+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Qazaqstan men Ýkraına bilim berý salasynda yntymaqtastyqty nyǵaıtýda

2021 jylǵy 26 mamyr 13:03
Bólisińiz:
Qazaqstan men Ýkraına bilim berý salasynda yntymaqtastyqty nyǵaıtýda

NUR-SULTAN. QazAqparat - L.N. Gýmılev atyndaǵy Eýrazııa ulttyq ýnıversıtetiniń rektory, Qazaqstannyń joǵary oqý ornyna deıingi jáne joǵary oqý ornynan keıingi bilim berý uıymdary rektorlary keńesiniń tóraǵasy Erlan Sydyqov bastaǵan qazaqstandyq delegatsııa ýkraınalyq seriktestermen birqatar jemisti kezdesýler ótkizdi, dep habarlaıdy QazAqparat.

Uqsas jańalyqtar
Bıyl turmysy tómen otbasynan shyqqan 1 myńnan astam bala saýyqtyrý kýrstarynan ótti - BǴM Ashat Aımaǵambetov mektepterdegi epıdjaǵdaı týraly aıtty Qazaqstanda dene shynyqtyrý páni muǵalimderine ústemaqy tólenedi

Kezdesýler Qazaqstannyń Ýkraınadaǵy Elshiliginiń qoldaýymen ótti. Ýkraına rektorlar Odaǵynyń prezıdenti Leonıd Gýberskıımen kezdesý barysynda bilim berý jáne ǵylym salalaryndaǵy keń aýqymdy máseleler talqylandy. Taraptar eki eldiń joǵary bilim berýdi damytýdyń qazirgi zamanǵy úrdisteri týraly aqparat jáne bilim berý sapasyn arttyrýdaǵy tájirıbemen almasty.

E.Sydyqov joǵary oqý oryndaryn ońtaılandyrý máselesindegi qazaqstandyq tásilder jáne Qazaqstannyń joǵary oqý oryndary men joǵary oqý ornynan keıingi bilim berý uıymdarynyń rektorlar keńesiniń róli týraly aıtyp berdi. Sonymen qatar qazaqstandyq ókil ýkraın tarapymen yntymaqtastyqty arttyrý úshin birqatar naqty usynystar engizdi.

Osy turǵydan alǵanda, L.Gýberskıı eki eldiń joǵary oqý oryndary arasyndaǵy jaqsy, berik tarıhı baılanysty atap ótti, 90-nan astam ýkraınalyq joǵary oqý oryndary Qazaqstannyń 60-qa jýyq joǵary oqý oryndarymen yntymaqtastyq týraly kelisim jasasqan.

Kezdesý qorytyndysy boıynsha Qazaqstannyń joǵary oqý oryndary men joǵary oqý ornynan keıingi bilim berý uıymdary rektorlarynyń keńesi men Ýkraınanyń Joǵary oqý oryndary rektorlarynyń Odaǵy arasynda yntymaqtastyq týraly kelisimge qol qoıyldy. Rektorlar birlestikteriniń birlesken otyrysyn uıymdastyrý múmkindigi týraly ýaǵdalastyqqa qol jetkizildi.

T. Shevchenko atyndaǵy Kıev ulttyq ýnıversıtetiniń rektory Vladımır Býgrovpen

kezdesýde taraptar joǵary oqý oryndary arasyndaǵy yntymaqtastyqty arttyrýdyń praktıkalyq qadamdaryn talqylady.

Atap aıtqanda, qos dıplomdy bilim berýdi uıymdastyrý, stýdentter men professorlyq-oqytýshylyq quram almasý, akademııalyq utqyrlyq pen JOO arasynda taǵylymdamany damytý, irgeli ǵylymı zertteýler salasyndaǵy yntymaqtastyq, onyń ishinde birlesken zerthanalar men merzimdi basylymdar qurý múmkindigi, ǵylymı zertteýler boıynsha saraptamalyq qorytyndylar daıyndaýǵa járdemdesý máselelerin pysyqtaý usynyldy.

QNÝ basshylyǵymen kezdesý qorytyndysy boıynsha yntymaqtastyq týraly kelisimdi jańartý, ony jańa baǵyttarmen tolyqtyrý týraly ýaǵdalastyqqa qol jetkizildi, sondaı-aq qazaq tilin Kıev ulttyq ýnıversıtetiniń «Túrkologııa» kafedrasynyń bilim berý baǵdarlamasyna engizý múmkindigi qarastyryldy.

Kezdesý aıasynda E.Sydyqovtyń «Shákárim» kitabynyń ýkraın tilindegi tusaýkeseri ótti. Aýdarmany Ýkraına áleýmettaný ǵylymdarynyń kandıdaty, EUÝ qurmetti professory P. V. Tokar jasady. Kitaptar KMÝý kitaphanasyna syıǵa berildi.


Bizdiń kanalymyzǵa jazylyńyz:

#Bilim   #JOO-lar   #Ýkraına  
Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT