FÝTBOLDAN ÁLEM ChEMPIONATY-2022
  Jańalyqtar  >

Qazaqstan men Rýmynııanyń Energetıka mınıstrleri kezdesedi

2022 jylǵy 3 qazan, 17:57
Qazaqstan men Rýmynııanyń Energetıka mınıstrleri kezdesedi

ASTANA. QazAqparat – Osy aptada elordada Saýda-ekonomıkalyq jáne ǵylymı-tehnıkalyq yntymaqtastyq jónindegi Qazaqstan-Rýmynııa úkimetaralyq komıssııanyń 16-shy otyrysy ótedi.

Bul týraly QR Syrtqy ister mınıstrliginiń resmı ókili Aıbek Smadııarov málm etti, dep habarlaıdy QazAqparat tilshisi.

«Osy jyldyń 6-7 qazanynda Astana qalasynda Saýda-ekonomıkalyq jáne ǵylymı-tehnıkalyq yntymaqtastyq jónindegi Qazaqstan-Rýmynııa úkimetaralyq komıssııanyń 16-shy otyrysy ótedi. Qazaqstan tarapyn Úkimetaralyq komıssııanyń teń tóraǵasy Energetıka mınıstri Bolat Aqsholaqov, rýmyn tarapyn – Energetıka mınıstri Vırdjıl-Danıel Popeský basqarady. Іs-sharaǵa Rýmynııa úkimetiniń músheleri, onyń ishinde Rýmynııanyń Eńbek jáne áleýmettik yntymaqtastyq mınıstri Marıýs-Konstantın Býdeı qatysady», - dedi ol mınıstrlikte ótken aptalyq brıfıng barysynda.

Onyń atap ótýinshe, komıssııa otyrysy barysynda vedomstvoaralyq kelisimderge qol qoıý, sondaı-aq bıznes-forým ótkizý josparlanǵan.

«Rýmynııa Qazaqstannyń Eýropadaǵy mańyzdy saýda seriktesteriniń biri ekenin atap ótken jón. 2021 jyly taýar aınalymy 1,57 mlrd AQSh dollaryn qurady, onyń ishinde eksport - 1,52 mlrd dollarǵa jetip, al ımport 48 mln dollardy qurady. Osy jyldyń alǵashqy 7 aıynda taýar aınalymy 1,25 mlrd AQSh dollaryna jetti. Bul ótken jyldyń sáıkes kezeńimen salystyrǵanda 31 paıyzǵa artyq», - dedi Aıbek Smadııarov.


Uqsas jańalyqtar
Seriktester jańalyqtary

Jańalyqtar