+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Qazaqstan men Reseı transshekaralyq ózenderdi birlesip paıdalaný jaıyn talqylady

2020 jylǵy 29 qazan 21:28
Bólisińiz:
Qazaqstan men Reseı transshekaralyq ózenderdi birlesip paıdalaný jaıyn talqylady

NUR-SULTAN. QazAqparat - Qazaqstan men Reseı transshekaralyq ózenderdi birlesip paıdalaný jónindegi jumysty talqylady, dep habarlaıdy QazAqparat Ekologııa, geologııa jáne tabıǵı resýrstar mınıstrligine silteme jasap.

Uqsas jańalyqtar

Halyqty jáne ekonomıka salalaryn sýmen qamtý, lastanýyń aldyn alý, transshekaralyq ózender sýynyń taýsylýy jáne taǵy basqa máseleler Novosıbırsk qalasynda ótken Transshekaralyq sý obektilerin birlesip paıdalaný jáne qorǵaý jónindegi Qazaqstan-Reseı birlesken komıssııasynyń otyrysynda talqylandy.

Kezdesýge taraptardyń teń tóraǵalary QR Respýblıkasy Ekologııa, geologııa jáne tabıǵı resýrstar vıtse-mınıstri Erlan Nysanbaev pen Reseı Federatsııasy Sý resýrstary agenttigi basshysynyń orynbasary Vadım Nıkanorov qatysty. Sonymen qatar jıynda Qazaqstan Respýblıkasy men Reseı Federatsııasynyń mınıstrlikteri, sý sharýashylyǵy mekemeler, gıdrometeorologııalyq qyzmeti, jergilikti atqarýshy organdardyń jáne basqa da uıymdarynyń ókilderi boldy.

«Jınalysta eki el arasyndaǵy transshekaralyq ózenderdiń barlyq basseınderi boıynsha jumys toptary jetekshileriniń baıandamalary tyńdaldy. Taraptar bıylǵy kóktemgi sý tasqyny týraly, sý qoımalaryn toltyrý jáne halyq pen ekonomıka salalaryn sýmen qamtamasyz etý jaǵdaılary, sý resýrstarynyń lastanýy men sarqylýyn boldyrmaý týraly aqparat almasty. Jaıyq ózeniniń ekologııalyq jaǵdaıy jáne gıdrologııalyq rejımin jaqsartý máselelerine erekshe nazar aýdaryldy. Kezdesý qorytyndysynda Jaıyq, Ertis jáne basqa iri ózender basseınderindegi zertteýler júrgizýge yntymaqtastyqty arttyrý úshin Biryńǵaı jol kartasy bekititildi», delingen habarlamada.

Eske salaıyq, Qazaqstan men Reseı álemdegi eń uzyn ortaq qurlyqtaǵy shekara arqyly ǵana emes, Ertis, Esil, Tobyl, Jaıyq, Qaraózen jáne Saryózen, Qıǵash sekildi ortaq transshekaralyq ózender arqyly da baılanysady.

Eki memleket arasyndaǵy sý qatynastary Qazaqstan Úkimeti men Reseı Úkimeti arasyndaǵy 2010 jylǵy 7 qyrkúıektegi transshekaralyq sý obektilerin birlesip paıdalaný jáne qorǵaý týraly kelisim negizinde retteledi. Osy kelisimge sáıkes transshekaralyq sý obektilerin birlesip paıdalaný jáne qorǵaý jónindegi Qazaqstan-Reseı Birlesken komıssııasy jáne Ertis, Esil, Tobyl, Jaıyq, Qaraózen jáne Saryózen, Qıǵash ózenderiniń basseınderi boıynsha 6 jumys toby jumys isteıdi.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT