+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Qazaqstan men Japonııa alys kórshi bolsa da, jaqyn dos - Elbasy

2019 jylǵy 23 qazan 12:08
Bólisińiz:
Qazaqstan men Japonııa alys kórshi bolsa da, jaqyn dos - Elbasy

TOKIO. QazAqparat - Qazaqstan men Japonııa alys kórshi bolsa da, jaqyn dos. Bul týraly QR Tuńǵysh Prezıdenti - Elbasy Nursultan Nazarbaev Tsýkýba ýnıversıtetiniń qurmetti doktory ataǵyn berý sharasynda aıtty, dep habarlaıdy QazAqparat tilshisi.

Uqsas jańalyqtar
Qazaqstanda taǵy bir úlken qala boı kóteredi: Nursultan Nazarbaev jańarǵan Túrkistandy aralady Elbasy otandyq jáne sheteldik BAQ ókilderi úshin brıfıng ótkizdi Nursultan Nazarbaev Túrkistanda ákimshilik-iskerlik ortalyqtyń qurylysymen tanysty

«Qazaqstanda ǵylymdy qajetsinetin ekonomıka qurý úshin eki ıntellektýaldy-ınnovatsııalyq klaster - Nazarbaev Ýnıversıtetiniń «Astana bıznes kampýs» haıtek-parki men Almaty qalasyndaǵy «Alataý» tehnoparki jumys istep tur. Naqty ǵylymı-óndiristik jobalardy júzege asyrý úshin jumysqa joǵary tehnologııalyq kompanııalar men ýnıversıtetter tartylýda. Elimizde bilim kýltiniń qoǵamnyń ajyramas bóligine aınalǵanyna qýanyshtymyz», - dedi QR Tuńǵysh Prezıdenti.

Elbasy táýelsizdik jyldaryndaǵy Qazaqstannyń jetistikterine toqtalyp, elordamyz Nur-Sultan qalasyn salýda japondyq sáýletshilerdiń kóp kómegi tıgenin atap ótti.

«Tsýkýba Qazaqstannyń joǵary oqý oryndarymen ǵylymı, akademııalyq jáne bilim salalarynda yntymaqtastyqty jolǵa qoıǵan, bilemin. Qazaqstandyq tehnologııalyq parktermen kooperatsııaǵa qosylýǵa shaqyramyn», - dedi Nursultan Nazarbaev.

Tuńǵysh Prezıdent sharaǵa qatysýshylardy ımperator Narýhıtonyń taqqa otyrýymen jáne Japonııada «Reıva» dáýiriniń ornaýymen quttyqtady. Osy ýaqyt qazaqstandyq-japondyq qarym-qatynasty odan ári damytý úshin berekeli bolatynyna senim bildirdi.

«Biz alys kórshi bolsaq ta, óte jaqyn dospyz. Osy jerde bizdiń mýzykamyzdyń, án salýymyz barynsha úndes keletini aıtyldy. Qazaq pen japondy aıyrý óte qıyn. Bizdiń bir-birimizge uqsastyǵymyz tań qaldyrady. Bul da arheologııalyq turǵyda zertteýdi qajet etedi», - dedi Nursultan Nazarbaev.

Buǵan deıin habarlaǵanymyzdaı, Tsýkýba ýnıversıtetiniń prezıdenti Kesýke Nagata Elbasy Nursultan Nazarbaevqa atalǵan ýnıversıtettiń qurmetti doktory kýáligin tabystaǵan bolatyn.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT