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

Uqsas jańalyqtar

«Densaýlyq saqtaý mınıstrliginiń aqparaty boıynsha, 6 aıda ókpeni jasandy jeldetý apparattaryna qajettilik 132 danany quraıdy. «Kókshetaý-4P» mobıldik apparattary «Tynys» aktsıonerlik qoǵamy bazasynda óndiriledi. Búginde 380 birlik ókpeni jasandy jeldetý apparaty shyǵaryldy. Onyń ishinde 164 birlik jóneltýge daıyn, 216 birlik zaýyt synaqtarynan ótýde. Qalǵan 200 birlik osy jyldyń shilde aıynyń sońyna deıin tapsyrylady. Statsıonarlyq apparattardy qosymsha shyǵarý maqsatynda túrik jáne qytaı seriktesterimen óndiristi ıgerý júrgizilýde», - dedi mınıstr.

Onyń atap ótýinshe, «BARK Tehnolodjı» jaýapkershiligi shekteýli seriktestigi qazaqstandyq joǵary tehnologııalyq joba ázirleýde.

«Osy jyldyń shilde aıynyń sońyna deıin kompanııa óz ázirlemelerin aıaqtaıdy jáne aqysyz negizde QR Densaýlyq saqtaý mınıstrligine testileý úshin 20 apparat beredi. Qalǵan 112 birlik osy jyldyń tamyz-qyrkúıek aılarynda shyǵarylady. Aıta ketý kerek, «Qazmedqurylǵy» jaýapkershiligi shekteýli seriktestigi, «OralMedÓńir» jaýapkershiligi shekteýli seriktestigi ókpeni jasandy jeldetý apparattaryn shyǵarýǵa barlyq tehnıkalyq bazasy bar jáne olar qajetti ónim shyǵarýǵa daıyn», - dedi Beıbit Atamqulov.

Osy rette ol farmatsevtıkalyq saladaǵy memlekettik qoldaý sharalarynyń biri tegin medıtsınalyq kómektiń kepildik berilgen kólemi aıasynda uzaq merzimdi sharttar jasasý ekendigin basa aıtty.

«Sondaı-aq otandyq taýar óndirýshilerdi qoldaý maqsatynda jergilikti atqarýshy organdardy otandyq kásiporyndardyń ónimderine basa nazar aýdarýdy suraımyz. Bul bizdiń kásiporyndarǵa óndiristik qýattardy arttyrýǵa jáne jańa óndiristerdi iske qosýǵa serpin beredi», — dedi mınıstr.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT