+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Qazaqstan men Japonııa birlesip túsirgen «Barymtashylar» fılmi Frantsııada prokatqa shyǵady

2020 jylǵy 27 qazan 15:12
Bólisińiz:
Qazaqstan men Japonııa birlesip túsirgen «Barymtashylar» fılmi Frantsııada prokatqa shyǵady

NUR-SULTAN. QazAqparat - Qazaqstan men Japonııa birlesip túsirgen «Barymtashylar. Ýaqyt joly» fılmi Frantsııada 16 jeltoqsanda prokatqa shyǵady, dep habarlaıdy QazAqparat.

«Qazaqfılm» kınostýdııasynyń málimetinshe , kınokartına Býsan, Tokıo, Geteborg, Shanhaı jáne Helsınkı kınofestıvalderine qatysyp úlgerdi jáne jaqyn arada Cottobus nemis kınofestıvali men Torontodaǵy Azııa kınosynyń HKF konkýrsynda kórsetiletin bolady.

Kartınanyń rejısserleri - Erlan Nurmuhambetov (Qazaqstan) jáne Lıza Takeba (Japonııa).

Basty rólderde Kann kınofestıvaliniń júldegeri Samal Eslıamova, tanymal japon akteri Mıraı Morııama, qazaqstandyq teatr jáne kıno akteri Dýlyǵa Aqmolda jáne jas akter Mádı Menaıdarov oınady.

Esterińizge sala ketsek, «Barymtashylar. Ýaqyt joly» fılminiń óndirisine Qazaqstan tarapynan Sh.Aımanov atyndaǵy «Qazaqfılm» AQ, japon tarapynan – «Tokyo New Cinema» kompanııasy atsalysqan.

Týyndy jylqy baǵýmen aınalysatyn qarapaıym otbasy týraly baıandaıdy. Bir kúni jylqy úshin adam óltirýden taıynbaıtyn barymtashylar otaǵasyn óltiredi.

12 jasar Oljas barymtashylardyń qolynan mert bolǵan ákesiniń ólimine qaıǵyryp, zulymdyqpen kúresip, otbasyna túsken aýyrtpalyqty qaryndastarymen birge kóteredi. Qorǵansyz qalǵan Oljastyń otbasyna ǵaıyptan paıda bolǵan bógde bireý qolushyn sozady.

«Fılmniń stsenarııi Qazaqstanda bolǵan shynaıy oqıǵaǵa negizdelgen. Jaqynyńnan aıyrylýdyń qandaı qıyn ekenin osy oqıǵa arqyly kınematografııalyq tilmen jetkizgim keldi», - deıdi rejısser Erlan Nurmuhambetov.


Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT