Qazaqstan men Reseıde benzın baǵasy qashan teńesedi - Bozymbaev jaýaby
NUR-SULTAN. QazAqparat - Qazaqstan men Reseıdiń janar-jaǵarmaı baǵasyn teńestirý máselesi birtindep júzege asyrylatyn bolady. Bul jaıynda Úkimet otyrysynan keıin BAQ ókilderiniń saýalyna jaýap bergen QR Energetıka mınıstri Qanat Bozymbaev aıtty, dep habarlaıdy QazAqparat tilshisi.
«Reseımen baǵany teńestirý máselesi bir kúnniń sharýasy emes. Biz buǵan deıin biryńǵaı naryqqa ený týraly kelisimge qol qoıǵan edik. Bul naryqqa Reseı, Qyrǵyzstan, Armenııa, Belarýs syndy elder kiredi. Degenmen, bul 2025 jyly oryn alady», - dedi mınıstr.
Qanat Bozymbaev Qazaqstan men Reseıde benzın baǵasynyń birdeı bolatyndyǵy týraly aıtýǵa áli erte ekendigin eskertti.
«Óıtkeni, baǵany teńestirý máselesin durys túsiný qajet. Bul birtindep júzege asyrylady. Bul bir kúnniń, bir aıdyń, tipti bir jyldyń ishinde sheshile salatyn másele emestigin túsiný mańyzdy», - dedi ol.
- Máskeýde Abaı eskertkishiniń janynda biregeı ınstallıatsııa usynyldy
- Qazaqstan koronavırýsqa qarsy reseılik vaktsınany satyp ala ma
- Reseıde koronavırýsqa shaldyqqandar sany 900 myńnan asty
- QR Úkimetiniń delegatsııasy reseılik vaktsınany satyp alýdy talqylaý úshin Máskeýge barady
-
AQSh-tyń bas ınfektsıonısi koronavırýsqa qarsy reseılik vaktsınanyń qaýipsiz ekenine kúmándandy
-
Bashqurtstanda qalalyq merııaǵa terrorlyq akt jasalmaq boldy
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam
