+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Qazaqstan men Reseı «Spýtnık V» vaktsınasyn óndirýmen baılanysty kelisimge qol qoıdy

2020 jylǵy 4 jeltoqsan 22:16
Bólisińiz:
Qazaqstan men Reseı «Spýtnık V» vaktsınasyn óndirýmen baılanysty kelisimge qol qoıdy

NUR-SULTAN. QazAqparat - QR Densaýlyq saqtaý mınıstrligi men Reseıdiń tikeleı ınvestıtsııalar qory (RFTIQ) kelisimge qol qoıdy. Kelisim koronavırýsqa qarsy «Spýtnık V» vaktsınasyn tirkep, sondaı-aq ony óndirý jáne taratý rásimin júrgizý baǵyttaryndaǵy yntymaqtastyq máselelerin qamtıdy, dep habarlaıdy QazAqparat tilshisi.

Atalǵan qujatqa Densaýlyq saqtaý mınıstri Alekseı Tsoı men RFTIQ Bas dırektory Kırıll Dmıtrıev qol qoıdy.

Qazaqstan Respýblıkasynyń retteýshi organdary qajetti rásimderdi aıaqtaǵannan keıin Reseı Federatsııasy tehnologııa transferin júrgizedi jáne el aýmaǵynda «Spýtnık V» vaktsınasynyń keminde 2 mln dozasyn óndirýge arnalǵan sýbstantsııany jetkizedi.

«QR Prezıdent Qasym-Jomart Toqaev Reseı Federatsııasynyń Prezıdenti Vladımır Pýtınmen Qazaqstan Respýblıkasynyń aýmaǵynda «Spýtnık V» vaktsınasyn shyǵaratyn zaýyt salý týraly kelisti. Bul Kelisim ekijaqty qarym-qatynasqa serpin beredi, sondaı-aq koronavırýs ınfektsııasy pandemııasymen tezirek kúresýge múmkindik týady dep senemin», - dedi A.Tsoı.

«RFTIQ men Qazaqstan Respýblıkasy arasyndaǵy kelisimniń arqasynda halyqqa adamnyń adenovırýstyq vektorlarynyń tekserilgen jáne jaqsy zerttelgen platformasynda qurylǵan tıimdiligi 91% asatyn koronavırýsqa qarsy vaktsına qoljetimdi bolady. Qazaqstan aýmaǵynda «Spýtnık V» vaktsınasyn shyǵarý logıstıkalyq shyǵyndardy azaıtýǵa jáne qysqa merzimde vaktsınany medıtsınalyq mekemelerge jetkizýge múmkindik beredi. Sonymen qatar, eki el arasynda tehnologııalyq, ǵylymı jáne medıtsınalyq tájirıbe almasý keńeıedi», - dedi RFTIQ Bas dırektory K. Dmıtrıev.


Qazirgi ýaqytta Belarýs Respýblıkasynda, BAÁ, Venesýelada jáne birqatar basqa elde «Spýtnık V» vaktsınasynyń III klınıkalyq zertteý fazasy, sondaı-aq Úndistanda II-III faza maquldandy jáne júrgizilýde. 50-den astam elden 1,2 mlrd astam doza satyp alý týraly ótinim túsken. Sheteldik naryqqa arnalǵan vaktsınany RFTIQ halyqaralyq seriktesteri Úndistan, Brazılııa, Qytaı, Ońtústik Koreıa jáne taǵy tórt el shyǵaratyn bolady.

Esterińizge sala keteıik, 24 qarashada N. F. Gamaleı atyndaǵy EMUǴO men RFTIQ randomızatsııalanǵan platsebo-baqylanatyn klınıkalyq tirkeýden keıingi koronavırýsqa qarsy «Spýtnık V» vaktsınasy 40 000 eriktiniń qatysýymen zertteýdiń III kezeńiniń ekinshi aralyq taldaýynyń oń nátıjelerin jarııalady. Zertteýdiń aralyq nátıjeleri taǵy bir ret adamnyń adenovırýstyq vektorlarynyń jaqsy zerttelgen platformasynda qurylǵan álemdegi alǵashqy tirkelgen koronavırýsqa qarsy vaktsına «Spýtnık V» vaktsınasynyń joǵary tıimdiligin kórsetti. Tıimdilikti baǵalaý vaktsınanyń birinshi ınektsııasyn (ekinshi ınektsııany alǵannan keıingi 7-shi kún) nemese klınıkalyq zertteý hattamasyna sáıkes ekinshi baqylaý núktesine jetkende platsebo alǵannan keıingi 28-shi kúni 18 794 erikti arasynda júzege asyryldy. Taldaý qorytyndysy boıynsha «Spýtnık V» tıimdiligi 91,4% qurady.

Buǵan deıin QazAqparat 22 jeltoqsannan bastap, «Spýtnık V» vaktsınasy óndirile bastaıtynyn habarlaǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Gúlzat Aqjolova

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT