+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Qazaqstan men Túrkııa kásipodaqtary yntymaqtastyq jóninde memorandým jasasty

2019 jylǵy 6 jeltoqsan 13:00
Bólisińiz:
Qazaqstan men Túrkııa kásipodaqtary yntymaqtastyq jóninde memorandým jasasty

ANKARA. QazAqparat - QR Kásiptik odaqtar federatsııasynyń tóraǵasy Eraly Toǵjanov jáne «Týrk-Ish» Túrik Respýblıkasy kásipodaqtary konfederatsııasynyń prezıdenti Ergıýn Etalaı Ankarada ótip jatqan «Týrk-Ish» Túrik Respýblıkasy kásipodaqtary Konfederatsııasynyń XXIII kongresi aıasynda yntymaqtastyq jónindegi memorandýmǵa qol qoıdy. Bul jóninde QR Kásipodaqtar federatsııasyna silteme jasap QazAqparat habarlaıdy.

Uqsas jańalyqtar
Eraly Toǵjanov: Adamdar jumysqa turatyn kezde eńbek shartyn oqymaıdy Respýblıka boıynsha medıtsına mamandarynyń arasynda eń tómengi jalaqy Aqtóbede - Eraly Toǵjanov Qazaqstanda eńbek qatynastaryn retteıtin vedomstvoaralyq komıssııa qurylady

Túrik áriptesimen kezdesý barysynda QRKF tóraǵasy Eraly Toǵjanov Qazaqstan Halyqaralyq eńbek uıymyna engeli áleýmettik áriptestik ınstıtýty jáne sonymen birge kásipodaq qozǵalysy jedel qarqynmen damyp kele jatqanyn atap ótti.


«Áleýmettik áriptester arasynda áleýmettik, ekonomıkalyq jáne eńbek máseleleri boıynsha úshjaqty keńesýler, usynystar men kelissózder qoǵamdaǵy áleýmettik narazylyqtardy tómendetýge negiz bolyp otyr jáne bul turǵyda áleýmettik dıalog júrgizýde kásipodaqtarǵa basty ról berilgen», - dedi Eraly Toǵjanov.

Qazaqstan Respýblıkasy Kásiptik odaqtar tóraǵasynyń aıtýynsha, kásipodaq uıymy bar kásiporyndarda qaýipsiz eńbek jaǵdaıy qamtamasyz etilgen, eńbek qatynastary turaqty, jalaqy ýaqytynda tólenip, áleýmettik tólemder men ótemaqy tóleýge kepildik saqtalyp otyr.

«Qazir ujymdyq shart jumysshylardyń áleýmettik- eńbek quqyǵyn qorǵaýda kásipodaqtardyń basty quralyna aınalǵan jáne jumys berýshilermen birlesken jumys barysynda tıimdiligin kórsetip otyr», - dep atap kórsetti QRKF basshysy.

Eraly Toǵjanov «Týrk-Ish» Túrik Respýblıkasy kásipodaqtary konfederatsııasynyń prezıdenti Ergıýn Etalaıǵa arnaǵan sózinde Qazaqstan men Túrkııanyń ulttyq kásipodaq ortalyqtary eki el eńbekkerleri men kásipodaqtary arasyndaǵy yntymaqtastyqty damytýǵa jáne túsinistikti tereńdetýge baǵyttalǵan iskerlik baılanysta ekenin atap aıtty.

Kelissóz barysynda taraptar yntymaqtastyqtyń negizgi baǵyttary: áleýmettik áriptestikti damytý, turǵyndardy jumyspen qamtý jáne jumyssyzdyqpen kúreste belsendi saıasat, áleýmettik-eńbek qatynastaryn ujymdyq kelisimder arqyly retteý, eńbek qaýipsizdigin talqylady. Sonymen qatar, kásipodaqtar kóshbasshylaryn daıyndaý maqsatynda taraptar kásipodaqtyq kadrlardyń biliktiligin arttyrý boıynsha birlesken is-sharalar ótkizýge ýaǵdalasty.


«Týrk-Ish» - 820 myń múshesi bar Túrkııanyń burynnan kele jatqan jáne eń iri kásipodaqtar ortalyǵy. Túrkııa respýblıkasyndaǵy 20 óndiris salasynyń 33 uıymynyń basyn biriktiredi.

Sondaı-aq, sapar barysynda Eraly Toǵjanov birqatar ekijaqty kezdesýler ótkizdi.

Qazaqstan Respýblıkasy kásiptik odaqtar federatsııasy men Halyqaralyq kásipodaqtar konfederatsııasynyń Búkileýropalyq óńirlik Keńesi (HKK BEÓK) arasyndaǵy yntymaqtastyq máselelerin QRKF tóraǵasy Eraly Toǵjanov pen Halyqaralyq kásipodaqtar konfederatsııasynyń Búkileýropalyq óńirlik Keńesiniń prezıdenti Iraklıı Petrıashvılı talqylady. Taraptar áleýmettik-eńbek qatynastary salasyndaǵy halyqaralyq yntymaqtastyqty damytý máselelerinde birlese áreket etýge basa nazar aýdardy.

Halyqaralyq yntymaqtastyq máseleleri QRKF tóraǵasy men Halyqaralyq kásipodaqtar konfederatsııasynyń (HKK) keńesshisi ıAp Vınnenmen bolǵan kezdesýde de jalǵasyn tapty. Taraptar QR Kásiptik odaqtary federatsııasynyń Halyqaralyq eńbek uıymyndaǵy sarapshylar komıtetiniń usynystary boıynsha «Kásiptik odaqtar týraly» zańǵa baılanysty qolǵa alyp jatqan is-sharalardy talqylady.

QRKF tóraǵasy atap ótkendeı, eńbek jáne áleýmettik zańnamalardy eńbek salasyndaǵy halyqaralyq standarttarǵa sáıkestendirý «Qazaqstan Respýblıkasynyń eńbek máseleleri boıynsha birqatar zań aktilerine ózgertýler men tolyqtyrýlar engizý týraly» zań jobasyn qabyldaýǵa ázirleý arqyly júrgizilýde.

Eraly Toǵjanovtyń aıtýynsha, usynylyp otyrǵan ózgertýler men tolyqtyrýlardyń jalpy sany – 163, onyń ishinde 19 ózgertý Halyqaralyq eńbek uıymynyń usynystary men konventsııalardy júzege asyrýǵa baǵyttalǵan.

Sonymen qatar, Ankaradaǵy kongress aıasynda Eraly Toǵjanov Ázirbaıjan kásipodaqtary konfederatsııasy tóraǵasynyń orynbasary Djavanshır Alhasovpen kezdesti. Ázirbaıjan kásipodaqtary Konfederatsııasy HKK teń quqyly múshesi bolyp sanalady. QRKF jáne ÁKK arasyndaǵy yntymaqtastyq týraly Memorandýmǵa 2015 jyly qol qoıylǵan.

QRKF tóraǵasy sonymen qatar, Ózbekstan kásipodaqtary Federatsııasynyń tóraǵasy Kýdratılla Rafıkovpen kelissóz júrgizdi. Ózbekstannyń kásipodaqtary Federatsııasy Halyqaralyq kásipodaqtar konfederatsııasynyń Halyqaralyq kásipodaqtar konfederatsııasynyń assotsıatsıvti múshesi. Eki ulttyq Federatsııa arasyndaǵy yntymaqtastyq alty jyl buryn bekitilgen Memorandýmnan bastaý alady.

Kezdesý barysynda birlesken jumystardyń bolashaq baǵyttary, Ortaazııalyq memleketter (Qazaqstan, Qyrǵyzstan, Tájikstan, Ózbekstan jáne Túrkimenstan) kásipodaqtarynyń óńirlik birlesken is-áreketteri týraly kelisimge qol qoıýdyń bolashaǵy talqylandy. Aıta ketý kerek, q azirgi kúni Ózbekstannyń kásipodaqtar federatsııasynda 6,1 mıllıon adam bar.

Ekijaqty kelissóz sonymen qatar, Ýkraına jáne Belarýs elderiniń ulttyq kásipodaq birlestikteriniń basshylary Grıgorıı Osov pen Anna Varfolomeevamen de júrgizildi.




Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT