Qazaqstan men Túrkııa Prezıdentteri keńeıtilgen strategııalyq seriktestik jóninde málimdeme jasady
2022 jylǵy 10 mamyr 23:18

Qazaqstan men Túrkııa Prezıdentteri keńeıtilgen strategııalyq seriktestik jóninde málimdeme jasady

ANKARA. QazAqparat - Qazaqstan Respýblıkasynyń Prezıdenti Qasym-Jomart Toqaev pen Túrkııa Respýblıkasynyń Prezıdenti Redjep Taııp Erdoǵan Keńeıtilgen strategııalyq seriktestik týraly birlesken málimdeme jasady. QazAqparat qujattyń mátinin jarııalaıdy.

Qazaqstan Respýblıkasynyń Prezıdenti Qasym-Jomart Toqaev pen Túrkııa Respýblıkasynyń Prezıdenti Redjep Taııp Erdoǵannyń Keńeıtilgen strategııalyq seriktestik týraly Birlesken málimdemesi


Túrkııa Respýblıkasy Prezıdenti Redjep Taııp Erdoǵannyń shaqyrýymen Qazaqstan Respýblıkasy Prezıdenti Qasym-Jomart Toqaevtyń 2022 jylǵy 10-11 mamyr kúnderi Túrkııaǵa memlekettik sapary júzege asyryldy.

Prezıdentter (budan ári – Taraptar) bul sapardyń Qazaqstan Respýblıkasy men Túrkııa Respýblıkasy arasyndaǵy strategııalyq áriptestikti odan ári nyǵaıtýǵa eleýli úles qosqanyn qanaǵattanýshylyqpen atap ótti.

Taraptar osy málimdemeni qabyldaý arqyly eki el arasyndaǵy qarym-qatynastardy «keńeıtilgen strategııalyq seriktestik» deńgeıine kóterý týraly sheshim qabyldady.

Taraptar sapardyń eki el arasynda saıası, áskerı, qorǵanys, qaýipsizdik, ekonomıka, saýda, ınvestıtsııa, ónerkásip, taý-ken ónerkásibi, týrızm, energetıka, ekologııa, kólik jáne tranzıttik tasymal, avıatsııa, otbasy jáne áleýmettik qyzmetter, eńbek jáne jumyspen qamtý, aýyl sharýashylyǵy jáne orman sharýashylyǵy, apattar men tótenshe jaǵdaılar, mádenıet, bilim, ǵylym jáne tehnologııalar, ınnovatsııalar, baspasóz jáne kommýnıkatsııalar, densaýlyq saqtaý, jastar jáne sport, arhıv salalaryndaǵy ortaq múddelerge negizdelgen yntymaqtastyqty nyǵaıtý turǵysynan mańyzdy beles bolǵanyn atap ótti.

Osy rette Taraptar 2022 jylǵy 3-4 naýryzda Nur-Sultan qalasynda ótken Qazaqstan -Túrkııa Úkimetaralyq ekonomıkalyq komıssııasy (ÚEK) 12-shi otyrysynyń jáne 2022 jylǵy 24 aqpanda Nur-Sultan qalasynda ótken Birlesken strategııalyq josparlaý toby 7-shi otyrysynyń nátıjelerin joǵary baǵalap, ÚEK otyrysynda 68 baptan turatyn is-qımyl josparynyń qabyldanǵanyna rızashylyǵyn bildirdi.

Taraptar atalǵan tetikterdiń óńirlik jáne halyqaralyq oqıǵalarǵa qosa, eki el arasyndaǵy qarym-qatynastar turǵysynan yntymaqtastyqtyń jańa baǵyttary men jobalaryn damytý úshin paıdaly negiz bolyp tabylatynyn jáne barlyq salalardaǵy qarym-qatynastar men yntymaqtastyqqa joǵary deńgeıde serpin men baǵyt-baǵdar beretinin atap ótip, olardy júıeli túrde uıymdastyrýdyń mańyzdylyǵyn atap ótti.

Ózara dostyq pen túsinistik jaǵdaıynda ótken kezdesýler barysynda Taraptar Qazaqstan – Túrkııa baılanystarynyń qazirgi jaǵdaıyn jáne qarym-qatynastardy barlyq salalarda odan ári damytý jáne tereńdetý múmkindikterin jan-jaqty qarastyryp, óńirlik jáne halyqaralyq ózekti máseleler boıynsha pikir almasty.

Taraptar Túrkııa 2019 jyly jarııalaǵan «Jańadan Azııa» bastamasynyń eki el arasyndaǵy keńeıtilgen strategııalyq seriktestik qarym-qatynastaryna ózara tıimdilik negizinde odan saıyn serpin berýin kútetinderin bildirdi.

Túrik tarapy baýyrlas Qazaqstannyń táýelsizdigi, egemendigi, aýmaqtyq tutastyǵy, saıası turaqtylyǵy men ál-aýqatyna degen óziniń berik qoldaýy men ózara járdemdesýin taǵy da atap ótti.

Qazaqstan tarapy bul turǵyda Túrkııanyń jáne Túrkııa isbasyndaǵy tóraǵalyǵyn júzege asyryp otyrǵan Túrki memleketteri uıymynyń kórsetken qoldaýyna rızashylyǵyn bildirdi.

Túrik tarapy Prezıdent Qasym-Jomart Toqaevtyń basshylyǵymen elde júrgizilip jatqan aýqymdy reformalarǵa degen berik qoldaýyn rastady.

Osy rette Taraptar 2022 jylǵy 2 naýryzda Qazaqstan men Túrkııa arasyndaǵy dıplomatııalyq qarym-qatynastardyń 30 jyldyǵy atalyp ótkenin eske sala otyryp, eki baýyrlas eldiń ortaq tarıh, til jáne mádenıetke negizdelgen qarym-qatynastary men yntymaqtastyǵyn tıimdi túrde damyta berýge ári óńirdegi beıbitshilik pen turaqtylyqqa úles qosatyndaı yntymaqtastyqty tereńdetýge degen nıetterin qýattady. Qazaqstan-Túrkııa arasyndaǵy saıası dıalogty túrli deńgeıdegi ózara saparlar men kezdesýler arqyly jalǵastyrýdyń mańyzdylyǵyn atap ótti.

Taraptar 1994 jylǵy 17 qazandaǵy Qazaqstan Respýblıkasy men Túrkııa Respýblıkasy arasyndaǵy Dostyq jáne yntymaqtastyq týraly kelisimniń, 2009 jylǵy 22 qazandaǵy Qazaqstan Respýblıkasy men Túrkııa Respýblıkasy arasyndaǵy Strategııalyq áriptestik týraly kelisimniń, Qazaqstan men Túrkııa arasyndaǵy Joǵary deńgeıdegi strategııalyq yntymaqtastyq keńesi otyrystarynyń qorytyndylary boıynsha qabyldanǵan birlesken málimdemeler jáne basqa da ekijaqty sharttar men kelisimderdegi erejelerdi basshylyqqa ala otyryp, tómendegilerdi málimdeıdi:

  1. Eki el arasyndaǵy tamyry ortaq tarıhqa, til men mádenıetke negizdelgen dostyq pen baýyrlastyq baılanystaryna, tyǵyz saıası dıalog pen kóp qyrly yntymaqtastyqqa qatysty qanaǵattanýshylyqtaryn bildirdi.
  2. Syrtqy saıasat, qorǵanys jáne qaýipsizdik, ekonomıka, saýda, ınvestıtsııa, ónerkásip, taý-ken ónerkásibi, ǵylym jáne tehnologııa, kólik, aqparattyq-kommýnıkatsııalyq tehnologııalar jáne kıberqaýipsizdik, energetıka, qorshaǵan orta jáne ýrbanızatsııa, densaýlyq saqtaý, otbasy jáne áleýmettik qyzmetter, azyq-túlik, aýyl sharýashylyǵy, apattar men tótenshe jaǵdaılar, bilim berý, buqaralyq aqparat quraldary men kommýnıkatsııalar, mádenıet, týrızm, sport, arhıv salalaryndaǵy yntymaqtastyq pen úılestirýdi tereńdetý jáne osy baǵyttaǵy ekijaqty yntymaqtastyq tetikterin ulǵaıtý arqyly olardy barynsha paıdalanýǵa kelisti.​
  3. Eki el arasyndaǵy kelisimsharttyq negizdi nyǵaıtý maqsatynda sapar barysynda qol qoıylǵan kelisimderge qatysty qanaǵattanýshylyqtaryn bildirdi.
  4. Ekonomıka jáne saýda qatynastaryn damytý maqsatynda qurylǵan yntymaqtastyq tetikteriniń júıeli jumysyn jalǵastyrýdyń jáne 2022 jylǵy 3-4 naýryzda Nur-Sultan qalasynda ótken Qazaqstan-Túrkııa ÚEK 12-shi otyrysynda qabyldanǵan sheshimderdi muqııat oryndaýdyń mańyzdylyǵyn atap ótti. Osy maqsatta ÚEK is-qımyl josparynyń oryndalýyn júıeli túrde qarastyrý maqsatynda eki el quzyretti mınıstrlikteri men mekemeleriniń qatysýymen turaqty kezdesýler ótkizýge kelisti.
  5. Ekijaqty saýda kóleminiń turaqty túrde artýyn qanaǵattanýshylyqpen atap ótip, aldaǵy jyldarda saýda kólemin 10 mlrd dollarǵa jetkizý úshin qajetti sharalardy qabyldaýdyń mańyzyn atap kórsetti.
  6. Eki el arasyndaǵy saýdany yntalandyrý jáne ózara tikeleı ınvestıtsııalardy qoldaý maqsatynda Qazaqstan Respýblıkasynyń Syrtqy ister, Saýda jáne ıntegratsııa mınıstrlikteri, Túrkııa Respýblıkasynyń Saýda, Indýstrııa jáne tehnologııa mınıstrlikteri men Prezıdenttik ınvestıtsııa keńsesiniń úılestirýimen qajetti sharalardy qabyldaýǵa kelisti.
  7. Ekijaqty ekonomıkalyq jáne saýda yntymaqtastyǵyn tereńdetý ári ártaraptandyrý úshin sharttyq negizdi odan ári nyǵaıtýdyń mańyzdylyǵyn atap ótti.
  8. Jeke sektor baılanystarynyń mańyzdylyǵyna nazar aýdaryp, Qazaqstan-Túrkııa ÚEK 12-shi otyrysy sheńberinde Nur-Sultan qalasynda qazaq-túrik iskerlik forýmynyń ótkizilgenin qanaǵattanýshylyqpen atap ótip, bul formattaǵy jıyndardy jyl saıyn turaqty uıymdastyrýǵa kelisti.
  9. Qazaqstandyq halyqaralyq damý agenttigi (KazAID) jáne Túrik yntymaqtastyq jáne úılestirý agenttigi (TIKA) arasynda qol qoıylǵan yntymaqtastyq jónindegi ózara túsinistik týraly memorandýmy sheńberinde eki qurylym arasyndaǵy qarym-qatynastardy damytýdyń mańyzdylyǵyn atap ótti.
  10. Óńirlik energetıka qaýipsizdigin damytý maqsatynda Qazaqstanda, Túrkııada jáne úshinshi elderdegi jeke sektor salasyndaǵy múmkindikterdi zertteýge kelisip, balamaly energııa kózderi, gıbrıdti tehnologııalar, energııa jınaqtaý salasynda birlesken is-sharalar men konsýltatsııalar ótkizýge nıetin bildirdi.
  11. Energetıka jáne taý-ken ónerkásibi salalaryndaǵy qarym-qatynastardy damytýdyń mańyzdylyǵyn atap ótip, ózara tıimdilik negizinde osy salalardaǵy ekijaqty jáne óńirlik yntymaqtastyqty ilgeriletýge kelisti.
  12. Transshekaralyq ortalyqtardy damytý salasyndaǵy ózara túsinistik týraly ekijaqty memorandým sheńberinde is-sharalardy júzege asyrý boıynsha Jol kartasyn daıyndaýdy jáne bekitýdi qoldady.
  13. Túrki áleminiń rýhanı astanasy – Túrkistanda «TURANSEZ» Arnaıy ekonomıkalyq aımaǵyn damytýǵa múddelikterin rastady.
  14. Eki eldegi ǵylymı-zertteý bastamalaryn qoldaý, memlekettik qyzmet salasynda birlesken jobalardy júzege asyrý, memlekettik qyzmetkerlerdiń biliktiligin arttyrý, eki eldiń ǵylymı qyzmetkerleri úshin qysqa jáne uzaq merzimdi taǵylymdamalar uıymdastyrý jáne sarapshylardyń ózara qatysýymen ǵylym men tehnologııada yntymaqtastyqty damytý maqsatynda kezdesýler, semınarlar jáne dóńgelek ústelder uıymdastyrýdy ortaq maqsat retinde qabyldady.
  15. Áleýmettik-eńbek jáne otbasy saıasaty salalaryndaǵy aqparat jáne tájirıbe almasýdaǵy yntymaqtastyqtyń mańyzdylyǵyn atap ótti.
  16. Óńirlik kólik, kommýnıkatsııa jáne ınfraqurylymdy damytýda yntymaqtastyq júrgizýdi, temir joldardy, avtomobıl joldaryn, logıstıkalyq ortalyqtardy, áýejaılardy jobalaý, salý jáne paıdalaný boıynsha tájirıbe almasýdy jáne osy jobalarda halyqaralyq qarjy ınstıtýttarynan qarjylyq kómek alýda yntymaqtastyq júrgizýdi oryndy dep tapty.
  17. 2022 jylǵy 9 mamyrda Ankara qalasynda ótken Qazaqstan-Túrkııa arasyndaǵy birlesken kólik komıssııasynyń otyrysynda qabyldanǵan sheshimderge sáıkes, Qazaqstan jáne Túrkııa arasynda ekijaqty jáne tranzıt tasymaldaýyn damytý maqsatynda yntymaqtasty júzege asyrýǵa kelisti.
  18. Baký-Tbılısı-Kars temirjoly men Shyǵys-Batys Orta dáliz arqyly júk tasymalynyń ulǵaıýyn quptaı otyryp, kólik jáne logıstıka salasyndaǵy yntymaqtastyqty odan ári damytýdy ýaǵdalasqandaryn málimdedi. Orta dáliz arqyly Transkaspıı baǵytyndaǵy vagondar men konteınerlerdiń tasymaldaý boıynsha bekitilgen mólsherlemelerdi eskere otyryp, olardyń Baký-Tbılısı-Kars jańa jelisi arqyly tasymaldaýdyń mańyzyna nazar aýdardy. Sonymen qatar Orta dálizdi tıimdi jáne turaqty paıdalaný úshin tıisti mekemeler arasyndaǵy úılestirýdi kúsheıtýdiń mańyzdylyǵyn atap ótti.
  19. Ekonomıka jáne saýda qatynastaryn odan ári damytýda qurylys sektory men merdigerlik qyzmetterdiń mańyzdylyǵyn kórsete otyryp, osy saladaǵy yntymaqtastyqty damytý úshin qajetti qadamdardy jasaýǵa sheshim qabyldady.
  20. Mádenıet jáne týrızm salasyndaǵy ekijaqty qarym-qatynastardy damytý maqsatynda tıimdi yntymaqtastyq tetikterin paıdalana otyryp, COVID-19-ǵa qarsy vaktsınatsııa sertıfıkattaryn qosa alǵanda, qaýipsiz saıahatty jeńildetý boıynsha sharalar qabyldaýdyń jáne tájirıbe almasýdy jandandyrýdyń mańyzdylyǵyn atap ótti;
  21. Eki el arasyndaǵy turaqty jolaýshy reıster sanyn arttyrýdyń mańyzdylyǵyn atap ótip, azamattyq avıatsııa mekemeleri arasynda kelissózder júrgizý týraly sheshimdi quptady.
  22. Aqparattyq kommýnıkatsııalyq tehnologııalar salasyndaǵy yntymaqtastyqty nyǵaıtýdyń mańyzdylyǵyn atap ótip, tsıfrlandyrý, onyń ishinde startaptardy qoldaý salasynda tájirıbe almasýǵa jáne tehnologııalyq parkterdiń yntymaqtastyǵyn nyǵaıtýǵa kelisti.
  23. Qorshaǵan orta jáne ýrbanızm salasyndaǵy yntymaqtastyqty nyǵaıtýdyń mańyzdylyǵyn atap ótip, osy saladaǵy yntymaqtastyqty, onyń ishinde tehnıkalyq bilim men tájirıbe almasýdy ilgeriletýge kelisti.
  24. Azyq-túlik, aýyl sharýashylyǵy salalaryndaǵy tehnıkalyq yntymaqtastyqty damytý jáne qoldanystaǵy tetikterdi tıimdirek paıdalaný qajettigin málimdep, 2023 jyly Túrkııada qazaqstandyq bıznes ókilderiniń qatysýymen aýyl sharýashylyǵy salasynda qazaq-túrik iskerlik forýmyn jáne qazaq-túrik aýyl sharýashylyǵy jumys tobynyń otyrystaryn ótkizý týraly sheshim qabyldady.
  25. Aýqymdy orman órtterimen kúresýde járdemdesýmen qosa orman sharýashylyǵy máseleleri boıynsha yntymaqtastyq baǵyttaryn damytýdyń mańyzdylyǵyn atap ótip, 2021 jylǵy Túrkııadaǵy alapat orman órti kezinde qazaq halqynyń kórsetken kómegine rızashylyǵyn bildirdi.
  26. Ósimdikterdi qorǵaý jáne ósimdikter karantıni salalaryndaǵy yntymaqtastyqty nyǵaıtýǵa ýaǵdalasty.
  27. Adam ómiri men densaýlyǵyn qajetti deńgeıde qorǵaýdy qamtamasyz etý jáne adam densaýlyǵyna zııandy ónimder men azyq-túlik ónimderi jáne janýarlardan juqpaly aýrýlarǵa jol bermeý maqsatynda yntymaqtastyqtyń mańyzdylyǵyn atap ótti.
  28. Joǵary oqý oryndary arasynda tikeleı baılanystar ornatý, ózara tájirıbe almasý, oqytýshylardyń biliktiligin arttyrý, ǵylymı semınarlar, konferentsııalar men sheberlik kýrstaryn uıymdastyrý, sondaı-aq birlesken bilim berý salasyndaǵy yntymaqtastyq baǵdarlamalaryn qoldaýdy qýattady.
  29. Mádenı-gýmanıtarlyq baılanystardy nyǵaıtý, mádenıet pen óner salasynda ózara is-sharalardy júzege asyrý, eki el kınonaryqtarynda Qazaqstan men Túrkııada shyǵarylǵan jáne birlese túsirilgen fılmderdiń kórsetilimderin uıymdastyrý mańyzdylyǵyn atap ótti.
  30. Aqparat almasýdy, strategııalyq kommýnıkatsııany, qoǵamdyq dıplomatııany, mádenı baılanystardy nyǵaıtý, ekijaqty ınvestıtsııany ulǵaıtý, elderdiń brend qundylyǵyn arttyrý jáne ınstıtýtsıonaldyq qarym-qatynasty jetildirý maqsatynda tıisti baǵdarlamalar negizinde BAQ qyzmetkerleriniń kásibı daǵdylaryn damytý týraly kelisti.
  31. Memleket pen qoǵamnyń ashyqtyǵy men transparenttiligi, tıimdi memlekettik basqarý boıynsha tájirıbe men aqparat almasý, BAQ ókilderi men memlekettik mekemelerdiń baspasóz ókilderi úshin birlesken oqý baǵdarlamalaryn ótkizý, aqparattyq qaýipsizdikti qamtamasyz etý jáne gıbrıdti qaýip-qaterlerge jatatyn dezınformatsııaǵa qarsy kúres boıynsha pikir jáne aqparat almasý týraly kelisti.
  32. Aqparat salasyndaǵy memlekettik saıasatty damytýda jáne buqaralyq aqparat quraldaryn, áleýmettik jelilerdi jáne BAQ qyzmetin nyǵaıtýǵa qoldaý kórsetý boıynsha Qazaqstan men Túrkııanyń quzyrly organdary arasyndaǵy yntymaqtastyqty arttyrýǵa, ózara baǵdarlamalardy júzege asyrýǵa kelisti.
  33. Eki el arasyndaǵy gýmanıtarlyq jáne mádenı qarym-qatynastardy tereńdetý maqsatynda ulttyq arhıv mekemeleri arasyndaǵy qalyptasqan yntymaqtastyqty quptap, ony odan ári nyǵaıtýdyń mańyzdylyǵyn atap ótti. Mádenı ortalyqtar týraly kelisimge qatysty protsesti múmkindiginshe tezirek aıaqtaý týraly sheshim qabyldady.
  34. Eki eldiń jastar saıasaty salasyndaǵy yntymaqtastyǵyna qanaǵattanatyndyqtaryn atap ótip, osy saladaǵy dostyq áriptestik qarym-qatynastardy kelisimsharttar negizinde odan ári damytýdy quptady.
  35. Densaýlyq saqtaý salasyndaǵy ekijaqty yntymaqtastyq kelisimin jańartý, medıtsınalyq bilim men tájirıbe almasýdy kúsheıtý jáne epıdemııalyq aýrýlarmen kúresti qosa alǵanda, jer silkinisi, sý tasqyny, órt jáne t.b. tabıǵı apattarǵa qarsy birlesip áreket etý boıynsha sheshimderin atap ótti.
  36. Eki eldiń qarýly kúshteri men quqyq qorǵaý organdary arasynda ózara saparlar jasaý, tájirıbe almasý, oqytý, úılestirý jáne birlesken oqý-jattyǵýlar sııaqty is-qımyldardy kóbeıtý týraly sheshim qabyldady.
  37. Terrorızm men ekstremızmniń barlyq túrlerine qarsy tabandy kúresýge, eki eldiń ulttyq qaýipsizdigine qater tóndiretin barlyq qurylymdarǵa qarsy kúresti kúsheıtýge, qorǵanys pen qaýipsizdik salasyndaǵy dıalog tetikteri arqyly yntymaqtastyqty tereńdetýge kelisti.
  38. Qorǵanys ónerkásibi salasyndaǵy yntymaqtastyqty tereńdetý jáne osy maqsatta birlesken óndiristi qosa alǵanda, ártúrli yntymaqtastyq múmkindikterin qarastyrý jáne júzege asyrýǵa kelisti.
  39. Ekonomıkalyq, saýda jáne mádenı qarym-qatynastardy odan ári damytý jáne gýmanıtarlyq baılanystardy jeńildetý maqsatynda konsýldyq máseleler boıynsha yntymaqtastyqty jalǵastyrý qajettiligine nazar aýdardy.
  40. Ózderiniń irgeli múddelerin, egemendigi men aýmaqtyq tutastyǵyn qorǵaýǵa, syrtqy kúshterdiń ishki saıasatqa aralasýyna jol bermeýge ózara qoldaý kórsetetindikterin qýattady.
  41. Jahandyq jáne óńirlik turaqtylyq, beıbitshilik pen órkendeý maqsatyna sáıkes birlesip áreket etý, Túrki memleketteri uıymy jáne basqa halyqaralyq uıymdarda jáne kópjaqty platformalarda úılestirýdi qamtamasyz etý, Túrki memleketteri uıymynyń «Túrki áleminiń keleshegi – 2040» qujatyn júzege asyrý úshin úılesimdi jumys isteý, barlyq múmkin bolǵan jaǵdaılarda taraptardyń halyqaralyq uıymdarda usynylǵan sheshimderi men bastamalaryn jáne kandıdatýralaryn ózara qoldaýǵa kelisti.
  42. Islam yntymaqtastyq uıymynyń kún tártibindegi máseleler jáne IYU-ǵa qarasty mekemeler, sonyń ishinde Qazaqstanda ornalasqan Azyq-túlik qaýipsizdigi jónindegi Islam uıymy (IOFS), Túrkııada ornalasqan Islam elderiniń statıstıka, ekonomıkalyq jáne áleýmettik zertteýler men bilim berý ortalyǵy (SESRIC), Islam tarıh, óner men mádenıetin zertteý ortalyǵy (IRCICA), Islam yntymaqtastyǵy jastar forýmy (ICYF), Islam elderiniń standarttar jáne metrologııa ınstıtýty (SMIIC) jáne IYU Ekonomıkalyq jáne saýda yntymaqtastyq jónindegi turaqty komıteti (COMCEC) aıasynda yntymaqtastyqty damytýǵa jáne turaqty konsýltatsııalar ótkizýge kelisti.
  43. Azııadaǵy ózara is-qımyl jáne senim sharalary keńesin tolyqqandy uıymǵa aınaldyrý jónindegi Qazaqstan tóraǵalyǵynyń bastamasyn birtindep júrgizýge, sondaı-aq onyń áleýetin birlesip damytýǵa nıetti ekenderin bildirdi.
  44. Ózara mańyzdy jahandyq máseleler boıynsha pikir almasyp, ustanymdarynyń bir-birine sáıkes keletinin qanaǵattanýshylyqpen atap ótti.
  45. Ortalyq Azııadaǵy ózara túsinistik pen tatý kórshilik qarym-qatynastardy qoldap, óńirdegi qaýipsizdik pen turaqty damýǵa úles qosý jáne ózara tıimdi yntymaqtastyqty nyǵaıtýdyń eki taraptyń múddesine saı keletinin atap ótti.
  46. Aýǵanstanda beıbitshilikti, turaqtylyqty jáne órkendeýdi qamtamasyz etý úshin aýǵan halqynyń saıası jáne etnıkalyq turǵydan barlyq alýan túrliligin qamtıtyn ınklıýzıvti basqarý túsinigin ornyqtyrýdyń mańyzdylyǵyn atap ótip, bul eldegi turaqtylyqty ornatýda halyqaralyq kúsh-jigerge úles qosý maqsatynda aýǵan halqyna jan-jaqty kómek kórsetýdi jalǵastyrýǵa ortaq beıildiligin qýattady.
  47. Eki memleket arasynda sońǵy jyldary qol qoıylǵan úkimetaralyq kelisimderdiń kúshine enýi úshin qajetti ishki kelisý rásimderin aǵymdaǵy jyly ishinde aıaqtaý, halyqaralyq kelisimderdiń kúshine enýi jáne iske asyrylýy turǵysyndaǵy ýaǵdalastyqtaryn rastady.

Qazaqstan Respýblıkasynyń Prezıdenti Qasym-Jomart Toqaev Túrkııa Respýblıkasynyń Prezıdenti Redjep Taııp Erdoǵanǵa jáne barsha túrik halqyna qazaqstandyq delegatsııaǵa kórsetilgen qonaqjaılylyǵy men ystyq yqylasy úshin alǵysyn bildirdi jáne Túrkııa Respýblıkasynyń Prezıdentin 2022 jylǵy 12-13 qazanda Nur-Sultan qalasynda ótkizý josparlanǵan AÓSShK Sammıtine shaqyrdy.

AÓSShK Sammıti aıasynda Joǵary deńgeıli strategııalyq yntymaqtastyq keńesiniń 4-shi otyrysyn Nur-Sultan qalasynda ótkizýge kelisti.

Taraptar osy Birlesken málimdemege 2022 jylǵy 10 mamyrda Ankara qalasynda qazaq jáne túrik tilderinde qol qoıdy.


Qasym-Jomart Toqaev

Qazaqstan Respýblıkasynyń Prezıdenti


Redjep Taııp Erdoǵan

Túrkııa Respýblıkasynyń Prezıdenti


Jańalyqtar

Úrdis

MURAǴAT