+7 (701) 759 90 19
USD 380.19 EUR 419.01
RUB 6.08 CNY 54.81
Jańalyqtar

Qazaqstan men Túrkııa áskerı daıarlyqtyń tártibin aıqyndady

2019 jylǵy 5 jeltoqsan 10:39
Bólisińiz:
Qazaqstan men Túrkııa áskerı daıarlyqtyń tártibin aıqyndady

NUR-SULTAN. QazAqparat – QR Parlamenti Senatynyń jalpy otyrysynda «Qazaqstan Úkimeti men Túrkııa Úkimeti arasyndaǵy áskerı yntymaqtastyq týraly kelisimdi ratıfıkatsııalaý týraly» Zańy qabyldandy, dep habarlaıdy QazAqparat tilshisi.

Uqsas jańalyqtar
Óskemende AQSh Qorǵanys mınıstrliginiń qoldaýymen antıkrızıstik ortalyq ashylmaq QR Qorǵanys mınıstrligi Aqtóbe oblysynda zymyran synyǵynyń qulaýyna baılanysty túsinik berdi QR QK Áskerı-tarıhı mýzeıi qundy eskponatpen tolyqty

Kelisimge 2018 jylǵy qyrkúıekte Ankarada qol qoıyldy.

«Túrkııa Qazaqstannyń mańyzdy ári negizgi strategııalyq seriktesteriniń biri. Osy ýaqytqa deıin eki memleket arasyndaǵy áskerı saladaǵy yntymaqtastyq 1993 jylǵy 8 tamyzdaǵy áskerı bilim salasyndaǵy, sondaı-aq 1994 jylǵy 23 aqpandaǵy áskerı ǵylym, tehnıka jáne bilim salasyndaǵy yntymaqtastyq týraly kelisimder negizinde júzege asyrylyp keledi. Joǵaryda atalǵan halyqaralyq sharttardyń keıbir erejeleri eki memlekettiń qoldanystaǵy zańnamasyna sáıkes kelmeıdi jáne áskerı saladaǵy is-sharalardy ótkizý boıynsha qarjylyq shyǵystarmen qamtamasyz etý tártibi kózdelmegen. Osyǵan baılanysty áskerı yntymaqtastyq salasynda jańa kelisim jasaý týraly sheshim qabyldanǵan bolatyn», - dedi QR Qorǵanys mınıstriniń orynbasary Tımýr Dándibaev.

Atap aıtqanda, qarastyrylyp otyrǵan kelisimniń maqsaty taraptar arasyndaǵy teń quqyqtyq pen ózara tıimdilik qaǵıdattary negizinde áskerı yntymaqtastyqty damytýǵa negizdelgen. Kelisim áskerı daıarlyq pen oqytýdy qosa alǵanda, budan buryn qamtylmaǵan birlesken oqý-jattyǵýlardy ótkizý, áýe keńistigi arqyly áskerı múliktiń tranzıti, medıtsınalyq kómek kórsetý, zań quzyrettiligi, sondaı-aq basqa da máselelerdi kózdeıdi.

«Túrkııa armııasynyń álemdegi jaýyngerlik qabileti myqty áskerlerdiń biri ekenin nazarǵa alsaq, bizdiń Qarýly Kúshterimiz Túrkııa áskeriniń tájirıbesin zerdeleý men qoldaný úshin yntymaqtastyq tetikterin paıdalanýǵa múddeli. Kelisimdi iske asyrý qorǵanys salasynda odan ári jemisti jáne ózara tıimdi yntymaqtastyqty damytýǵa yqpal etetinine senemiz», - dedi ol.

T. Dándibaevtyń sózine qaraǵanda, bıyldan bastap Túrkııanyń 16 áskerı qyzmetshisi Qazaqstandaǵy Ulttyq qorǵanys ýnıversıtetinde arnaıy baǵdarlama boıynsha bilim alýda.

Budan buryn habarlanǵandaı, búginde Túrkııada Qazaqstannyń 34 áskerı qyzmetshisi oqyp jatyr.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT