Qazaqstan Mysyrmen áýe qatynasyn toqtatady
2021 jylǵy 30 qarasha 09:23

Qazaqstan Mysyrmen áýe qatynasyn toqtatady

NUR-SULTAN. QazAqparat – Qazaqstan 3 jeltoqsannan bastap Mysyrmen áýe qatynasyn toqtatady. Bul týraly Úkimet otyrysynda QR Densaýlyq saqtaý birinshi vıtse-mınıstri Marat Shoranov aıtty, dep habarlaıdy QazAqparat tilshisi.

«Belgııada Mysyrdan kelgen adamnan «Omıkron» shtammynyń koronavırýs ınfektsııasy jaǵdaıynyń anyqtalǵanyn jáne Mysyrdan keletin jolaýshylar sanyn eskere otyryp, Mysyrmen áýe qatynasyn toqtatyla turady», - dedi birinshi vıtse-mınıstr.

Sonymen qatar Marat Shoranov Qazaqstan Respýblıkasy aýmaǵynda aınalymda júrgen koronovırýs ınfektsııasy shtamdaryn sekvenerleý zertteý jumystary jalǵasatyndyǵyn atap ótti.

Buǵan deıin birinshi vıtse-mınıstr «Omıkron» shtamynyń jańa nusqasynyń paıda bolýyn baılanysty osy jylǵy 3 jeltoqsannan bastap elimizde birqatar shekteý is-sharasy engiziletindigin aıtqan edi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT