+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Qazaqstan Musylmandary dinı basqarmasy Covid-19 koronavırýsine qatysty málimdeme jasady

2020 jylǵy 29 aqpan 00:42
Bólisińiz:
Qazaqstan Musylmandary dinı basqarmasy Covid-19 koronavırýsine qatysty málimdeme jasady

NUR-SULTAN. QazAqparat – Qazaqstan Musylmandary dinı basqarmasy Covid-19 koronavırýsine qatysty málimdeme jasady, dep habarlaıdy QazAqparat.

Uqsas jańalyqtar
Atyraýdaǵy 22 naýqastyń indetti qaıdan juqtyrǵany belgili boldy Aqmola oblysynda koronavırýstan qaıtys bolǵan adamǵa qatysty derekter belgili boldy Koronavırýs Eýroodaqqa qıynǵa soǵady – sarapshylar

Málimdeme Qazaqstan Musylmandary dinı basqarmasynyń resmı saıtynda jarııalandy.

«Búginde búkil álem halqyna koronavırýs qaýpi úreı seýip, derttiń ózinen góri kúnnen-kúnge órshelene túsken daqpyrty men dabyly dúnıejúzin dúrliktirýde. Jańalyqtan da estıtinimiz, jan-jaqtaǵy jurttyń kóbi shekarasyn qymtap, qaýiptiń betin alǵan birqatar saqtyq sharalary júzege asyrylǵan. Allaǵa shúkir, atalmysh derttiń bizdiń elimizde belgisi de joq, shetten kelgen azamattarymyz din aman.

Alaıda, «Saqtansań – saqtaımyn» demekshi, tórtkúl álemge túgel qaýip tóndirgen dertke nemquraılyq tanytyp, nemketti qaraý – ózimiz úshin ǵana emes, janymyzdaǵy jandardyń ómirine de áserin tıgizeri bek múmkin. Osy oraıda, Qazaqstan musylmandary dinı basqarmasy elimizdiń árbir azamatyn qoǵamdyq oryndarda tazalyq erejelerin saqtap, óz densaýlyqtaryna asqan muqııattylyqpen mán berip, saqtanyp júrýge shaqyrady.

Alla Taǵala qasıetti Quranda adamzat balasyna: «Ózderińdi óz qoldaryńmen qaýip-qaterge salmańdar», – dep eskertý jasaǵan. Alla bergen amanat – óz ómirimiz ben densaýlyǵymyzǵa durys kútim jasamaı, qaýip-qaterge kózsiz urynar bolsaq, túbinde opyq jeıtinimiz sózsiz.

Bul týraly Alla elshisi (oǵan Allanyń salaýaty men sálemi bolsyn) óziniń bir ósıetinde: «Kimde-kim esinese qolymen aýzyn japsyn, óıtkeni zııandy nárseler aýzyna kiredi», – dep buıyrǵan.

Sondaı-aq, sharıǵatta juqpaly aýrýlardyń jaı kózge kórinbeıtin zııandy kúshi baryn, bilinbeı taraıtynyn jáne aýrýdyń etek alýyn toqtatýda karantın qajet ekeni atap aıtylǵan. Óıtkeni, Paıǵambarymyz (oǵan Allanyń salaýaty men sálemi bolsyn) adam balasynyń ózine de, ózgege de zııan keltýrýine qatań túrde tyıym salǵan.

Qurmetti, otandastar! Sizde jótel paıda bolyp, boıyńyzda dene qyzýynyń joǵarylaýy baıqalsa nemese tynys alý qıynǵa soqqan jaǵdaıda, der kezinde dárigerge júginýge, sondaı-aq qoǵamdyq oryndarǵa, tipti meshitke kelýdi toqtatyp, qulshylyqtaryńyzdy úılerińizde oryndaýǵa keńes beremiz!

Alla Taǵala elimizdi, halqymyzdy túrli páleden, aýrýdan, til-kózden saqtaǵaı! Ámın!»,-delingen málimdemede.

Aıta keteıik, osyǵan deıin Memleket basshysy Qasym-Jomart Toqaev Úkimetke koronavırýsqa qarsy jan-jaqty shara qabyldaýdy tapsyrǵan bolatyn.



Bizdiń kanalymyzǵa jazylyńyz:

Basty sózder: Medıtsına, Din, Koronavırýs,
Bólisińiz:

Avtor:

Qanat Mámetqazyuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT